لاقيس البارت التاسع والعشرون

1946 Words

لاقيس البارت التاسع والعشرون بقلم / غاده سعيد هند بصت ل عراف و هو بيقولها قولي الرسالة بسرعه و منتظر يسمع منها الرسالة هند من غير تفكير قالتله : بتقولك ان المهمة تمت خلاص ... عراف اول ما سمع الكلام ده قالها : انتي متأكده من الكلام ده ولا بتقولي اي كلام و خلاص .. هند : متأكده طبعا امال انا جاية ليه كل الطريق ده عشان اوصل الرساله دي .... كده انا عملت الي عليه يلا انا ماشية خلاص ... خرجت هند من عند عراف هي و دكتور علي و هما خارجين سمعوا عراف بيقول للست الي معاه : شيلي كل الحاجات دي خلاص المهمة تمت و ملوش لزوم نعيد الاعمال تاني .. هند : يلا يا دكتور علي من هنا بسرعه قبل ما يكشفوا الي انا عملته و يعملوا فينا حاجه ... دكتور علي : انتي ليه عملتي كده يا هند و قولتيله الكلام غلط ... هند : حسيت اني ممكن اقدر اساعد حتي لو ب حاجه بسيطه سمعته لما قولتله المهمة تمت قال ايه للست الي معاه .. دكتور علي : و ده معناه ايه يعني مش فاهم ... هند : معناه ان الراجل ده كان بيجدد اعمال ل ناس ملهاش اي ذنب زيي كده و لما قولتله المهمة تمت مش هيكمل في الي هو بيعمله لكن لو قولتله الرساله الي هي قالتهالي كان هيجدد الاعمال كلها انا مكنتش فاهمه معني الكلام بس لقيت نفسي بقول كده ب كل تلقائية .. دكتور علي : تلقائية ايه بس دانتي هتتنفخي منها لما تجيلك تاني ... هند : و هي هتعرف منين اني قولتله كده مهي لو كانت تعرف توصله الرسالة دي كانت قالتهاله بس الظاهر انها مبتقدرش تروح المكان ده ... انا كده بوظتلهم كل الي بيعملوه و لو مش عارفه اساعد نفسي فانا ممكن اساعد غيري ... دكتور علي و هو بيسمعها كان عمال يضحك و فجأه ظهرت واحده قدام العربية و هو ماشي بسرعه وقف العربيه فجأه لدرجه انه هو و هند اتخبطوا في الازاز الي قدامهم من قوة الفرامل ... نزل دكتور علي من العربية عشان يشوف مين الي وقفت قدامهم لكن هو اتفاجيء لما ملقاش اي حد موجود بس هو كان متأكد انه شاف حد واقف .. راح العربية عند هند و قالها : مش انتي شوفتي حد زي مانا شوفت انا متأكد اني شوفت حد مكنش بيتهيألي ... هند : كان فيه واحده واقفه قدام العربية دلوقتي حالا و انت افتكرت انك هتدوسها فا وقفت فجأه ... هند قعدت تبص ورا دكتور علي و تبرق ... دكتور علي : في ايه يا هند بتبصي ورايا ليه فيه حد واقف ورايا ولا ايه ... انتي بتبصي كده ليه يا هند ... فجأه دكتور علي التفت وراه و لاقيس كانت واقفه اول ما شافها قدامه سكت و كأن ل**نه اتشل خالص ... هند : انتي جاية ليه دلوقتي انا عملت الي اتطلب مني . لاقيس : انتي ازاي يجيلك الجرأه تغيري الكلام الي هي قالتهولك وتقولي ل عراف ع** الكلام و تبوظيلنا المهمة كلها ازاي تعملي كده .. هند : انتي اصلا مقولتليش اني هوصل رساله و هي كانت بتتكلم لغه غريبه انا مفهمتش الكلام خالص .. انتي كان المفروض تقوليلي الكلام ده وانا رحت بسرعه واستعجلت عشان خوفت المهمة تروح مني ... لاقيس : انتي ب الي عملتيه ده ضيعتي علينا كلنا حاجه كبيرة كانت هتتعمل ومش هينفع تتعمل تاني .. و كل ده بسببك انا عارفه انك كان قصدك تعملي كده عشان تبوظي الي احنا بنعمله عشان كده انا قررت اني اخليلك الشرط الرابع اصعب شرط فيهم عشان تتعلمي بعد كده تعملي الي يتطلب منك مظبوط ... هند : و ايه هو الشرط الرابع بقي ؟ لاقيس : هتعرفي في الوقت المناسب ... فجأه لاقيس التفتت ناحية دكتور علي وقالتله : انت كمان حطيت نفسك في الموضوع ده و مش هتعرف تخرج منه تاني .. و اختفت دكتور علي كان حاسس ان هيجي له سكته قلبيه من اللي شايفه ده ... هند : تعال يا دكتور ما تخافش هي خلاص مشيت دكتور علي : هي كانت عايزه منك ايه يا هند انا ما كنتش قادر ابص في وشها هو انت بتكلميها ازاي اصلا . هند : طلع كلامك كله صح وعرفت ان انا قولت ل عراف الكلام غلط ومتوعدالي انها هتعملي شرط اصعب من دول كلهم وانا خايفه اوي من الي هي هتعمله فيا .. وكمان شكلك دخلت معايا في الموضوع ده من غير اي ذنب و بصراحه انا عارفه انك مش طايقني دلوقتي و م**وفه منك علي الي حصل فيك ده كله و عارفه كمان انك بمجرد ما نمشي من المكان ده مش هتعرفني تاني خالص ... دكتور علي : و انتي مين قالك كده بقي لا طبعا انا الي **مت اني اساعك وانا الي هكمل معاكي في الطريق ده للآخر يا هند ... ركب دكتور علي العربية بتاعته و اتوجه علي المستشفي و هو سايق الطريق كان ضلمه اوي و كان خايف احسن يظهرلهم اي حاجه تاني زي الي ظهرتلهم دي لكن وصلوا المستشفي ب امان و سلام .. و هما داخلين من الباب صاحبه وليد وقفه و قاله : انت كنت فين يا علي و مين الي معاك دي ... علي : انا كنت بجيب حاجه و دي هند مريضه عندنا هنا .... و بعدين انت بتسأل ليه انا قعدتك هنا ساعه اروح مشوار و اجي انت بتحقق معايا ليه ... وليد : انا مش بحقق معاك بس احنا من امتي بناخد المرضي بره المستشفي و بتعملوا ايه بره المستشفي .. علي : في ايه يا وليد ما تتكلم كويس .. اطلعي عالاوضه بتاعتك يا هند لو سمحتي دلوقتي وانا هبقي اجي لما اخلص كلامي مع دكتور وليد عشان شكله اتجنن عالاخر هو كمان ... طلعت هند علي اوضتها كانت خايفه جدا لان الدنيا كانت الظلمه ... دخلت الاوضه وفتحت تليفونها عشان لو حد كان متصل بيها لقيت محمد اتصل بيها كتير جدا والتليفون كان مقفول بعد كده ..... بعت لها رساله وقال لها انا جيت المستشفى وسالت عليكي ولقيتك مش موجوده في اوضتك انا دلوقتي عرفت كويس انتي كنت فين ومع مين الدكتور اللي هناك قال لي انك خرجتي مع دكتور علي ..... انا مش عارف انتي ازاي تعملي كده في هو ده بقى اللي انت سبتيني وخسرتي بنتك وبيتك عشانه حبيتي الدكتور بتاعك انا مش عارف اقول لك ايه بجد يا هند بس انا خلاص كده انا مش عاوز اكمل معاكي انا عاوز نتطلق يا هند ... ‏حددي ميعاد عشان اجي واجيب الماذون ... ‏هند شايفه الرساله وما كنتش مصدقه ان الكلام ده يطلع من محمد ازاي هو يفكر فيها بالطريقه دي على طول اتصلت بيه وقالتله ايه اللي انت باعته في الرساله ده يا محمد انت ازاي تفكر فيا بالطريقه دي .... ‏محمد : عاوزاني افكر فيكي ازاي لما اجي واسال عليكي وانت قايلالي انك في المستشفى وفي الاخر الاقيكي خارجه مع الدكتور الساعه اتنين بالليل و قافله تليفونك وسايباه افهم انتي كنتي فين ازاي ..... ‏ كل الحاجه اللي انت بتعمليها دي عشان بتحبي دكتور علي دلوقتي بس عرفت ان انا كنت بافكر صح و احساسي طلع صح انك بتعملي كل ده عشان نتطلق انا بقى مش هتعبك كتير معايا يا هند انتي طالق ياهند و مش عاوز اشوف وشك تاني .. هند : خلاص خلصت كلامك انا بقى مش عاوزه اشوف وشك ولا اعرفك تاني وبكره الايام هتثبتلك ان انا