ZARINA P.O.V
Napabuntong-hininga ako habang nakaupo sa gilid ng malamig na sahig ng kulungan. Ang daming tumatakbo sa isip ko—lalo na kung paano naabot sa ganito ‘tong kalokohang ‘to. Mabuti na lang talaga at na-contact ng mga pulis yung lawyer ni Boss Emir. Kung hindi, mag-oovernight kami dito. Pakiramdam ko, lalo lang akong masasabon ni Boss paglabas namin.
Si Boss? Ayun, sa isang sulok, nakapangalumbaba, hindi talaga makapaniwala sa mga pangyayari. “I still can’t believe I hired you,” bulong niya, pero rinig na rinig ko.
Napangiti lang ako ng alanganin. "Boss, I'm really sorry ha. Hindi ko naman talaga sinasadya... pero sa totoo lang, mukhang effective naman ‘yung strategy ko, ‘di ba? Tignan mo, nakontak ‘yung lawyer mo." Sinubukan kong magpatawa, pero kita kong hindi siya natatawa.
