Chapter 8 -Naglaway si Genevieve-
1443 Words
Genevieve's POV
-Continuation-
"Genevieve anak, magmano ka sa tita mo, best friend namin sila ng daddy mo. I'm sure naaalala mo ang magkapatid na kambal hindi ba?" ani ng aking ina. Hindi ako nag-aangat ng aking ulo, hindi ko alam kung paano ko haharapin ang kambal at lalong hindi ako makapaniwala na si Ezi ang nakatakdang ipakasal sa akin. Hindi ko maintindihan kung biro ba ito ng tadhana sa akin dahil kung totoo ang lahat ng ito ay hindi ko yata magugustuhan ang kapalarang naghihintay sa akin.
"Hi po, Tita!" nakayuko kong ani at ayokong iangat ang aking mukha dahil alam ko na nakaupo na silang lahat sa table.
"May sakit ka ba hija?" ani ng ina nila Ezi pero umiling lamang ako. Narinig ko ang boses ni Enzo na kinakamusta ako pero ayoko talagang mag-angat ng aking mukha dahil si Enzo ang kaharap ko. Ang dati kong crush pero sa sulok ng isipan ko ay gusto ko ring makita kung ano ang pinagbago sa katawan nila. Payat pa rin ba sila? gwapo pa rin ba sila? Hindi ko alam eh. Natatakot akong mag-angat ng ulo dahil natatakot akong makita ang magiging mga reaksyon nila. Pero nandito na ito, kailangan ko ng panindigan ang pagiging nerd ko, at gusto ko ring mag-back out si Ezi sa kasalang ito dahil sa kanilang kambal si Ezi ang kinasusuklaman ko, at hindi ako makapaniwala na sa kanya pa talaga ako ikakasal.
Huminga ako ng malalim at nagtaas ako ng aking mukha. Nakita ko ang pagkagulat sa mukha ng mga magulang nila Enzo pero hindi ako sa kanila naka-focus. Para akong nahihipnotismo sa dalawang nilalang sa harapan ko na akala mo ay inililok ang napakagwapong mukha ng pinaka magaling na iskultor sa buong mundo. Ang mga katawan nilang hindi mo pagsasawaang titigan at ang kanilang napakagwapong mukha na akala mo ay mga Greek God na bumaba ng lupa. Nakakapag-laway silang dalawa lalong-lalo na ang pagiging badboy looking ni Ezi.
Hinawakan ni Kuya Caleb ang aking baba at itinikom ang aking bibig at binulungan ako ng aking kaibigan na si Tamiya kaya para akong natauhan sa malalim na pagkakatulog ko.
"Beshie, ang laway mo. Nakakahiya ka talaga!" bulong niya at napatingin ako sa mga kapatid ko na may malaking pagkakangisi.
Titig na titig naman sa akin ang kambal. Isang malaking ngiti naman ang ibinigay sa akin ni Enzo.
"Kamusta ka na? Hindi ka pa rin nagbabago, ikaw pa rin ang pinaka magandang babae na nakilala ko." ani ni Enzo kaya pakiramdam ko ay namumula ang aking mukha.
"This is a joke, right?" ani ni Ezi na seryosong nakatitig sa akin. Hindi ko mabasa ang kaniyang mga mata. Parang kay lamig ng pagkakatitig niya sa akin, walang emosyon at walang pagpapahalaga.
"Nope! Siya ang babaeng pakakasalan mo. Matagal n'yo na namang alam na magkapatid na isa sa inyo ang ipapakasal namin kay Genevieve hindi ba? Ikaw Ezi ang nakatakdang ikasal sa anak ng kaibigan namin na si Genevieve kaya tayo nandirito ngayon." ani ni tito.
Napatitig ng masama sa akin si Ezi kaya tinaasan ko siya ng mataba kong kilay at tinarayan ko talaga siya ng bongga.
"Gusto mong tampalin kita ng makapal kong kilay ha? Huwag mo akong titignan ng ganyan dahil maganda ako!" ani ko sa kanya na ipinagdidiinan ko pa talaga ang sinabi kong maganda ako.
Pinagalitan naman ako ni mommy at daddy dahil sa inasal ko habang si Kuya Kayden naman ay walang tigil sa pagtawa.
"Ikaw lang naman ang nagagandahan sa sarili mo. Walang maganda sa iyo, pati ugali mo, pangit!" ani ni Ezi na ikinataas muli ng mataba kong kilay.
"EZEKIEL!" malakas na sigaw ng kanyang ama na ikinapitlag ko kaya medyo natahimik ako. Hindi naman pinansin ni Ezi ang sigaw ng kanyang ama at napapailing ito na nakatitig sa akin. Hinihintay ko na lang na sabihin niya na umaatras na siya para matapos na ang pag-uusap na ito at ng bumalik na agad kami ng America upang maipagpatuloy ko na ulit ang buhay ko duon.
"Fine! Pag-usapan na lang ninyo kung kailan kami ikakasal. Kailangan ko ng umalis dahil may naghihintay sa akin." wika niya sabay tayo at nagpaalam naman siya ng maayos sa aking mga magulang at mga kapatid. Napatingin siya sa akin at ngumisi ng pagak at napapailing na lang siya.
