لاقيس

لاقيس البارت التاسع عشر

لاقيس

البارت التاسع عشر

بقلم / غادة سعيد

هند لقت قلم نازل على وجهها عمرها ما هتنساه بتبص لقيت محمد عمال يض*بها ويقول لها ايه اللي انت بتعمليه ده يا هند بتقولي ايه انا مش فاهم حاجه ... بتقولي كلام غريب وبتتكلمي بلغه غير اللغه بتاعتنا انت بتعملي ايه بالضبط وانت نايمه انت شكلك فيكي حاجه فعلا وكلامك كله طلع صح ....

هند : انت اللي مش مصدقني يا محمد قلت لك 100 مره انا فيا حاجه وانت مش مصدق انا معمول لي عمل اسود و لاقيس كل يوم تجيلي تطلب مني حاجات مقابل انها تسيب بنتي في حالها ... تقدر تجيب شيخ هنا وتعرف اني كلامي صح ولا غلط لكن انت مش مصدقني في ولا كلمه باقولها صدقت بقى ان في حاجه اللهجه اللي سمعتني باتكلم بها دي ما كانتش انا كانت هي عشان تصدقني بس انا ما اقدرش اتكلم باللهجه دي ولا اعرف هي بتتكلم اصلا باللغه بتاعة مين انا مش مسامحه اي احد ماصدقنيش عشان انا والله ما كذابه انا بتعذب و يطلب منى طلبات ما فيش راجل يقدر يعملها ما بالك انا واحده ست و باعمل كل ده عشان احافظ عليك انت وايسل فجاه ساره دخلت على الكلام لان صوتهم كان عالي جدا وقالت لهم : مالكم يا جماعه صوتكم عالي كده ليه وانت يا هند وشك احمر كده ليه في احد ض*بك ولا ايه ...

هند : ابقي اسالي محمد مين اللي ض*بني ولا تسالي لي انا هاقول لك كنت نائمه وسمعني وانا باتكلم بلهجه هو ما يعرفهاش وكان بيحاول يصحيني وانا ما كنتش باصحى راحه ض*بني عشان يعرف يصحيني تاكدت بقى يا محمد اني مش كذابه وانا فعلا معمول لي عمل اسود ... ولا لسه مش مقتنع بكلامي

محمد : طيب انت بتقولي كده هيكون مين يعني اللي عامل لك العمل انت كل الناس اللي حواليك بيحبوك يا هند هيكون مين يعني امي ولا سلفتك انت عارفه كويس انهم اكثر ناس بيحبوك وعمرهم ما حبوا لك الاذى و ساره صاحبتك من سنين هم دول الناس اللي حواليك وابوك وامك ودول مستحيل يكون وعملوا كده يبقى مين اللي عمل لك كده انا يعني ...

هند : ما تقوليش كلام يا محمد انا ما قلتش كده انا بس اعصابي تعبانه جدا مين اللي بشوفه ونفسي انك تصدقني وتجيب لي حد يعالجني و هتتاكد بنفسك ..

محمد : اوعدك يا هند من النهارده انا اصدقك وهاجيب احد يعالجك وهدور على احسن شيخ في المكان واجيبه هنا يشوف فيك ايه وايه اللي جرالك ...

هند : ما تتعبش نفسك يا محمد هي قائله لي لما انفذ الشروط بتاعتها كلها خلاص هاموت لان ده حاجه مطلوبه منها اللي عمل لي العمل طالب ان بعد ما اتعذب وا نفذ الشروط اني اموت وما يبقاش لي وجود في الدنيا كلها خلاص كده يا محمد هي دي النهاية ...

حاله دلوقت بوصيك على ايسل انت وساره لو جرالي اي حاجه خلوا بالكم من ايسل هي مش هيبقى ليها احد في الدنيا دي غيركم اوعى يا محمد تتجوز واحده وتجيب لها مراة اب تعمل في البنت اي حاجه وانت يا ساره عامليها على انها بنتك وحطيها في عينيك انا بوصيك عشان انت صاحبه عمري ... هو تتخلوا عن ايسل وخلوها احسن واحده في الدنيا ...

