لاقيس البارت الحادي والعشرون

1435 Words

لاقيس البارت الحادي والعشرون بقلم / غادة سعيد محمد : انتي مش شايفه اسلوبها عامل ازاي مع امي هي فكراني هسكتلها و هي بتكلم امي بالطريقه دي ... سارة : ما انت عارف انها ما بقتش طبيعيه وما بقتش زي الاول خذها على قد عقلها لحد لما تخف هي برده م**مه على نفس كلامها وان حد عمل لها عمل سفلي مع اني مش مقتنع بالكلام ده بس هنعمل ايه هنا خذها على قد عقلها لحد لما نشوف حد يعالجها ... محمد : لو ما راحتش واعتذرت لامي انا هيبقى لي تصرف ثاني معها عشان مش امي اللي يحصل فيها كل ده تروح بكره تعتذر لها يا اما تلم هدومها وتروح عند مامتها في البيت هو ده اخر كلام عندي ... سارة : انا قلت لها الكلام ده قلت لها ما يصحش اللي هي عملته ده خالص وكمان قلت لها لازم تروحي تعتذري لحماتك لكن هي م**مه انها مش هتروح سيبني انا النهارده اقنعها وبكره ان شاء الله ها خليها تروح .... انا عاوزاك بس انت تهدي نفسك وما تاخدش كل حاجه على اعصابك عشان خاطر ايسل ... محمد : مش عارف اقول لك ايه يا ساره علي وقفتك جنبي انت ما لكيش دخل في كل اللي بيحصل ده واحنا قارفينك معانا بمشاكلنا ورغم كده انت سايبه حياتك وقاعده معنا هنا عشان تحل مشاكلنا شكرا لك بجد على كل اللي انت بتعمليه معنا انت اخت عزيزه ... سارة : ما تقولش كده يا محمد انت ما تعرفش معزتك عندي انت وهند عامله ازاي ده احنا عشره عمر ... خلاص بقى ما تشيلش هم الموضوع اللي انت قلت لي عليه ده ... ليك عليا بكره الصبح تروح عند مامتك وتعتذر لها كمان عشان اللي هي عملته ده ... هي ازاي رايحه عندها وتتهمها اتهام زي ده واضح ان هند اتجننت على الاخر وكده هتعمل مشاكل كبيره الفتره الجايه ربنا يهديها ويكملها بعقلها ... محمد : اتجننت على نفسها لكن اهلي خط احمر لو حصل وكررت اللي عملته ده ثاني انا من غير تفكير اوديها عند اهلها واريح دماغي واقعد انا هنا اربي بنتي ومش عاوز اكمل معاها خالص ... سارة : لا يا محمد ما توصلش للدرجه دي انت وهند ما لكوش غير بعض ولو مش عشانها عشان خاطر بنتك لازم تستحمل لحد مانعرف هي بتمر بايه بالضبط .. وانا معاكم مش هاسيبكم لحظه لحد ما تشوفوا حل في الموضوع ده ... وبيني وبينك انا خايفه على ايسل جدا منها لو مشيت هي هتعمل ايه معاها احسن تعمل حاجه في البنت ولا حاجه ... انا كنت قاعده جنبها طول الليل وهي نائمه عماله تتكلم وتقول كلام غريب وتض*ب في نفسها ... تخيل بقى لو نامت والبنت جنبها هتعمل فيها ايه ربنا يستر على ايسل منها بس انا مش هسيبكم لحد لما تلاقي لهند علاج مش هيهون عليا ايسل اسيبها .. فجأه هند قعد تنادي عليها : يا سارة يا سارة ... سارة : ايوة يا هند جايه ... طلعت ساره بره تشوفها بتنادي عليها ليه .. ايوه يا هند بتنادي علي في حاجه ولا ايه ... هند : انتم قاعدين كل ده تتكلموا في ايه مش شايفه انكم طولتوا قوي هو بيقول لك ايه على كل ده ... سارة : اسكتي يا هند ده هو مش طايقك و شايط ولا كنت باحاول اهديه من ناحيتك لانه كان م**م انك تلم هدومك و تروحي عند اهلك بس انا اللي قعدت اقنعه واقول له انك ما كنتيش تقصدي تقولي كده لمامته ... هند : يعني هو عاوز يمشيني من بيتي .. خلاص انا هاسيبهاله وامشي .. مش عاوزه اقعد معاه لحظه ثانيه في البيت ده هو حر و هو الخسران وبكره هيعرف قيمتى وهيعرف كمان اني كنت باعمل كل ده عشان احميه هو وايسل واحافظ على بيتنا .. محمد خلاص نزل من نظري وما بقاش يعنيني في حاجه .. ومش عاوزه اسمع صوته ثاني ولا اكلمه ... انا هامشي يا ساره و هاروح عند ماما وانتي تعالي معي لحد ما بيتك الميه ترجع فيه ... انا قايمه دلوقتي الم شنطه هدومي ... سارة : تلمي ايه يا هبله انتي .. انت اتجننتي ولا ايه مش لما تروحي عند حماتي في الاول وتعرفي ايه اللي كان في الكيس ده يمكن يوصلك ل حاجه و ساعتها تقدري تتعالجي ... او تطلعي عند سلفتك وتشوفي ايه اللي مخبيهولك .. اوعى تمشي قبل ما تروحي هناك ثاني كانك ما سمعتيش حاجه من محمد وخليكي دلوقت في مصلحتك ... روحي لحماتك ولا كأن في اي حاجه .. وقولي لها اوعي تكوني زعلانه مني يا ماما على الكلام اللي