The TWIN Brothers And The Beautiful Nerd

Chapter 13 -Unang gabing magkasama-

Genevieve's POV

Ito ang unang gabi namin bilang mag-asawa ni Ezi. Nasa salas siya at umiinom mag-isa, habang ako naman ay nandirito sa aking silid. Magkaiba ang silid naming dalawa, at mas gusto ko ang ganito kaysa naman sa iisang silid kami matutulog. Ayoko namang magising ako na ang isang kilay ko ay nasa ilalim na ng ilong ko na parang bigote, sigurado na mabibisto niya agad ako. Mas makakakilos ako ng maayos kapag mag-isa lang ako sa aking silid. Bukas ay palalagyan ko ito ng deadbolt lock para sigurado ako na hindi siya basta-basta na lang makakapasok ng aking silid.

Hindi pa ako naliligo buhat kanina kaya ganito pa rin ang hitsura ko. Tumingin ako sa malaking salamin at inayos ko ang kilay ko dahil hindi na ito pantay, baka mapansin pa niya. Nagsuot ako ng pantulog at pupuntahan ko si Ezi at kunwaring aakitin ko siya. Tignan ko lang kung hindi siya matakot sa gagawin ko. Napapangiti ako sa naiisip ko at nakasisiguro ako na mas mapapadali ang pag file niya ng divorce namin. Huh! Tignan ko lang Ezi kung hindi ka maalibadbaran ng husto sa akin.

Binuksan ko ang pintuan ng aking silid at sumilip muna ako. Naririnig ko ang sound ng tv kaya sigurado akong nasa salas pa siya at nanunuod lang habang umiinom. Baka nagpapakalasing dahil hindi matanggap na ang kanyang asawa ay mukhang mangkukulam.

Dahan-dahan akong naglakad na animo magnanakaw at tinungo ko ang living room. Nakita ko siya na nakaupo sa sofa na nasa harapan ng tv, at tama nga ako ng hinala na umiinom nga siya. Isang malaking ngisi ang sumilay sa aking labi at napahagikgik pa ako. Nakatalikod siya sa akin kaya hindi niya ako napapansin. Gugulatin ko talaga siya sa gagawin ko sa kanya.

Tumayo ako ng tuwid at kumendeng-kendeng ako sa aking paglalakad papalapit sa kanya, at ng nasa likuran na niya ako ay hinagod ko ang dibdib niya na ikinagulat niya at napatayo siyang bigla. Muntikan pang tumama ang ulo niya sa baba ko, buti na lang mabilis kong iniwas ang ulo ko.

"What the hell, Genevieve! Ano ba ang pinag-gagagawa mo ha?" Kitang-kita ko sa mukha niya ang galit, kumisig pa ito na parang nandidiri sa akin habang ako naman ay pinapupungay ko ang aking mga mata. Syempre kunwari ay inaakit ko siya dahil honeymoon night namin. Huwag lang niyang tototohanin at tatakbo ako ng mabilis.

"Honeymoon night natin, hindi ba? Ano pa ang hinihintay mo?" Malandi kong ani na itinutulis ko pa ang aking nguso habang dahan-dahan akong lumalapit sa kanya. Muli siyang umatras ng ilang hakbang at dinuro pa talaga ako. Nakakaloka siya ha!

"Huwag kang lalapit Genevieve dahil kahit kailan ay hinding-hindi kita papatulan. Kahit lasing ako ay hindi ka maganda sa paningin ko." Tumaas ang isang kilay ko dahil sa tinuran niya. Talaga lang ha! Grabe na talaga mang-insulto ang isang ito. Nakakainis!

"Pangit man ako sa iyong paningin, laman tiyan pa rin ako!" Sagot ko at muli kong itinulis ang aking nguso. Bigla siyang napatitig sa akin at sa kabuuan ko... saka ko pa lamang napagtanto na hindi ko pala suot ang padding na ginagamit kong pang-bilbil.

"Well, maganda naman pala ang katawan mo, at least may maganda sa iyo. Tama ka, pwede na 'yang lamang tiyan. Padadapain na lang kita para hindi ko makita ang pagmumukha mo." Sabi niya na ikinagulat ko. Ako naman ngayon ang napa-atras, at alam kong nakita niya ang takot na gumuhit sa mukha ko.

Nabaligtad bigla ang sitwasyon namin ng siya naman ang dahan-dahang lumalapit sa akin, at ako na ngayon ang napapa-atras. Isang ngising pilit ang sumilay sa labi ko habang umaatras ako at kinakapa ko ang likuran ko upang makasiguro ako na hindi ako matatalisod.

