IRINA P.O.V
Nandito kami sa court, pawisan at halatang kinakabahan ang lahat. Ito na ang araw ng volleyball game namin, at aminado akong hindi ito magiging madali. Malakas ang kalaban, mga trained athletes na sanay sa ganitong klaseng laban. Ako? Wala akong choice kundi gawin ang lahat para manalo. Kailangan kong ibigay ang lahat, hindi lang para sa sarili ko, kundi para sa university na nire-represent namin.
Nagsimula na ang game. Tumutunog ang whistle at agad akong nag-prepare sa posisyon ko. Huminga ako nang malalim, pinipilit pakalmahin ang sarili ko kahit na ramdam ko na ang kaba. Pag-serve ng bola ng kalaban, tumalbog ito nang mabilis at malakas, halos hindi ko na na-track kung saan babagsak.
“Focus, Irina! Focus!” sabi ko sa sarili ko. Hindi ko na kayang magkamali, hindi ngayon.