"This is ridiculous!" bulong niya at nilayasan na kami. Ako naman ay napanganga ng marinig ko ang sagot niya. Totoo ba ang sinabi niya na matutuloy ang kasal kahit na ganito na ang ginawa kong pagpapanggap?
Napatingin ako sa aking kaibigan na titig na titig naman kay Enzo kaya sa inis ko ay siniko ko siya sa tagiliran niya. Napangisi naman siya sa akin sabay peace sign niya habang si Kuya Caleb naman ay inis na nakatitig kay Tami.
"Tami umayos ka at baka ihagis kita sa labas!" inis na ani ni Kuya Caleb kaya nginusuan lamang siya ng aking kaibigan at. Isang mahinang sipa ang ibinigay ni Kuya Caleb kay Tami sa ilalim ng mesa kaya pinanlisikan ng kaibigan ko ang aking kapatid.
Ako naman ay tila bumagsak ang aking mundo ng marinig ko ang sagot ni Ezi. Pero hindi pa ako tapos dahil hindi ako titigil hangga't hindi siya nagba-back out sa kasalang ito. Gagawin ko ang lahat para umatras siya at hindi matuloy ang kasal namin.
Napatingin naman ako kay Enzo ng muli itong magsalita at kamustahin ulit ako.
"Okay naman, eto nerd pa din." ani ko sa kanya at mahina lamang siyang tumawa bago muling nagsalita.
"Maganda ka pa rin katulad ng dati." ani niya kaya naman napangiti akong muli. Bakit naman kasi hindi na lang si Enzo ang ipapakasal nila sa akin, bakit kasi kailangang si Ezi pa eh kinamumuhian ko ang lalaking 'yon.
"Uhm hija, hindi mo ba sinubukang ipaayos ang... uhmmm, you know... 'yung ano.. uhmmm..." ani ng mommy nila Enzo na hindi malalaman kung paano sasabihin sa akin na hindi ako mapapahiya.
"Maganda naman po ang kilay ko eh, kung hindi naman po matatanggap ni Ezi ang hitsura ko eh babalik na lang po ako ng America." ani ko na mabilis naman nilang sinagot na mag-asawa.
"Naku hija, bagay nga sayo 'yan. Nakita mo naman ang reaksyon ng anak ko. Umoo agad hindi ba?" ani ng mommy nila Enzo na sinegundahan naman agad ng ama nila.
Pagkatapos ng masaya NILANG kwentuhan ay natapos na rin ang dinner. Naging magiliw naman sa akin si Enzo at katulad pa rin ng dati ay napakabait pa rin niya hindi katulad ng kakambal niya na parang laging may sungay.
Aaminin ko na magkamukhang magkamukha sila ni Ezi pero ang pagiging badboy looking ni Ezi ang nagpapalakas ng appeal niya kumpara sa maamong mukha ni Enzo.
Masyadong cold ang pakikitungo sa akin ni Ezi at gagawin ko naman ang lahat upang tuluyan na siyang umatras sa nalalapit na kasal namin. Akala ba niya na siya lang ang may ayaw ng kasalang ito? Ako din naman ay ayaw ko ng kasalang ito.
Hanggang ngayon ay hindi pa rin nagbabago ang ugali niya, para pa rin siyang babaeng laging may regla sa sobrang kasungitan niya.
"Sige Amiga, pag-uusapan natin ang petsa ng kasal nila bukas sa mansion ninyo. Pupunta kami bukas ng hapunan upang mapagplanuhan na natin ang nalalapit nilang kasal." ani ng ina nila Enzo. Heto na nga ang kinatatakutan ko, ang kasalang magaganap dahil ang ikakasal sa akin ay ang lalaking bata pa lamang kami ay namumuhi na ako. Hinding-hindi ko makakalimutan ang araw na sinampal niya ako.
Pagkatapos nilang magpaalam sa isa't isa ay nauna na din silang umalis. Kami naman ay nanatili pa sandali sa restaurant dahil may ibinilin pa si Kuya Caleb sa mga empleyado namin. Si Kuya Caleb kasi ang namamahala ng restaurant na ito. Pagkatapos makipag-usap ay naglakad na rin kami palabas at naririnig ko ang mga bulung-bulungan ng ibang customers na nilalait ang hitsura naming dalawa ni Tami. Huminto ako sa aming paglalakad at nilapitan ko ang isang table na may limang customers na puro babae.
"Kung ayaw ninyong kaladkarin ko kayo palabas ng restaurant namin, manahimik kayo o gusto ninyong manghiram ng mukha sa aso?" ani ko na ikinatahimik naman nila. Napangisi ako at si Tami at sabay pa namin silang inirapan at nagpakendeng kendeng pa kami sa aming paglalakad.
"Ang tapang talaga ng kapatid ko pero congrats ha at ikakasal ka na." pang-aasar ni Kuya Kayden sa akin. Nginusuan ko siya at inirapan ko at nagmamadali na akong sumakay sa sasakyan namin habang kasunod ko lamang ang kaibigan ko.
Hindi ako titigil, sisiguraduhin ko na bago tumuntong ang araw ng kasal namin ay nakaatras na si Ezi at aayaw na siya na maikasal sa akin. Mark my word!
- Writer
