The TWIN Brothers And The Beautiful Nerd

Chapter 10 -Epic fail-

Genevieve's POV

Ang sabi nila mommy ay pupunta sila Enzo ngayon dito sa bahay namin upang pag-usapan ang kasal naming dalawa. Maikasal man kami ay sisiguraduhin ko na isang linggo pa lang ay makikipag divorce na siya sa akin. Ayoko kayang makasama siya ng matagal sa iisang bahay. Nasusuklam ako sa kanya at kahit na ano pa ang gawin niya ay hindi niya ako mapapalapit sa kanya, hindi niya makukuha ang kalooban ko.

Napatingin ako sa salaming kaharap ko, wala akong make-up ngayon, kitang-kita ko ang kagandahan ng mukha ko, ang natural na mukha ko na walang kahit na anong make-up.

"Hinding-hindi makikita ng Ezi na 'yon ang mukhang ito, tanging si Genevieve nerd lang ang makikilala niya at hindi ang tunay na ako." ani ko sa kaibigan ko na nakadapa sa kama at ini-stalk na naman niya si Kuya Caleb sa social media.

"Ang gwapo talaga ng Kuya Caleb mo, sigurado ka ba bestie na wala pa siyang girlfriend? Sabihin mo sa kanya na available pa ako ha." ani niya na ikinatawa ko. Pasaway talaga itong kaibigan ko.

Naupo ako sa kama at tinignan ko ang larawan ni Kuya Caleb na tinititigan niya. Kuha ito sa isang beach na kasama ni kuya ang mga barkada niya. Walang pang-itaas si kuya at kita ang magandang pangangatawan nito, marami ding babae ang nakapalibot sa kanya at dalawa sa kanila ay yakap ni kuya ng tig-isa niyang braso. Palikero si Kuya Caleb kaya ayokong sa kanya maiinlove ang kaibigan ko dahil sigurado akong masasaktan lang si Tami, pero nakikita ko kay Tami na mahal nya talaga si kuya kahit nuong bata pa kami. Marami mang gwapo ang nakakaharap niya pero kunwaring kinikilig lamang ang ginagawa niya upang pagtakpan ang tunay na damdamin niya sa kapatid ko.

"Bestie anong oras ba darating ang groom to be mo?" ani niya na ikinasalubong ng kilay ko at napangiwi pa ako ng mukha dahil parang hindi ko maatim na groom to be ko ang Ezi na 'yon.

"Ewan! Sana huwag na lang sila makarating, sana magkaroon ng biglaang bagyo tapos malalaking kidlat para hindi sila makalabas ng bahay para hindi na sila matuloy dito." ani ko na ikinatawa naman ng aking kaibigan. Nginusuan ko lamang siya at napairap ako sabay tayo ko at nagpunta na ako ng banyo. Kailangan ko na ring maghanda dahil sabi ni mommy ay siguradong darating sila mamayang gabi, mahigit alas kuatro na ng hapon kaya kailangan ko ng mag-ayos ala nerd para naman masuka na siya sa anyo ko at umatras na agad sa kasal namin. Kapag nangyari 'yon ay babalik na din agad ako ng America upang ipagpatuloy ko na ang buhay ko duon. Ayoko dito sa Pilipinas dahil pinapaalala lang ng lugar na ito kung paano ako sinampal nuon ni Ezi, kung paano niya ako kutyain nuon. Naaalala ko pa ang tinawag niya sa akin nuon, Geneviooiiink. 'Yan ang tinawag niya sa akin nuon. Pero ngayon ang ganda ng katawan ko na itinatago ko sa malalaking damit upang hindi mapansin ni Ezi. Marami din akong biniling bagong damit na halos hanggang sakong ang haba at long sleeve din ito. Mas okay sa akin ang ganitong damit para naman mas lalo niya akong ikahiya at mas mapabilis ang pag-atras niya.

Hindi naman nagtagal ay natapos na rin agad akong maligo, tinuyo ko agad ang buhok ko at naglagay ulit ako ng hair spray para tumigas ang buhok ko. Kinuha ko ang make-up ko at nagsimula na naman akong magpinta at sinabayan na din ako ng aking kaibigan dahil bukas pa siya uuwi sa kanila. Wala pa kasi ang Kuya Matthew niya at bukas pa darating galing ng England. Wala naman siyang makakasama sa malaking bahay nila kaya dito na lang muna siya sa amin nag stay, at mas okay sa kanya 'yon dahil araw-araw niyang nakikita ang kuya ko.

