MATAPOS kumain ay lumabas na rin si Elena sa restaurant at nag-umpisang maglibot. Nag-selfie muna siya sa harap ng Bay View Restaurant bago naglakad papunta sa kung saan siya dalhin ng kanyang mga paa. Bahala na kung saan siya makarating.
Nang makita ang entrance ng Japanese Garden ay doon siya dumaan.
Dahil sa magandang ambience ng Japanese Garden kaya pakiramdam niya ay nasa Japan lang siya. Wala tuloy humpay sa pagngiti ang kanyang labi.
Lahat kasi ng halaman at puno roon ay hindi basta-bastang makikita lang na pakalat-kalat sa Pilipinas. Natutuwa siya at nakarating siya sa lugar na iyon. Nakakawala ng stress ang ganda ng nature.
Ilang oras na ang lumipas. Na-low bat na rin ang cellphone niya dahil sa walang katapusang selfie. Nagugutom na rin uli siya dahil bukod sa kanina pa siya
