Walang nagawa si Daremar kung 'di ang tanggapin ang tulong nila. Pinagtutulungan nilang maalis ang mga bato hanggang sa nabuksan nila ito, at agad nilang hinahanap ang pinuno ng mga wakwak.
Tagumpay si Daremar, dahil sa liwanag na nagmula sa bitbit niyang flashlight ay naaninag niya taong nakahiga at mayroong tali ang mga paa at kama nito. Sobrang payat na ito at ang haba na ng buhok at balbas.
"P-pinuno..." sambit niya sa mahinang boses, at sabay lapit sa matanda.
"Sino ka? Bakit kayo nandito, papatayin nila kayo?" tugon naman nito.
"Pinuno, ako si Daremar, ang inyong apo. Anak ako ni Amang Merwin at Inang Rahanna." Pakilala niya, sabay patak ng mga luha niya.
Awang-awa siya sa kaniyang Lolo, dahil hindi na pala ito nakakita. Pilit tinanggal ni Daremar, ang kadenang nakatali sa ka
