NAGPATULOY sa pagkukuwento si Daremar, at seryoso naman na nakikinig si Vic.
"Bata pa lang ako ay laging ikinuwento ng aking ina ang tungkol sa mga; mangkukulam na itim, mangkukulam na puti at ang mga wakwak. Akala ko noon ay isang alamat lang iyon o haka-haka. Subalit ang lahat pa lang iyon ay totoo. Isang katotohanan sa tunay kong pagkatao. Nakita ko ang isang diary ng aking ina at doon nakasulat ang lahat. Noon ay matahimik ang baryong ito. Pero mula noong naging pinuno ng mga mangkukulam na itim ang iyong ina ay inabuso niya ito. Nagmula ako sa dalawang lahi, ang aking ina ay lahi ng mga mangkukulam na puti, anak siya ng pinuno. Mamabait sila at taga-gamot ng mga may sakit, na ang may kagagawan ay ang lahi ninyo. Ang aking ama naman ay nagmula sa lahi ng mga wakwak, anak rin siya ng