"Tama ka, honeymoon natin ngayon kaya pagsawaan natin ang gabing ito. Mukha namang may masarap kang itinatago sa katawan mo, tignan natin kung ilang beses mo akong mapapaungol ngayong gabi." Wika niya sabay hubad ng kaniyang pang-itaas. Sa sobrang takot ko ay kumaripas ako ng takbo at nagkulong ako sa aking silid. Naririnig ko pa ang halakhak ng impaktong Ezi na 'yon at sinigurado ko na nakakandadong mabuti ang pintuan ko. Hindi pa ako nakuntento at nilagyan ko pa ito ng silya na ikinatang ko sa pinaka seradura upang hindi siya makapasok sa silid ko. Mukhang naisahan ako ng impaktong 'yon. Mabilis na kumakabog ang dibdib ko, pero ang ganda ng katawan niya, maskulado at talagang... ay ewan ko! Bakit ba iyon ang iniisip ko?

Pumasok ako ng banyo at naligo na lang ako. Halos isang oras din akong nagbabad sa loob ng banyo dahil hindi ako makapaniwala na naisahan ako ng Ezi na 'yon. Inis na inis talaga ako. Kung pwede ko lang siya dagukan ng ilang beses ay ginawa ko na sana. Pwede naman, kaya lang ay baka gantihan ako.

Paglabas ko ng banyo ay nagbihis din agad ako at nahiga sa aking kama. Nakakaramdam na ako ng pagod at wala na akong panahon na tuyuin pa ang buhok ko. Ang gusto ko na lamang ay ang magpahinga na dahil gusto kong puntahan si Tami bukas.

Ipinikit ko ang aking mga mata at hindi nagtagal ay tuluyan na rin akong nakatulog.

╭────────✎

Maaga akong nagising, at dahil nagugutom ako ay dumiretso na ako sa kusina at naghanap ako ng maluluto. Hindi ko na nagawa pang magsuklay at wala akong pakialam kahit magmukha akong bruha. Basta nagugutom lang ako at gusto ko lang ay makapagluto ako at ng makakain na ako.

Nakakita ako ng itlog, bacon at ham. Isinalang ko ang kawali sa kalan at nagsimula na akong magluto. Pagkatapos kong magluto ay may isang boses sa likuran ko ang gumulat sa akin. Duon ko lamang naalala na nasa condo na nga pala ako ni Ezi at wala akong kahit na ano sa aking mukha. Bigla akong napayuko at hindi ko na malaman ang gagawin ko. Mabilis na dumadagundong ang dibdib ko. Hindi niya pwedeng makita ang pagmumukha ko.

"Ang sabi ko, ano ang niluto mo?" Hindi ko siya pinansin at hindi rin ako humaharap sa kanya. Nag-iisip ako ng gagawin ko, pero wala akong maisip na kahit na ano kaya itinaas ko ang shirt ko sa gawing leeg ko at itinaas ko hanggang noo ko. Buti na lang at mahaba ang suot kong pang itaas na pantulog na may katernong pajama.

"Genevieve, what on earth do you think you're doing?" Tanong ni Ezi at nararamdaman ko ang pagkainis niya. Naaaninag ko siya pero hindi maliwanag, pero mas okay na ito kaysa makita niya ang mukha ko.

"Genevieve!" Sigaw niya kaya mabilis akong nakapag-isip ng palusot ko.

"Ano kasi... uhmmm.. may kulangot ako, sumabit sa mukha ko. Gusto mo bang makita? Ikaw na din ang magtanggal kasi masyadong malagkit." Sagot ko sa kanya na gusto kong mapabunghalit ng tawa. Maging ako sa sarili ko ay nandidiri sa mga pinagsasasabi ko. Bakit ba iyon pa ang pumasok sa isipan ko?

"W-w-whaaaat?" Gulat na gulat siya at umaatras na palayo sa akin. Nagsimula naman akong humakbang papalapit sa kanya para mas lalo ko siyang takutin.

"Sabi ko pakitanggal ng kulangot ko, teka at aalisin ko ang takip ng mukha ko para..." Hindi pa man ako tapos magsalita ay kumaripas na siya ng takbo pabalik sa loob ng kanyang silid. Humahagalpak ako ng tawa at mabilis din akong bumalik ng aking room bago pa niya ako balikan.

Pagkasara ko ng pinto ay hindi ko na napigilan pa ang tumawa ng tumawa dahil sa mga pinagsasasabi ko kay Ezi. Hindi ako makapaniwala na nasabi ko ang mga 'yon sa kanya. Para tuloy akong baliw mag-isa na walang tigil sa katatawa. Sayang nga lamang at hindi ko masyadong maaninag kanina ang mukha niya dahil nakatakip ng damit ang mukha ko. Pero sigurado akong priceless ang hitsura niya ng marinig niya ang tungkol sa kulangot.

