TAHIMIK lang si Klarissa na nakaupo katabi ng mama at kapatid niyang si Kris sa mahabang sofa. Sa kabilang tabi niya naroroon ang boss niyang kalalabas lang sa ospital. Sa kabilang mahabang sofa naman nandon ang mama ng boss niya, si Sir Sixto at Tanya. Hindi niya alam bakit pati pamilya niya naroroon. Para tuloy silang nasa pamamanhikan at gusto niya sabunutan ang pasimuno ng lahat ng iyon – si sir Sixto Altamirano. Kanina pa niya ito iniirapan at tinitingnan ng masama. Bukod pa doon yung tingin ng boss niya dito. Pakiramdam niya sunog na sunog na buong pagkatao nito ngayon.
Ang dami namam kasing pwedeng gawing alibi, nungkang sabihin nitong girlfriend siya ng boss niya. Doon lang din niya nalaman na si Camille Serrano pala'y anak ng isang board committee sa MSC at pinipilit ng ama ni C
