Halos lumuwa ang mukha ni Amanda sa sobrang galit, hindi siya makapaniwalang meron kaming anak ni Darren. Tinitigan niya ako mula ulo hanggang paa. "Amanda, relax baka lumabas ang mga mata mo sa sobrang galit."
"Hindi mo ba matanggap na meron kaming anak ni Darren? Samantalang ang pinalit niya sa akin ay hindi kayo mabigyan ng anak? Karma ang tawag diyan Amanda. Nakakamatay ang karma, kapag hindi mo kayang labanan ay mamatay ka. Kung ako sa 'yo ay umalis ka na rito bago pa tumaas ang dugo mo at umakyat sa ulo."
"Hayop ka Samantha! Hindi puwedeng malaman ni Darren na meron kayong anak!"
"Paano nga ba niya malaman Amanda? Puwera na lang kung sabihin mo sa kaniya. Kaya nga si Christopher ang tumayong ama ng bata 'di ba? Dahil ayokong ipakilala ang anak ko sa taong nang-iiwan at nanakit
