لاقيس

زي اي واحده حياتي كانت مستقره اتجوزت ال بحبه وكنت عايشه حياه سعيده وكل ال حواليا كانوا بيحسدوني حياتي باظت فجأه ومش عارفه ايه السبب جوزي بعد عني ومبقاش عايز يبص في وشي بسبب تصرفاتي اتا أسمى هند عندي ٢٩ سنه اتجوزت محمد اول ما اتخرجت وكنا عايشين قصه حب كل الناس كانت بتتكلم عنها وكان اجمل ايام حياتي وقضينا شهر العسل في باريس وبعدها بسنه ربنا رزقنا باجمل طفله في العالم أيسل بنوتي الوحيده وكان محمد بيساعدني وشايل عني كتير وكانت حياتي كلها سعاده وفرح وحب وهنا وفسح كتير كانت حياه اي واحده تتمناها لحد ما صحيت من النوم في يوم حاسه بخنقه رهيبه مش عارفه ايه السبب ومن اليوم ده حياتي انقلبت لجحيم وب**ر في البيت كله ومحمد كان بيهديني وانا مكنتش غير كلمه واحده طقني مع عايزه اعيش معاك وهو عمال يسألني ليه ايه ال حصل لكل ده وانا علي ل**ني كلمه واحده طلقني وخلاص ومش عايزه حاجه غير اني اطلق منك كنت عايشه في بيت عيله مع مامته وخوه ومرات أخوه وكانوا كويسين جدا معايا وفي لحظه شكيت فيهم وأنهم السبب في ال بيحصلي واني اكره جوزي وحياتي والموضوع رسي اني اخد شقه بعيد عنهم في مكان تاني والموضوع بداء يسوء اكتر من الاول وعلاقتي بمحمد انهارت تماما احد ما وصلنا انه يقولي روحي اقعدي عند اهلك ريحي أعصابك شويه لميت هدومي واخدت بنتي وروحت عند ماما خبطت علي الباب ماما اول ما فتحت _مالك يا هند يا حبيبيتي في وايه الشنطه الكبيره دي في حاجه حصلت مع محمد ولا ايه = ابدا يا ماما انا جيت اريح اعصابي علشان محمد عنده شغل كام يوم قولت احي اقعد معاكم علشان وحشتيني انتي وبابا _ تنوري يا حبيبتي انتي وأيسل حبيبة تيته انا خوفت بس من شكلك لا يكون في مشكله ولا حاجه _ لا يا ماما يا حبيبتي انا بس مرهقه وايسل بتسهرني بليل ومبنمش كويس اليومين دول =طيب يا حبيبتي قومي غيري هدومك جوه وتعالي نتغدا مع بعض انا عامله اكله بتحبيها اوي دخلت جوه لقت باباها قاعد في الصاله بيتف*ج علي التليفزيون = هند حبيبتي جيتي امتي نورتي البيت وحشتيني اوي وانتي وايسل حبيبة جدو هاتي أيسل في حضن جدها هنا وانا بقالي كتير نفسي اشوفها _ ازيك يا بابا يا حبيبي انا جيت اقعد معاكم كام يوم علشان انتوا وحشتوني اوي بس يا رب منكونش تقال عليكم _لا حبيبتي متقوليش كده انتي تنوري وانتي وحبيتة جدو في اي وقت انا مش هسيب البت دي الكام يوم دول من حضني _حبيبي بابا ربنا يخيلك لينا وبيتك يفضل مفتوح لنا علي طول انت احسن اب فالدنيا كلها ... دخلت اوضتي اغير هدومي وحاسه بخنقه جامد ومش عارفه كل ده من ايه قعدت علي السرير افكر انا بعدة عن محمد كل البعد ده ومش لاقيه سبب لل انا فيه طيب هو مزعلنيش في حاجه ولا هو ولا اهله واتصلت بصاحبة عمري ساره علشان احكي معاها علشان مش عايزه اقلق ماما عليا كفايه ال هي فيه ردت ساره عليا ازيك يا هند أخيرا افتكرتي ان ليكي صاحبه بقالي كتير نفسي اسمع صوتك من آخر مره كلمتك فيها صوتك كان متغير ومش عاجبني