TIPIKAL na oras, alas nuwebe ng gabi. Kapag ganoong oras madalas ay tulog na si Elena lalo na at hindi naman siya galing sa trabaho. Pero ng mga sandaling iyon ay mulat na mulat pa rin ang mga mata niya.
Hindi siya makatulog kaya lumabas siya ng naturang Hotel at naglakad-lakad sa Sunken Garden na nasa tapat lang niyon. Lahat ng hardin doon ay halos gayang-gaya sa mga hardin na nasa Canada, ang The Butchard Garden. Doon daw inspired ang mga garden ng Club.
Tiniis niya ang lamig ng gabi at nanatili pa roon ng ilang sandali bago ipinasyang bumalik sa Hotel.
Pagpasok niya sa suite ay naroon na si Sire na nanonood ng TV. Automatic na pinatay nito iyon ng makita siya.
“Gabi na pero nasa labas ka pa rin? Hindi dahil narito ka sa loob ng Club ay safe ka na!” galit nitong sabi.
Tameme tuloy a
