CHAPTER 5
“SO, HOW’S the place? Your room?” tanong ni Elijah sa kaniya habang ka-video call ito ni Zia. Gabi na at nagpapaantok na lang siya halos kaya naisipan niyang tawagan ang matalik na kaibigan dahil alam niya na hinihintay nito ang kaniyang tawag.
Muli niyang ginala ang mga mata sa buong silid na siyang kwarto rin ng kaniyang ate noong nandito pa ito sa headquarters. Napangiti siya. “Well, ang ganda at ang laki. Malinis din at maayos dahil maayos sa bahay ang ate ko, di ba?”
Tumango si Elijah bilang pagsang-ayon sa sinabi niya. “Totoo. Naalala ko noon napagalitan ka niya kasi hindi mo sinoli sa tamang lagayan iyong libro na hiniram mo,” anito saka natawa.
Kahit siya ay natawa nang maalala ang bagay na iyon. “Oo. Kasi nga, ayaw ni ate ng magulpo ang bahay kaya itong k
