(Chapter 14 - Masamang balita )
Kinn's POV
Nagising ako sa sinag ng araw na tumatama sa mukha ko nang umagang iyon. Nakalimutan ko na namang ibaba ang kurtina ng bintana ko kagabi. Palagi ko na lang nakakalimutan iyon.
Ang aga tuloy nagising.
Wala na akong choice kung di ang bumangon na. Hindi naman na ako makakatulog pa dahil once na magising na ako ay magigising na ako nang tuluyan.
Paglabas ko sa kuwarto ko ay narinig kong may kausap si papa sa ibaba. Hindi tuloy agad ako nakababa dahil nakinig muna ako sa kanila. Hindi kasi ako nagpapakita ng totoo kong mukha kapag may bisita. Ayokong malaman ng mga tao sa labas o nang mga kaibigan ng pamilya ko na ako ang sikat na fashion model na si Kinn Ramirez. Ito ay para sa katahimikan ng buhay ko. Iniiba ko ang wangis ng mukha ko kapag nar
