THE CEO’S CONFIDENTIAL LOVER
(Sensational Romance Novel: Joemar Ancheta)
Chapter 58
Paano sila? Paano niya mapapatawad ang lalaking gumawa niyon sa kanyang ina? Paano kakayanin ng pagmamamahal na burahin ang galit sa kanyang dibdib?
Hindi na niya alam kung ano ang paniniwalaan ngunit hindi siya puwedeng magkamali sa narinig niyang iyon noon. Tumulo ang luha niya. Ipinangako niya sa Mama niya na gagawin niya ang lahat para mabulok sa bilangguan ang naging dahilan ng pagkamatay nito. Hindi niya naisip na ang una niyang minahal, ang taong tangi niyang minahal ang siyang pinaghihinalaang utak ng panununog sa kanilang lugar.
Marami siyang nais sabihin, gusto niyang saktan pa si Adam bukod sa sampal na dumapo sa pisngi nito. Gusto niyang pagsusuntukin hanggang mapagod ngunit pinigilan na ni
