"Hindi ako nagbibiro, Migoh!" nandidilat kong pahayag dahil sa pagtawa niya. "Hindi ka muna pwedeng mag-girlfriend," pinal kong dagdag.
Huminto sa paglalakad si Migoh at humarap sa'kin kaya napahinto rin ako sa paglalakad. Hindi na siya nakatawa pero nangingislap pa rin ang kanyang mga mata dahil sa pagkaaaliw.
Hindi ko tuloy mapigilang mapasimangot dahil halatang hindi niya sineryoso ang sinabi ko.
"Bakit si Rusca pwede tapos ako hindi?" naaaliw na tanong ni Migoh sa'kin.
"M-mas matanda sa'yo si Rusca," maagap kong sagot. "At ako naman ang girlfriend niya kaya wala akong nakikitang problema roon," pairap kong dugtong.
Hindi ko masabing ayaw kong may ibang babaeng magiging malapit sa kanya. Naiinis din ako sa sarili ko dahil hindi ko naman boyfriend itong si Migoh pero nagiging posse
