( Chapter 52 - Boyfie )
Cyd's POV
Nagpunta ako sa dagat ng Casay City. Pumasok kasi sa panaginip ko kagabi si Pinunong Tam. Sinabi niya sa akin na tumungo ako roon dahil may iuutos siya sa akin. Sa tahimik na lugar ako pumunta, sa batuhan na kung saan ay walang tao na makakakita sa akin.
Pagbaba ko sa buhangin ay tinawag ko na siya. "Narito na ho ako, Pinunong Tam." Humangin sa kapaligiran. Lumitaw ito bigla sa harap ko. Nagulat ako dahil may laman na ang kalahati ng katawan niya, habang ang natitirang kalahati ay tila kaluluwa pa rin.
"Nalalapit na po pala talaga ang pagkabuhay ninyo," bati ko sa kanya at saka ako yumuko. Nakita kong nakangisi siya. Halatang-halata na masaya ito ngayon.
"Pinapunta kita rito para utusang pumasok sa kuweba. May laman na ang baywang, binti at paa ko, p
