لاقيس البارت الثاني والعشرون

1106 Words

لاقيس البارت الثاني والعشرون بقلم / غادة سعيد تاني يوم الصبح هند اتفقت مع ساره على الخطه اللي كانوا متفقين عليها قالت لها انها هتروح عند حماتها عشان تعرف ايه اللي جوه الكيس وتطلع لسلفتها تشوف في ايه ... وهتسيب ايسل مع سارة ... عشان لما ترجع تشوف هتعمل ايه في الشرط الي مطلوب منها ... راحت هند عند حماتها و سلفتها و طلعت عند حماتها اول واحده واول ما دخلت حماتها استقبلتها استقبال مش كويس لانها كانت زعلانه منها من امبارح ... هند : ازيك يا طنط عامله ايه اوعي تكوني زعلانه مني من امبارح انا كنت تعبانه شويه وشكلي قلت لك كلامي ضايقك ... انا اسفه مكنش قصدي والله انا بس اعصابي تعبانه شوية اعذريني ... _ ولا يهمك يا هند خلاص حصل خير يا بنتي اهم حاجه انت عامله ايه دلوقت يا رب تكوني بخير .. هند : انا الحمد لله كويسه بس دماغي مصدعه قوي هو حضرتك عندك قهوه ... _ اه يا بنتي هاقوم اعمل لك اهو فنجان قهوه يمكن الصداع يروح شويه ... قامت حماتها تعمل لها قهوه وهند دخلت الاوضه بسرعه فتحت الدرج ومسكت الكيس كان مقفول حلو قوي .. فتحته واول ما فتحته الكيس وقع من ايديها على الارض وصوته كان عالي ... حماتها دخلت علي الصوت لقيت الكيس واقع وقالت لها : انت ايه اللي خلاكي تفتحي الكيس ده يا هند ... قالت لها : اصل الدرج كان مفتوح ولقيته محطوط كده ببص اشوف في ايه وقع مني هو ايه ده يا طنط صحيح ... قالت لها : بس الدرج ما كانش مفتوح الدرج كان مقفول انت اللي فتحتيه .. وعلى العموم ده بخور وجاي لي من بره مخصوص وانت بوظتيه ووقعتيه على الارض ... هند : انا اسفه جدا يا طنط انا هلمهولك دلوقتي .. حماتها ردت عليها وقالت لها : لاء ما لوش لازمه خلاص انا هرميه ... وكانت مستغربه جدا هي ليه هند فتحت الدرج وكانت بتفتش فيه وهي متاكده انها كانت قافلاه لمت البخور ورميته في الزباله قدام هند .. وهند ساعتها قالت ان شكها مطلعش في محله والكيس طلع مجرد بخور ما فيهوش اي حاجه من اللي في بالها ... قعدت معها شويه وشربت القهوه وبعد كده استاذنت منها انها تطلع تبص على سلفتها وتسلم عليها لانها بقى لها كثير قوي ما شفتهاش ... طلعت عند سلفتها واول مادخلت سلمت عليها وقالت لها : ازيك يا هبه عامله ايه هبه : كويسه الحمد لله يا هند عاش من شافك يعني عزلتي خلاص و نسيتينا احنا ماوحشناكيش طب انت وحشتيني انت و ايسل انت فين كل ده ... هند : والله انا معلش انا اللي تعبانه و اعصابي تعبانه اليومين دول جدا عشان كده ما كنتش باجي ... انت عامله ايه يا هبه وعيالك عاملين ايه ... هبه : كويسين الحمد لله تشربي ايه يا هند ... هند : انا لسه شاربه عند ماما تحت بس لو مش هتقل عليكي اعملي لي كوبايه شاي بس ... هبه قامت بتعمل الشاي و هند كانت مستغله ان العيال كانوا في المدرسه وسلفها ما كانش موجود في البيت وقامت تلف في الشقه وتفتح الادراج وهي بتعمل لها الشاي لكن ما كانتش لاقيه اي حاجه ... لحد ما فتحت درج الصاله لقيت صوره ليها هي ومحمد بتاعه الفرح حد كاتب عليها ا** كذا مره بطريقه غريبه عشان كده الشك بدا يمسك في قلبها وشكل كلام ساره طلع صح ... هبه اول ما طلعت بالشاي ولقيت هند ماسكه الصوره دي قالت لي هند : والله الولد الصغير كتب عليها كده زي