Kinuha ko ang mga gamit ko at makeup, at nagsimula na akong magpapangit. Hindi na dapat pang maulit ang nangyari kanina dahil hindi niya dapat makita ang totoong mukha ko. Ang gusto kong mangyari ay mag divorce agad kami para makabalik na ako ng America at makalayo na sa kanya. Nasusuklam pa rin ako sa kanya, at kahit na gwapo na siya ngayon, yummylicious ang katawan at attractive, hindi pa rin mawawala ang galit ko sa kanya. Ang laki ng kasalanan niya sa akin.

Pagkatapos kong papangitin ang aking mukha ay tinawagan ko naman agad si Tami at kinuwento ko sa kanya ang kalokohang ginawa ko. Tawang-tawa siya at hindi makapaniwala sa mga sinabi ko kay Ezi. Napupuno tuloy ng halakhak ang aking silid.

"Grabe ka beshie! Kulangot talaga? My gosh nakakadiri ka!" Para kaming mga tanga na halos hindi na makapagsalita pa dahil talagang tumatawa lang kami.

"Natataranta na kasi ako, lalo na ng makita ko siyang papalapit sa akin kaya kung ano-ano na lang ang sinabi ko. Buti nga at 'yun ang sinabi ko dahil kumaripas siya ng takbo at nagkulong ng kanyang silid." Sagot ko kaya muli siyang tumatawa.

"Kahit naman ako eh kakaripas ng takbo, noh! Sabihin mo ba naman sa kanya na tanggalin ang kulangot mo dahil malagkit. Eww ka talaga! Nakakahiya ka beshie." Wika pa nya pero tawang-tawa naman siya.

"Sinabi ko lang 'yon para hindi niya makita ang tunay kong mukha. Nakalimutan ko kasi na nandito na nga pala ako sa condo niya. Hinding-hindi na talaga ito mauulit pa, hindi niya dapat makita ang mukha ko." Humugot ako ng malalim na paghinga. Hindi ko talaga makalimutan ang nangyari kanina. Mabuti na lang at mabilis na gumana ang utak ko.

Hindi naman nagtagal ang pag-uusap namin dahil nakakaramdam na ako ng gutom. Pagkatapos namin mag-usap ay lumabas na ako ng aking silid na confident na sa hitsura ko. Nasa counter pa ang lahat ng niluto ko at malamig na kaya ininit ko na lang lahat sa microwave at kinatok ko si Ezi sa kanyang silid.

"Ezi, kakain na." Tawag ko sa kanya pero walang sumasagot. Napansin ko na nakabukas ng bahagya ang kanyang silid kaya sinilip ko kung nasa loob siya pero walang tao, maging sa banyo ay walang tao at mukhang nilayasan ako ng impaktong 'yon ng walang pasabi.

Nagbalik ako sa kusina at kumain na lang akong mag-isa, at habang kumakain ako ay panay ang tawa ko dahil naaalala ko lang naman ang mga pinagsasasabi ko kay Ezi kanina.

Pagkatapos kong kumain ay naglinis na ako ng kusina at ng silid ko. Pagkatapos ay tinawagan kong muli si Tami upang ayaing lumabas. Ayokong magpakabulok dito sa loob ng condo. Iyon naman talaga ang plano ko, pumunta kay Tami at gumala na lang kami.

"Okay beshie, susunduin kita diyan." Wika niya, mas okay 'yon para hindi na ako magdala ng sasakyan. Pagkatapos naming mag-usap ay nagbihis na din ako. Nagdala ako ng maliit na bag at ilang damit na pantulog ko dahil sa condo ni Tami ako matutulog. Niregaluhan kasi siya ng kuya niya ng condo unit kaya duon na siya ngayon nanunuluyan.

Hindi nagtagal ay dumating na din si Tami, at katulad ko ay mukha na naman kaming nga impaktita sa ayos namin. Si Ezi ay mukha namang hindi na babalik kaya paglabas namin ay inilock ko na lang ang pintuan ng condo niya.

"Sa condo mo ako beshie matutulog ha, sa susunod na araw na lang ako uuwi kay Ezi. Hindi ko talaga kayang makasama ang lalaking 'yon sa iisang bubong." Natuwa naman siya sa sinabi ko kaya pumayag agad ito. Nag-iwan na lang ako ng mensahe sa isang sticky note at idinikit ko sa pintuan ng refrigerator.

Bahala na siya sa buhay niya. Basta ako ay kay Tami matutulog. Kapag nagutom siya, may naiwang piniritong itlog sa ref. Kung gusto niya ay iyon ang kainin niya. Bahala siya, hindi ako uuwi ng ilang araw sa condo niya.

Tawa pa rin ako ng tawa habang nakasakay ako sa sasakyan ni Tami. Hindi ko talaga makalimutan ang nangyari kanina. Sa takot yata niya ay nilayasan ako at hindi man lang nagpaalam sa akin. Okay lang, wala naman kaming pakialam sa isa't isa.