سارة : ايه اللي بتقوليه ده يا هند انت بتستهبلي ولا ايه ايسل دي ما فيش احد هيربيها ولا يكبرها غيرك انت انت امها انتي تفرحي بها وتجوز فيها وهتبقى احسن واحده الدنيا ولو فعلا في احد عمل فيك كده يا هند هنعرفه وهياخد جزاءه لان مافيش انسان طبيعي يعمل في واحده ما لهاش ذنب كده انا كمان هادور على احد مع محمد عشان يعالجك ولو فعلا الموضوع طلع كده فاحنا مش هنسيبك يا هند غير لما تتعالجي وتبقي كويسه ... و اي حد آذاكي اكيد هيتأذي اكتر منك ...

هند كانت قاعده عماله تعيط و ساره طلبت من محمد انه يطلع ويسيبها معاها شويه تتكلم معاها وتهديها وقالت له يطلع يشوف ايسل عشان تقريبا صحيت وبتعيط .. خرج محمد بره عشان يشوف ايسل وساره قعدت مع هند تهديها شويه وتتكلم معها ..

ساره : مالك بس يا هند مين اللي هيكون عمل فيك كده

ساره قربت من هند ووطت صوتها وقالت لها ما انا قلت لك شوفي حماتك وسلفتك .. اكيد هم عندهم الجواب روحي يا هند هناك وسيبيني انا مع ايسل اعملي لهم زياره مفاجاه وشوفي ايه اللي عندهم انا واثقه انك هتلاقي حاجه هناك مش انت بقى لك كثير قوي ما رحتيش هناك انا اللي باقول لك روحي ....

هند : ايوه فعلا انا بقى لي كثير جدا ما رحتش هناك بس انا لو رحت ايه اللي هيحصل يعني هيكون في ايه يا ساره حماتي وسلفتي عمرهم في حياتهم ما حسيت النوم بيكرهوني او بيغيروا مني بالع** احنا كنا عايشين كويس جدا مع بعض ايه اللي هيكون حصل يعني خلي احد فيهم يعمل في كده مستحيل يكونو عملوا فيا كده ...

سارة : انا باقول لك روحي وجربي ومش هتخسري حاجه روحي زوريهم و سلمي عليهم وفتشي كده شوفي يمكن توصلي لاي حاجه عندهم ...

هند : عندك حق فعلا يا ساره انا محتاجه اروح المشوار ده وحتى لو ما لقيتش حاجه مش هخسر حاجه لما اروح و اكون اتطمنت انهم ملهمش علاقه باللي بيحصل لي ... بكره ان شاء الله الصبح لما محمد يروح على شغله انا هاسيب لك ايسل واروح على هناك واشوف بقى بنفسي ايه اللي بيدور من ورايا ولو طلعوا فعلا لهم علاقه باي اللي بيحصل لي انا هيبقى لي تصرف ثاني معاهم ... انت كده بدات تشكيني فيهم يا ساره وانا الشك لما بيتملك منى بيبقى في حاجه فعلا ...

سارة : علي واثقه يا هند انك هتوصلي الحاجه هناك عشان اهل الجوز دول عمرهم ما هيحبوكي زي بناتهم .

وسلفتك كمان اكيد من غير منك انت ما شفتهاش كانت بتبص لك في الفرح ازاي انا اللي كنت شايفاه نظرتها لك في فرحك كان كلها غل و حقد بس انت اللي كنت بتتعاملي معهم بحسن نيه اعملي اللي باقول لك عليه وانت هتوصلي حاجه بس اوعى تجيبي سيره لمحمد انك بتشكي في اهله ولو واحد في المئه اكيد هيقلب عليك ومش هيصدقك في حاجه ومش بعيد يسيب لك البيت ويمشي عشان ما فيش راجل هيقبل على اهله اي كلام ....

هند : عندك حق فعلا يا ساره اكيد مش هاروح اقول له اني باشك في اهله يعني دول مهما كان اهله و مش هيرضى عليهم اي كلمه وحشه خصوصا انه بيحب مامته واخوه جدا ... زي ما اتفقنا بقى يا ساره بكره الصبح انزل اعمل لهم زياره مفاجاه واشوف ب نفسي في ايه بس دلوقتي انا طالبة منك طلب ...

سارة : اتفضلي يا حبيبتي ...

هند : انا نفسي انام دلوقتي و خايفه تظهرلي في الحلم تاني ممكن تخليكي جنبي هنا عشان لو حسيتي ب اي حاجه تصحيني من النوم بسرعه مش عاوزه اشوفها يا سارة تعبت و اعصابي تعبت ...

يتبع

كتابات ل ghada saeed