Ingay ng bumagsak na kung anong bagay ang nagpalingon sa kanilang tatlo. Maging si Wynn ay nabigla sa gagawin sana ng dating kasintahan kay Shaina pero kilala niya si Shaina. Marahil nagbago ito sa pisikal na kaanyuan at naging pino ang galaw pero hindi pa rin nawawala ang pagiging matapang nito.
"S—sorry," nahihiya si Althea.
"Yes, Miss Lacsamana?" agad na turan ni Wynn nang makitang tila nahintakutan ito sa nasaksihang tagpo.
Parang nawalan pa siya ng boses dahil sa tensiyon. Tumikhim muna para matanggal ang bumikig sa kaniyang lalamunan. "Sir, ipapaalala ko lang po ang meeting niyo," saad dito. May meeting kasi ito sa Bureau of Customs regarding sa mga shipments. Sa dami ng negosyo ng pamilya nito ay mukhang magiging abala talaga ito.
Naisip tuloy niya kung may plano bang mag-asawa