Pagkatapos kong magbihis at mag-make up ay napangiti ako dahil mas pinapangit ko pa ang sarili ko ngayon. Naka dress ako na hanggang sakong ang haba niya, long sleeve din ito at naka butones hanggang leeg para naman matakot na ang Ezi na 'yon. Hindi ko rin masyadong sinuklay ang buhok ko, naglagay ako ng spray at medyo ginulo ko ang buhok ko.

"Wait bestie, tignan mo itong binili ko kanina, inilalagay ito sa ngipin para magmukhang may tinga kang itim para kunwari hindi ka nag toothbrush." wika niya kaya namilog ang mga mata ko at nagpa talon-talon pa ako habang pumapalakpak.

"The best ka talaga bestie!" ani ko at kinuha ko ang bagay na ibinigay niya sa akin at talagang isiningit ko ito sa ngipin ko sa harapan at saka ako ngumiti ng pagkalaki-laki.

"Ayyy, bongga!" ani ni Tami kaya nag high five pa kaming dalawa. Napatingin ako sa orasang nasa gilid ng aking kama at mag-aalas sais na kaya siguradong pag-dating nila ay tatawagin na agad kami ni mommy dito.

"Dito na lang muna tayo Tami, huwag muna tayong lalabas, hintayin nating tawagin tayo ng kasambahay para naman bongga ang pagbaba natin ng hagdanan, 'yung tipong mapapanganga sila at aawang ang mga labi nila habang bumababa tayo ng hagdanan, 'yung tipong mag-slow motion ang buong paligid nila kapag nakita na nila tayo." ani ko at kumukumpas-kumpas pa talaga ako ng kamay habang ini-imagine ko ang mga nangyayari.

"Ayyyy, bet na bet ko 'yan bestie!" ani niya habang tumitili. Napatingin akong muli sa harapan ng malaking salamin at ngumiti ako ng napakalaki, 'yung kita lahat ng ngipin ko.

Hindi nagtagal ay ilang katok sa pintuan ang nagpangiti sa amin dahil siguradong dumating na nga ang pinakahihintay namin, ang groom to be ko. Tignan lang namin kung hanggang saan niya kakakayanin ang pagiging nerd ko.

"Senyorita, pinapatawag na po kayo ng mommy ninyo, dumating na po kasi ang mga bisita ninyo at naghihintay na po sila sa living room." ani ng isang kasambahay namin kaya naghawak kamay kami ni Tami at binuksan na namin ang pintuan and of course, muling natakot ang kasambahay namin ng biglang bumukas ang pintuan at iniluwa ang pagmumukha naming magkaibigan. Isang malaking ngisi ang ibinigay namin sa kanya habang siya naman ay hindi malaman kung ngingiti ba sa amin o tatalikuran na lang kami at kakaripas ng takbo.

Pagkaalis ng kasambahay namin ay nagkatinginan kaming dalawa ni Tami at napabungisngis kami pa kami.

Nagsimula na kaming maglakad hanggang makarating kami ng ituktok ng hagdanan, unang napatingin sa amin si Kuya Caleb na nakatayo at binati ako ng may kalakasan kaya lahat ay napatingin sa amin kaya nagsimula na kaming lumakad pababa ng hagdanan pero syempre dahil ako daw ang bride to be, dapat nauuna ako sa pagbaba ng hagdanan.

Ilang baitang na lang sana at nasa ibaba na ako. Ang laki pa naman ng pagkakangiti ko ng bigla kong matapakan ang laylayan sa harapan ng suot kong dress kaya na out balance ako at bigla akong bumagsak sa baitang at nagsimula akong mahulog na kumakaldag ang pwet ko sa bawat baitang ng hagdanan, at kahit anong pigil ko ay tuloy-tuloy na akong nahulog pa-ibaba.

"Oh my god, Genevieve!" ani ng aking ama at ina habang si Enzo at ang dalawa kong kuya ay nagmamadaling tumakbo papalapit sa akin upang saluhin sana ako. Unang nakarating si Kuya Caleb na binuhat agad ako at iniupo ako sa sofa. Nakasubsob ang mukha ko sa dibdib ni kuya dahil pahiyang-pahiya ako. Sobrang sakit ng pwet at balakang ko, gusto kong himasin pero nahihiya naman ako dahil lahat sila ay nakatunghay sa akin. Malakas na pagtawa naman ang maririnig kay Ezi. Nagawa pa talaga niya akong pagtawanan sa halip na tulungan ako kanina. Napaka walanghiya talaga ng impaktong 'to!

