لاقيس البارت الثامن والعشرون

2321 Words

لاقيس البارت الثامن والعشرون بقلم / غادة سعيد قعدت هند تتكلم مع دكتور علي وتقول له : اروح فين دلوقتي و اجيب الحاجات دي منين ... ده الوقت متاخر جدا و اكيد مش هلاقي حد فاتح دلوقتي ... اعمل ايه يا دكتور كده المهمه كلها هتبوظ واليوم هيروح مني ... دكتور علي : اهدي بس يا هند و سيبيني افكر في مكان اجيب لك منه الحاجه اللي انتي عاوزاها قولي لي تاني عاوزه ايه .... هند : عاوزه شمعه ومرايه هو ده اللي كل اللي عاوزاه .... ‏ دكتور علي : طيب بسيطه انا ممكن الاقي الطلبات دي بسهوله جدا في المستشفى هنا في مرايات كثير ممكن ا**ر حته صغيره منها المشكله في الشمعه بس ممكن الاقي لان احنا بنعمل هنا اعياد ميلاد كثير جدا واكيد هنلاقي شمعه هنا ولا هنا تعالي معايا ندور عشان ن**ب وقت ... ‏ دكتور على اخذ هند على المطبخ وقعدوا يفتحوا الدرف اللي فيه ويدوروا على شمع لكن ما كانوش لاقيين خالص ... ‏ هند : قالتله طيب ما تسال اي حد من العيانين اللي جوه دول يمكن في حد شايل شمعه ولا حاجه .... ‏ دكتور على : دول مجانين يا هند حد شايل شمعه هم هيفهموا اصلا اللي انا باقوله .... ‏هند : ايوه هيفهموا طبعا تعالي بس نسال انا حاسه ان في حد شايل شمعه هناك ... ‏ دخلوا الاوضه اللي فيها العيانين ... ‏دكتور على سألهم انا عايزه اعرف في حد فيكم شايل شمعه هنا واحد منهم رد عليه وقال له انا يا دكتور كنت شايل علبه شمع ومستني عيد ميلادي دكتور علي : ما كانش مصدقه لانهم ساعات بيقولوا كلام كده وما بيكونش صح .... ‏دكتور علي قاله طب وريهالي كده عشان اجهزها لعيد ميلادك .... ‏ العيان قال له بجد يعني هتجيب لي تورته وهتعمل لي عيد ميلاد .... ‏ دكتور علي : قال له ايوه طبعا هاعمل لك عيد ميلاد حاجات بس للشمع وانا هابقى اجيب لك التورته ..... ‏ العيان رفع المرتبه بتاعت السرير بتاعه وطلع كميه شمع كبيره جدا كان و ‏بيخزنها كل ما يلاقي شمعه ياخدها يخزنها على امل ان حد يعمل له عيد ميلاد في يوم من الايام كان مخزن حوالي اكثر من 50 شمعه دكتور علي لما شاف منظر الشمع قعد يحضنه ويقول له انت بقالك قد ايه بتخزن الشمع ده ..... ‏العيان رد عليه وقال له انا بقالي كثير قوي من اول ما جيت هنا تقريبا مستني حد من عيلتي يجي ويعمل لي عيد ميلاد .... ‏دكتور علي حضر وقال له انا هاعملك عيد ميلاد نفسي بس هاخذ شمعه واحده بس منهم انت كده كده مش هتحتاج الشمع ده كله في حاجه .... العيان شمعه وقال له انا هستناك تجيب لي التورته وتعمل لي عيد ميلاد ..... ‏هند لما شافت نظاره قعدت تعيط وقالت له مش هو بس اللي هيعمل لك عيد ميلاد انا كمان هاعمل لك عيد ميلاد ما تزعلش كلنا هنا اهلك .... ‏اخذ الشمعه وطلعوا بره الاوضه .... ‏ هند قالت للدكتور علي مش قلت لك ان احنا هنلاقي الشمعه هنا وانت ما كنتش مصدقني كده ناقص المرايا .... ‏ دكتور علي : ايوه فعلا انتي طلعتي ذكيه قوي اكثر ما كنت اتوقع لا ما تقلقيش المرايه دي امرها سهل جدا المستشفى هنا مليانه مرايات تعالي معايا المكتب وانا هديلك من المرايات الي عندي .. دخلوا على المكتب و فتح درج المكتب طلع لها مرايا وقال لها خلي بالك منها عشان دي مرايتي بقف اسرح بها شعري كل يوم ... هند ضحكت له وقالت له : هو ده وقت هزار برضه يا دكتور علي مش شايف المصيبه اللي انا فيها ... دكتور علي : بيقول لها انا باحاول