قلته لك امبارح .. ده انا بس كنت متعصبه شويه من اللي انا فيه .. و كلميها عادي جدا ولا كان في حاجه .. واقعدي اضحكي وهزري معاها ولفي في الشقه كده دوري على اي حاجه يمكن تقدري توصلي للي عامل فيكي كده ... بعد ما تخلصي قعدتك عند حماتك اطلعي فوق عند سلفتك وبرده اعملي نفس اللي عملتيه عندها وانا متاكده انك هتلاقي حاجه توصلك للي انت فيه .. هند : تفتكري يا ساره ممكن يكون لهم يد في اللي انا فيه ده ... ساره : ده مش ممكن ده اكيد انا واثقه من الكلام اللي باقوله لك .. شوفتيها سخنت جوزك عليكي ازاي عشان رحتي قلت لها كلمه غصب عنك وما كنتش تقصدي حاجه ... واحده زي دي بتسخن جوزك عليكي اكيد هي اللي عامله فيكي كل ده وهي اللي عاوزه تأذيكي كمان روحي بكره واعرفي في ايه وابقى تعالى قولي لي ... وادخلي دلوقت كلمي محمد عادي ولا كان في حاجه قولي له انا فعلا كنت عصبيه زياده عن اللزوم و هاروح لمامتك بكره اعتذر لها ... وخليكي ناصحه كده عشان تعرفي تاخدي حقك منهم ... هند : انت عاوزاني ادخل اكلمه بعد ما قال لي ان مش متربيه لا طبعا مش هدخل اكلمه هاسمع كلامك واروح لمامته بكره لكن انا مش عاوزه اكلمه ولا ابص في وشه انا داخله انام عشان تعبانه مش قادره افتح عيني عشان بكره الصبح اروح لامه خلي بالك من ايسل يا ساره مش هوصيك عليها ثاني عشان انا ممكن يجرالى حاجه في اي وقت ... اعتبريها بنتك لما اموت ... سارة : ما انا قلت لك بقى يا هند لازم تبطل الكلام ده وما تقوليهوش ثاني انت كويسه وزي الفل ما فيش فيك اي حاجه انت بس واهمه نفسك ان شاء الله هتخفي وتبقي كويسه انا حاسه انك بكره هتلاقي حاجه هتساعدنا الفتره الجايه مش عارفه ايه هي بس جاي لي احساس بكده ... هند : ربنا يسهل يا ساره انا داخله انام دلوقت وزي ما قلت لك لو سالك محمد هاروح لمامته بكره ولا لا بقى قولي له هتبقى تفكر ما تقوليلوش اني هاروح احسن يفتكر اني غلطانه بجد ... و عرفيه اني معملتش حاجه غلط ... تصبحي علي خير ... دخلت هند تنام عشان كانت تعبانه جدا وكانت ناسية خالص موضوع لاقيس لأنها بقالها يومين مجتلهاش ... اول ما غمضت عنيها لاقيس كانت قدامها وبتكلمها ... لاقيس : اهلا يا هند اظن انا سيباكي بقالي يومين براحتك و لسه مقولتلكيش الشرط الرابع ... هند : هو لسه فيه شرط رابع حرام عليك بقى انا تعبت من الشروط بتاعتك اللي بحلها بصعوبه كفايه كده على عايزه تموتيني موتيني لكن انا مش هاعمل شروط ثاني خالص ... لاقيس : انت كده كده ميته يا هند كل اللي بتعمليه ده عشان تحمي بنتك وبيتك وجوزك لكن بمجرد ما تنفذ الشروط بتاعتي كلها هتكوني ضمانتي حمايه بيتك وهتكوني ميته كمان ... هند : و ايه هو الشرط الرابع بقي هو كمان .. لاقيس : ده شرط سهل جدا هتفتحي كتاب شمس المعارف علي الصفحه ال ٧٥ و تنفذي كل الي فيها ... هند : والكتاب ده اجيبه منين انا معرفهوش ... لاقيس : انتي عارفه كويس هتجيبيه منين هو امره سهل يا هند ... قدامك ٣ ايام بالظبط عشان تنفذي الشرط ده بعد كده هعتبرك منسحبة من شروطي وتبقي انتي الي جبتيه لنفسك ... بدأت لاقيس تتكلم كلام مش مفهوم و هند كانت بتردد وراها و هي مش عارفه ايه اللهجه دي فجأه هند قامت مفزوعه علي صوت محمد عمال يصحيها و يفوقها ... محمد : اصحي يا هند ايه اللي انت بتقوليه ده انا بقى لي نصف ساعه بصحيك انا وساره ايه الكلام الغريب اللي عماله تقوليه ده ... هند : والله ما عارفه انا باقول ايه اصلا ولا فاهمه ايه الكلام ده انا ما بقتش طبيعيه خالص يا محمد و محدش مصدقني فيكم ... قعدت هند تعيط و محمد يطبطب عليها ويقولها : اوعدك يا هند خلاص من بكرة هكلملك حد يجي يشوف في ايه ... هند : خليها بعد بكرة يا محمد انا بكرة لازم اروح عند مامتك انا كنت قليلة الزوق جدا معاها و مكنش ينفع اكلمها بالاسلوب ده ... محمد : هي فعلا زعلانه اوي من الي حصل بس انا عاوز اتطمن عليكي انتي الاول ... ساره : خلاص بقي يا محمد خليها تروح عند مامتك الاول عشان متزعلش بقي .. محمد : خلاص ماشي يا ساره خليها تروح ل ماما بكرة علي ما اروح اشوف حد متخصص يعالجها يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more