ما انت شايفه وانا ما رضيتش ارميها عشان ما ينفعش ارميها ف سايبه الصوره كده زي ما هي ... هند : بس ده مش خط عيل صغير خالص الصوره مكتوب على وشوشنا وعلى اماكن معينه بالا**س .. هبه : يعني قصدك ايه مش فاهماكي ... هند : قصدي انت فاهماه كويس يا هبه وانا دلوقت شكى طلع في محله والظاهر ان الكلام طلع عليك انت يا هبه ... هبه : انت اتجننتي يا هند انت بتقولي ايه انت تقصدي ايه بالكلام ده ... هند : هتعرفي انا قصدي ايه و هاخذ الصوره دي معي وهتشوفي اللي هيحصل بقى ... هند اخذت الصوره وفتحت الباب ونزلت علي تحت وهبه كانت بتزعق لها وتقول لها انت شكلك اتجننتي على الاخر انت بتشكي فيا .. انا اعمل لك ايه يعني انت عمرك ما شفتي مني حاجه وحشه و لا انا شفت منك بتشكي ان انا عامله لك عمل مثلا .... هند : اد*كي قلتي بنفسك واعترفتي ايوه فعلا انت اللي عامله لي عمل ... نزلت هبه بسرعه عند حماتها وقالت لها الحقيني يا ماما ... حماتها ردت عليه وقالت لها : في ايه يا بنتي ايه اللي حصل ... هبه : هند بتشك في من اللي عامله لها عمل لما شافت الصوره عندي والولد مشخبط عليها وعامل عليها حرف الا** اخذت الصوره معها واتهمتني ان انا اللي عاملها عمل ... حماتها ردت وقالت لها : ايوه يبقى كانت بتفتح عندي الادراج كلها عشان تدور على اي حاجه تمسكها عليا وحتى كيس البخور اللي جاي لي هديه فتحته كبته على الارض عشان تتاكد هو ايه ده و انا اقول برده بتفتح الادراج عندي ليه وتشوف فيها ايه ... اتاريها كانت شاكه فينا ان احنا عملناها حاجه دي شكلها اتجننت على الاخر ... هبه : والله العظيم يا ماما انت عارفه انا ادم شخبط على الصوره وانا كنت حاكيه لك صح ولا لا ... حماتها ردت على وقالت لها : ايوه يا بنتي حكيالي الموضوع ده وساعتها قلت لي مش هارمي الصوره عشان ما ينفعش ارمي صورتهم في الزباله ... وسبتي الصوره زي ما هي ... هبه : هند اخذت الصوره معاها وهي حاسه ان انا اللي عامله لها عمل وقالت لي هتعرفي انا هاعمل ايه وشكلها هتقوم الدنيا على وانا والله ما عملت اي حاجه ده انا باحبها وكنت بعتبرها اختي ... هي ازاي تفكر فيا بالطريقه دي ... هبه كانت قاعده زعلانه جدا وبتعيط وصعبان عليها نفسها وهند واخذه الصوره و طالعه تجري بها على البيت عشان توريها لجوزها وتقلب الدنيا كلها ... وحماتها كانت زعلانه من تصرفاتها هي ازاي تيجي وتفتش عندهم وتفتح الادراج وتعرف ايه اللي فيها ... هند اخذت الصوره وجريت على البيت وقفت التا**ي وركبت وراحت واول ما وصلت البيت ندهت على ساره .. ساره قالت لها في ايه يا هند مالك وشك عامل كده ليه .. هند : كل كلامك طلع صح يا ساره والصوره دي دليل على ان سلفتي هي اللي عامله فيا كل ده ... سارة : صوره ايه اللي بتتكلمي عليها دي ... هند طلعت الصوره من شنطتها وقالت لها : الصوره دي بصي كويس على الصوره و هتعرفي ان هبه سلفتي اللي عامله فينا كل ده ... ساره شافت الصوره وكانت مستغربه قوي و قالتلها شوفتي يا هند مش انا قلت لك اكيد هتلاقي الدليل هناك و اد*كي لقيتيه اهو قولتلك انهم اكيد عاوزين يأذوكي و مكنتيش مصدقه كلامي .. فجأه الباب فتح و محمد دخل يتبع كتابات ل ghada saee

Free reading for new users

Scan code to download app

App Store Google Play

Facebookexpand_more