اهونها عليكي يلا ربنا معاكي ... هند : كده فاضل بس تقول لي اروح على انهي سلم عشان اطلع فوقه واعمل المهمه الورقه معي اهي هاقرا الكلام اللي فيها كله ... دكتور علي : فيه سلم عالي عندنا في المستشفى بس في الدور اللي فوق خالص و بيبقى ظلمه عشان ما فيش احد بيقعد فوق خالص ... تعالي معايا هاوريكي فين هو مخيف شويه بس هو ده اللي هينفعك ... هند : خلاص ماشي ... طلعوا فوق خالص وداها على سلم قريب من الصطح بتاع المستشفى وقال لها : هو ده السلم ... هند : بس ده سلم عالي قوى ومخيف انا هطلع هناك ازاي ... دكتور علي : مش عارف والله يا هند على العموم انا هاقف لك هنا مع اني خايف ومرعوب بس مش هيهون على اسيبك لوحدك في مكان زي ده ... هند طلعت على فوق ومسكت الشمعه ولعتها بالولاعه بتاع الدكتور علي ... دكتور علي كان واقف تحت ب يراقبها فتحت الورقه وبدات تردد الكلمه وهي نازله بظهرها بدات تقول ( ماري الد**ية انا قتلت اطفال .. ماري الد**ية انا قتلت اطفالك ) قعدت تكرر الجمله دي كثير قوي وهي نازله على السلمة اللي قبل الاخيره ظهرت لها واحده في المرايه كان شكلها مخيف جدا ما لهاش انف ولا حواجب وشها كانه محروق وعينيها الاثنين شكلهم غريب ومن غير رموش ... اول ما شافتها في المرايه اتكعبلت و وقعت على دكتور علي وقعدت تصوت دكتور علي بص في المرايه شاف المنظر ده اتخض هو كمان وقال لها : اهدى يا هند دي بتتكلم عاوزين نفهم هي بتقول ايه عشان دي بتوصل لك رساله ... هند كتمت بقها بإيديها مع انها كانت بتصوت ... عشان تسمع الكلام اللي هي بتقوله كان كلامها كله بالانجليزي وهند ما كانتش فاهمه ولا فيها دماغ انها تسمع ولا تترجم لكن دكتور علي كان مركز كويس جدا وسمع كل كلمه هي قالتها ... وفجاه الست دي اختفت من المرايا والمرايا ات**رت نصفين ... هند كانت منهاره لدرجه انها ما كنتش واخذه بالها انها واقعه فوق دكتور علي وهو مش عارف يقوم ... هند : كانت بتقول ايه يا دكتور انا مسمعتش اي حاجه انت سمعت كلامها ... دكتور علي : ايوه سمعت كلامها وهاقول لك دلوقتي كانت بتقول لك ايه ... كانت بتوصل لك رساله مهمه بس ممكن قبل ما اقول لك تقومي من فوقي عشان انا مش عارف اقول ... هند اول ما شافت نفسها واقعه فوق دكتور علي ات**فت جدا و قالت له : انا اسفه والله ما اخدتش بالي انا اسفه جرالك حاجه انا ثقيله انا عارفه ... دكتور علي : لا ما تقوليش على نفسك كده ده انت فراشه انا رجلي ات**رت بس ماحصليش حاجه و قعد يضحك ... وقال لي هند اللي انا شفته ده اول مره في حياتي اشوفه وشوفته على ايدك انا من ساعه ما عرفتك وانا باشوف وبيحصل لي حاجات غريبه بس يلا مش مهم كله في ميزان حسناتي ... ولو ما كنتش معاكي في الوقت ده ما كنتيش هتفهمي عمرك هي كانت عايزه تقول لك ايه ... كويس اني كنت معاكي عشان لو ما كنتش معاكي كان المهمه يعتبر هتبوظ .. هند قامت وقالت له انا اسفه جدا يا دكتور علي بهدلتك معي ووقعتك على الارض وهدومك والبالطو اتبهدلوا ممكن تديني البالطو ده اغسله لك ... دكتور علي : لا عادي انا متعود على كده ومش ده موضوعنا دلوقت اللي ظهرت لك في المرايه دي عاوزاكي توصلي رساله لدجال اسمه عراف وتقولي له ان المهمه لسه ما كملتش وهو هيفهم هو انت قصدك على ايه ... وقالت كمان ان الدجال ده عنوانه في الناحيه الشرقيه جنب محطه القطار ودي حاجه انا مش فاهمها هي تقصد ايه بالناحيه الشرقيه