ZARINA P.O.V
Pagbalik ko sa opisina, agad kong naramdaman ang tensyon sa loob. Parang lumamig ang hangin, at bumagal ang oras. Bumukas ang pintuan at nakita ko si Boss Emir na nakatayo sa gitna ng opisina, halatang galit na galit. Hindi ko pa siya nakitang ganito, at sa totoo lang, kinabahan ako. Ang kilalang seryoso pero kalmado kong boss, ngayon ay para bang sasabog sa galit.
"Alex!" Halos pasigaw niyang tawag sa pangalan ko, at napapaatras ako ng bahagya. Para akong bata na nahuling gumagawa ng kalokohan. Ramdam ko ang init ng dugo niya mula sa malayo.
"Boss..." Pahina kong sagot, habang pilit na ngumiti ng kaunti, pero halata naman ang kaba sa mukha ko.
“Nasaan ka ba kanina?!" Sigaw niya ulit, halos nanginginig ang boses. Hindi ko alam kung dahil sa galit o dahil sa iba pang emosyo