"Oh my god! Epic, I tell ya!" ani ni Ezi na tumatawa kaya napagalitan siya ng kanyang ama. Buti nga sa kanya!

Grabe ang pagkapahiya ko sa nangyari, akala ko mapapanganga ko sila sa gagawin ko pero nakarma agad ako. Ilang minuto pa... well, let say na umabot ng twenty minutes ang pagkapahiya ko bago ako humarap sa kanila. Napapangiwi ako dahil nararamdaman ko ang kirot sa pwetan ko, nakakahiya talaga ang nangyari sa akin.

Nakikita ko sa mukha ni Ezi ang pinipigilang tawa habang ang mga mata ko naman ay nagliliyab sa galit na nakatitig lang sa kanya. Napatingin naman ako kay Kuya Kayden na hindi na talaga napigilan ang pagtawa at bumunghalit na talaga siya ng tawa. Halos maiyak ako sa pagkapahiya ko pero pinigigilan ko lang dahil ayokong makita ng Ezi na 'yon na talunan ako. Bakit ba naman kasi ang haba ng isang dress na ito. Nakakainis talaga!

"Halina kayo sa hapag kainan at habang kumakain tayo ay itatakda natin ang kasal ninyo sa Sabado." ani ng aking ina na ikinagulat ko kaya napatayo akong bigla at tila ba nawala ang matinding sakit ng balakang at pwet ko.

"Duon ka na magreklamo sa dining area." bulong sa akin ni Kuya Caleb. Ang masamang titig ko naman kay Ezi ay hindi mawala-wala.

"Grabe bestie, ang bongga ng pagkakalaglag mo ha. Napahawak tuloy ako ng mahigpit sa railing para hindi ako mahulog." bulong ng kaibigan ko kaya inirapan ko siya. Isa pa 'to, napahiya na nga ako eh mukhang gusto rin niya akong pagtawanan.

HABANG kumakain kami ay nag-uusap ang mga magulang namin tungkol sa kasal daw namin sa Sabado. Gusto ko na sana silang iwan dahil ayoko talagang maikasal sa impaktong Ezi na ito pero ayoko namang mapahiya sila mommy at ayokong sumama ang loob nila sa akin kaya wala naman akong magawa kung hindi ang magpatianod na lang sa kagustuhan nila.

"Simpleng kasalan lang naman ang mangyayari muna, kaylangan lang nating madaliin bago pa may umatras na isa sa kanila. Saka na natin pag planuhan ang engrandeng kasal nila." ani ng ina nila Enzo.

"Agree ako diyan amiga, simpleng kasalan lang at tayo lang ang dadalo at pagkatapos ng kasal ay sa condo na ni Ezi uuwi si Genevieve," ani naman ng aking ina.

"What? Ayoko nga mom, manyakin pa ako ng Ezi na 'yan!" ani ko na ikinataas ng kilay niya.

"Excuse me? Kahit maghubad ka sa harapan ko hinding-hindi kita hahawakan, kahit ang dulo ng buhok mo, wala akong balak na hawakan. Taas ng pangarap mo ha!" seryosong ani niya at isang irap ang ibinigay ko sa kanya. Napatingin naman ako kay Enzo na nakatitig pala sa akin at nababasa ko sa kanyang mga mata ang matinding kalungkutan na hindi ko alam kung saan nanggagaling. Baka heartbroken, baka nag break sila ng girlfriend niya. Hindi na ako kumibo pa. Napatingin ako kay Ezi na malamig na nakatitig sa akin at napapailing ng kanyang ulo. Ang tingin ko sa kanya ay tila ba nandidiri siya sa hitsura ko. Isang ngiti ang binigay ko sa kanya na litaw ang lahat ng ngipin ko, at alam ko na nakakabit pa rin ang nilagay kong itim na bagay sa ngipin ko at nakita ko ang pag ngiwi niya na tila ba nandidiri sa akin, kaya mas lalo kong nilakihan ang pagkakangisi ko sa kanya at umakto siya na parang naduduwal. Tama 'yan, mandiri ka sa akin impakto ka!