دي .. هند : بس انا اعرف هي تقصد ايه الناحيه الشرقيه دي مكانها على بعد ساعه من هنا انا رحت المكان ده قبل كده زمان وانا صغيره مع امي كان لنا قرايب هناك بس المكان ده اتهد كله بقى صحرا .. ازاي فيه دجال قاعد في المكان الصحراء ده ... دكتور علي : مش عارف والله بس هي اكدت المعلومه دي ... هند : يعني دي بقيت المهمه دي يعني انا لازم اروح النهارده المكان ده واوصل للدجال الرساله اللي هي قالتها لي دي اعمل ايه انا دلوقت ولا اروح ازاي .. دكتور علي : انا شايف انك بترمي الكلام عليا و عاوزاني اجي معاكي قدري ومكتوبي هاعمل ايه لازم اكمل معك المهمات دي للاخر عارفه ليه عشان انت بنت جدعه وعاوزه تحافظي على بنتك وبيتك ... هند : انا ما كنتش هاقول لك تيجي معي بس انت اللي قلت يبقى انت اللي عاوز تيجي يلا بقى هاروح اجهز نفسي وانت جهز نفسك وشوف حد يقعد في المستشفى بدالك ... دكتور علي : انا مش عارف انا ليه بساعدك والله بس يمكن عشان انت صعبانة عليا وحاسس انك مالكيش حد ... يلا مش مهم كله عشان خاطر ربنا ... ماشي انا هاكلم صاحبي يجي يقعد في المستشفى شويه عشان نروح نشوف هنعمل ايه ... طلعت هند عشان تجهز نفسها تروح المكان ده والدنيا كانت ضلمه خالص لكن هي ما معهاش وقت ولازم تتحرك دلوقتي حالا ... لقيت تليفونها عمال يرن محمد عمال يتصل كثير جدا و لقيته متصل اكثر من 20 مره اكيد هو عارف انها مش عند مامتها وباباها عشان كده عمال يتصل كثير قوي مسكت التليفون ورديت عليه .... هند : الو ايوه يا محمد خير ..... محمد : تقدري تقوليلي انتي فين دلوقتي انا عرفت انك مش عند باباكي ولا مامتك رحتي فين يا هند لو ما قلتيش انتي فين دلوقتي حالا والله العظيم ما هتبقى على ذمتي يوم واحد .... هند : على فكره انا ما بعملش حاجه غلط وممكن قوي ما رضاش اقول لك بس عشان ترتاح انا في المستشفى اعصابي تعبانه وما رضيتش اروح عند بابا وماما وانا اعصابي تعبانه بالطريقه دي فارحت المستشفى .... محمد : ازاي يعني رحتي المستشفى من غير ما تقولي لي .... هند: انا حره اروح المكان اللي انا عاوزاه وبعدين هو انت مش طردتني من البيت عاوزني اقعد ليه دلوقت بعد ما اتطردت من بيتي وبعدين ما لكش دعوه انا فين ولا مع مين ... انا بس قلت لك اني في المستشفى لا تفتكر اني باعمل حاجه غلط ولا حاجه ... وقفلت هند السكه في وشه قعد يحاول يتصل بها ثاني لكن هي ما كانتش بترد و قفلت تليفونها خالص ... جهزت نفسها ونزلت تحت قبل الدكتور على على باب المستشفى راكبوا العربيه وراحوا للمكان اللي اتقال لهم عليه وهم ماشيين في السكه كانت الدنيا ضلمه جدا لانهم رايحين مكان صحراوي وهند كانت خايفه لاحسن العربيه تتعطل زي المره اللي فاتت ... دكتور علي قال لها : عاجبك البهدله اللي احنا فيها دي ما انا قلت لك ما تعمليش المهمه دي وخلاص انت اللي **متي ... هند : ما عملش المهمه ازاي يعني يا دكتور اد*ك شايف اللي انا فيه لازم اعمل كل حاجه للنهايه ... دكتور علي : بس انا سمعت على مهمات غير دي خالص ما اعتقدش انك هتقدري تعمليها ... حاجات صعبه وفيها شرك بربنا والعياذ بالله واكيد انتي لو اتطلب منك حاجه زي دي مش هتعمليها ... هند : لا طبعا مش هاعملها واللي يحصل يحصل كله الا الشرك بربنا انا عملت كل ده لان دي ما فيهاش شبه حرمانيه لكن لو كان حاجه هتخليني اشرك بربنا مستحيل كنت اعملها ... قعدوا اكثر من ساعه في