( Chapter 15 - Ang nakaraan ni Sister Norma )
Kinn's POV
Pagdating ko sa hospital ay pumarada agad ako sa kung saan na puwedeng hintuan doon. Bago ako bumaba sa sasakyan ko ay muli ko na namang pinahaba ang mga buhok ko sa katawan—sa ulo, bigote at saka balbas.
Sa labas pa lang ng hospital ay kita ko na agad ang mga batang umiiyak. Naroon sina Liam, William, Benjamin, Ava at Amelia. Nilapitan ko sila. "Nasa sina Sister Norma at Sister Corazon?"
Bago sumagot si Liam ay sinalubong muna niya ako nang yakap. Nakita kong nakataas ang balikat niya. "Nasa loob po, masama po kasi ang lagay ni Olivia," sagot niya habang lumuluha.
"Eh, ikaw ba? Bakit parang hinihika ka? Nakataas na naman ang balikat mo, oh!" Ganiyan kasi iyan kapag hinihika Kabisado ko na siya. Si Liam kasi ang pinaka-favorite
