CHAPTER 6
BAKAS ANG gulat sa mukha ng mga kasama ni Zia na babae at lalaki dito sa loob ng meeting room nang pumasok siya. Hindi nakatakas sa kaniyang paningin ang pagtingin ng mga ito sa kaniya mula ulo hanggang paa at umakyat iyon pabalik sa kaniyang mukha.
Hindi naman siya nakaramdam ng kahit na kaunting hiya dahil sanay na siya makakita ng mga taong namamangha sa kaniyang itsura.
Ngumiti siya nang matamis saka rumampa sa harapan ng mga ito. Mukhang siya na lang ang hinihintay ng lahat. "Sorry if I'm late," aniya. Narinig niyang tumawa nang mahina si Calix kaya nilingon niya ito at inirapan.
Timikhim naman ito at nagsalita, "it's okay. Maupo ka na at magsisimula na tayo." Tinuro nito ang silyang bakante sa tabi nito kaya naman dumiretso siya roon. Nang makaupo siya ay bahagya itong