الطريق والدنيا ضلمه جدا ما كانوش يعرفوا مكان الراجل ده فين ... قعدو يلفوا كثير قوي ومش عارفين هم رايحين فين ... ولا حتى في اي حد في المكان يسالوه فين محطه القطر اللي في المكان ده فضلوا ماشيين لحد ما لقيوا واحد ماشي لوحده في الصحراء .. دكتور علي وقف العربيه ونزل عشان يسالوا فين محطه القطار اللي هنا الراجل بصله وما كانش بيرد دكتور علي قال له : هو انت مش سامعني ولا ايه باقول لك فين المحطه القطار اللي هنا .. الراجل شاور له انه مش بيسمع دكتور علي قعد يكلمه بلغه الاشاره لانه كان عارف بعض الكلمات منها واقعد يوصف له انه عاوز يروح لمحطه القطر ... الراجل قاعد يوصف له بإيده ودكتور على تقريبا فهم هي فين بس ما كانش متاكد ان كلام الراجل ده صح ... ركب العربيه وهند قالت له : قال لك ايه ... دكتور علي قال لها : ما قاليش حاجه طلع ما بيتكلمش ولا بيسمع اصلا بس شاور لي كده اني ادخل يمين وبعد كده ادخل شمال هالاقي محطه القطر هنمشي على الوصفه بتاعته ما فيش قدامنا حاجه غير كده ... فضلوا ماشيين على الوصفه اللي الراجل قال لها لهم لقيوا نفسهم فعلا قدام محطه القطر لكن مش عارفين هو فين مكان اللي اسمه عراف ده .. قعدوا يلفوا حوالين محطه القطر لحد لما هند قالت له : في بيت بعيد اهو فيه نور ما فيش غيره في المكان اصلا شكله هو ده ... دكتور علي بدا يقرب منه بالعربيه واول لما خبط على الباب واحده شكلها غريب جدا فتحت لهم وقالت لهم : انتو مين وعاوزين ايه ... دكتور علي قال لها : احنا عاوزين نقابل عراف ضروري ردت عليهم وقالت لهم : انتم جايين تبع مين ... هند من غير تفكير قالت لها احنا تبع لاقيس .. الست اول ما سمعت الاسم ده قلت لهم تفضلوا تفضلوا تعالوا ادخلوا احنا مستنينكم بقى لنا كم يوم انتم تاخرتوا كده ليه .. هند : معلش على بال ما لحقنا نيجي المكان بتاعكم بعيد جدا الست بصتلها وقالت لها هو بعيد بس هو ده اآمن مكان نقدر نعمل فيه اللي احنا بنعمله ده .. هند : و انتم بقى بتعملوا ايه و بتشتغلوا ايه الست بصتلها باستغراب وقالت لها انت جايه عشان حاجه معينه يا ريت ما تساليش في اللي ما لكيش فيه ... دكتور علي : طيب دخلينا عند عراف وما لكيش دعوه بها ولا تكلميها بالطريقه دي ... الست قالت لي عراف ان الضيوف وصلوا قال لها خليهم يدخلوا بسرعه انا مستنيهم بقى لي كثير ... دخلوا عند عراف كانت الاوضه كبيره وشبه الكهف و ريحتها وحشه جدا وهو قاعد وقدامه نار كثير وحاجات حواليه كان قاعد يعمل لناس كثير قوي اعمال ... عراف قالهم : اتفضلوا اتفضلوا اتاخرتي كده ليه يا هند ... انا عارف انك بس اللي جايه لي مين اللي انت جايباه معاكي ده ... هند : ده دكتور علي صديقي انا مابروحش في مكان من غيره ... وبعدين انت مالك انا جايبه مين انت كل اللي عاوزه اني اوصل لك الرساله اللي مبعوتا لك وخلاص ما تقعدش تتكلم كثير انا اصلا مش عارفه ازاي جئت المكان ده ... عراف : ما لك بتتكلمي معايا كده ليه انا ممكن اسخطك قرد دلوقت وانت قاعده بس انا مش هاعمل كده عشان انا محتاج الرساله اللي معاكي يلا قوليها وخلصي خليني اشوف شغلي عشان انا شغلي كله متوقف على الرساله دي ... هند : وايه هو شغلك ده بقى ان شاء الله ... عراف : مالكيش دعوه وقولي الرساله اللي معاكي وخلاص يتبع

Free reading for new users

Scan code to download app

App Store Google Play

Facebookexpand_more