انتي فيكي ايه ومش عايزه تحكي _ انا يا ساره تعبانه اوي اوي ومش عارفه مالي بقالي فتره متغيره من جويا وحاسه بخنقه غريبه مش طبيعيه ومش طايقه محمد ولا طايقه البيت كله بحس بحاجات غريبه لما بكون جمب محمد وهو تعب من الوضع ده وشكلنا كده مش هنكلم مع بعض ازاي يا هند كل ده يحصل وما تقوليش الكلام ده مش عايزه تليفون ده عايزه قاعده مع بعض تحكي بالتفصيل ايه ال حصل وامتي وازاي علشان نشوف حل مع بعض علشان مينفعش بعد الحب ده كله الحياه تنتهي بالطلاق وبالشكل ده (ساره بتكون صاحبة هند من أيام الجامعه وعمرهم ما افترقوا لحظه ) طلعت هند برا علشان تتغدا مع باباها ومامتها لاقت أيسل نايمه علي ايد جدها اخدت أيسل ودخلتها جوه الاوضه علشان تنيمها جوه وخرجت تساعد مامتها في تحضير الأكل وقفت معاها في المطبخ شويه = طمنيني عنك يا هند ايه اخبارك انتي ومحمد _ انا كويسه يا ماما انتي طمنيني عنك بتاخدي العلاج في ميعاده ولا لاء وصحتك عامله ايه دلوقتي يا حبيبتي =انا بخير يا حبيبتي طول ما انتوا بخير مع اني حاسه انك فيكي حاجه مش طبيعيه ومخبيه عليا حاجه _ كل ده علشان جيت اقعد معاكم شويه يا ماما لو مش مرحبه بيا امشي وانسي اني جيت اصلا = انتي ازاي بتقولي الكلام ده يا هند انا يا حبيبتي خايفه عليكي وعايزه اطمن عليكي مش اكتر لاكن ده بيتك وبيت بنتك ومفتوح طول الوقت وتيجي في اي وقت من غير استأذان _حبيبتي يا ماما عامله اكل ايه بقي يا ست الكل انا جعانه ولا مش عايزه تأكلينا انهارده = ضحكت ماما قالت عملتلك البشاميل والبوفتيك ال بتحبيهم كان قلبي كان حاسس انك كنتي جايه =يااااااه يا ماما تصدقي وحشني طعم اكلك الجميل _بالف هنا يا حبيبتي ١ وفي نفس الوقت ده محمد اتصل بمامته وقالها اني روحت عند ماما علشان اريح اعصابي شويه لقيتها بتتصل بيا خدت التليفون علشان ارد عليها جوه علشان ماما متحسش بحاجه و اعرف اتكلم براحتي - الو ازيك يا هند عامله ايه حبيتي وأيسل حبيبتي عامله = الحمد لله يا طنط انا وأيسل كويسين =ايه حصل تاني يا هند علشان تمشي وتسيبي البيت _ محصلش حاجه يا طنط انا جيت اقعد مع ماما وبابا يومين علشان وحشوني وهما نفسهم يشوفوا أيسل = مش انتي عزلتي يا حبيبتي علشان راحتك وقولتي ان كده هتبقي مرتاحه ايه حصل تاني هو محمد مزعلك في حاجه ومش عايزه تقولي انا زي مامتك يا حبيتي لو في حاجه انا هتكلم مع محمد وأصلح ما بينكم _ لاء مفيش اي حاجه يا طنط الموضوع كله ان انا جيت علشان اقعد مع ماما كام يوم بقالي كتير مجتش هنا وهما كانوا بيسألوا علي أيسل = خلاص يا حبيبتي براحتك وقت ما تحبي تتكلمي انا موجوده وتحت امرك انتي يا هند غاليه عندي زي بنتي بالظبط وهي بتتكلم معاها فجأه سمعت صوت حد دخل في المكالمه عند حماتها صوت واحده قعدت تقول كلام غريب و مش مفهوم لكن في الاخر قالت اسم هند ... _ هو حضرتك في حد جنبك يا طنط ... = لا يا بنتي حد مين الي جنبي انا قاعدة لوحدي ... يتبع لاقيس البارت الاول بقلم / غاده سعيد