“BABA na,” ani Sire ng mabuksan ang pinto sa tabi ni Elena.
Sinulyapan muna niya ang dalawang palapag na restaurant na siyang hinintuan nila ni Sire. Bigla siyang nakaramdam ng gutom. Hindi pa kasi siya nag-a-almusal. Kahit busog ang mga mata niya sa magagandang tanawin na nakita ng kanyang mga mata ay hindi pa rin niyon mapapawi ang kalam ng sikmura niya.
“Baba na sabi,” ulit ni Sire ng hindi siya matinag sa pagkakaupo.
Mayamaya pa ay bumaba na rin siya at walang imik na sumunod kay Sire papasok sa Bay View Restaurant. Umakyat sila sa pangalawang palapag kung saan naroon ang pinaka dining. Puro VIP rooms ang nasa first floor. Naroon din ang pinaka-kitchen.
Kahit na laman siya ng mga eleganteng restaurant dahil na rin sa nature ng kanyang trabaho ay hindi pa rin niya mapigilan ang sari