عمري ما خنتك ولا فكرت حتى اخونك وانت بنفسك اللي هتيجي تترجاني عشان ارجعلك بس لا يا محمد انا مش عاوزه ارجع لواحد زيك عارف ليه ..... عشان كنت مستنيه انك الوحيد اللي تقف جنبي في المحنة اللي انا فيها و انك تساعدني وتعمل معايا كل اللي دكتور علي عملوا معايا وقفته جنبي وبيلف معايا في كل حته عشان اخلص من السحر اللي انا فيه لكن انت ما عملتش كده وكمان كنت بتكذبني انا اللي مش عاوزه اكمل معاك مش انت .... لو سمحت ورقه الطلاق توصلي في اقرب وقت ..... الباب خبط ودكتور على دخل وشاف هند وهي منهاره من العياط وقال لها مالك ياهند فيه ايه ايه اللي حصل .... ردت عليه وقالت له محمد طلقني يا دكتور علي بيسال عليا في المستشفى هنا وصاحبك ده قالوا ان انا خرجت معاك وهو دلوقتي بيتهمني اني بخونه معاك عارف انا مش زعلانه عليه مش بعيط عليه انا زعلانه على نفسي ازاي كنت مخدوعه في محمد كل المده دي وكنت فاكره انه اول واحد هيقف جنبي وهو الوحيد اللي ما وقفش جنبي و ماصدقنيش هو وساره صاحبه عمري وكمان لقيت ساره بدل ما تهديه كانت ‏بتسخنه اكتر و تولع الدنيا بينا حريقه انا اتخدعت فيهم هما الاتنين و مش عاوزه اعرف حد فيهم تاني .... ‏دكتور علي : اهدي بس يا هند هو برده معذور واحد شايف مراته رايحه مع واحد غريب في وقت زي ده لازم عقله يطير منه طبعا هو معذور وعنده حق في كل كلمه قالها وعملها هو انتي المفروض اللي تفهميه .... ‏ هند : طب ما انا ياما فهمته وهو موقفش جنبي ولا حتى جاب لي حد يعالجني و بيقول ان انا باعمل كده عشان عاوزه اتطلق محمد طلع ما بيحبنيش بعد كل العشره اللي بيننا دي خلاص يا دكتور علي انا مش عاوزه اتكلم في الموضوع ده تاني ولو جاي المستشفى وسال عليا ابقى قولوا له اني مش موجوده هو كده كده هيجي عشان يجيب لي ورقة الطلاق ابقي خذها منه وما تتكلمش معاه في اي حاجه تاني .... ‏ ‏دكتور علي : ازاي يعني عند مااتكلمش معاه تاني انتي كده بيتك هيتخرب وانتم بينكم بنت صغيره لازم الكلام ده يتصلح ولازم حد يدخل يصلح بينكم ... ‏ ‏ هند : بس انا مش عاوزه اكمل معاه خلاص يا دكتور علي من فضلك سيبني دلوقتي قاعده لوحدي عشان انا مخنوقه شويه .... ‏ ‏دخلت هند عشان ترتاح دكتور على سبها ونزل وهو كان متضايق جدا على الحاله اللي هي بقت فيها وكان بيفكر ازاي هيقول لمحمد جوزها ويفهمه سوء التفاهم اللي هو بيفكر فيه وان ما فيش اي حاجه بينهم وهو فاهم الموضوع كله غلط محمد كان قاعد في البيت يفكر هيعمل ايه واتفاجئ من رد فعله مع هند في التليفون و انه طلقها بالسهوله دي لقي نفسه ماسك التليفون و بيتصل بساره ‏و بيقول لها انا عاوز اقابلك ضروري دلوقتي حالا يا ساره .... ‏ساره : ليه يا محمد هو في حاجه حصلت .... ‏ محمد : لا قابليني في اي مكان دلوقتي حالا ضروري او خليكي انا هاجي اخذك عشان ايسل متبردش لان الجو برد جدا .... ‏ ‏ساره : انت قلقتني دلوقتي جدا يعني انت عاوزني في موضوع بخصوص ايه ... ‏ ‏محمد : لما اجي هابقى اقول لك .... ‏ ‏لبس محمد ونزل عشان يروح ياخذ ساره وايسل وخدهم قعدهم في مكان هادئ وقال لي ساره انا عاوزه اتكلم معاكي في موضوع ... ‏ ‏سارة : خير يامحمد مش انت قلت لي زمان هو انت ليه اختارت هند و مخترتنيش مع اننا كنا اصحاب احنا التلاته ازاي ما جاش في بالي فعلا مختركيش واخترت هند بس .... ‏ ‏ ساره : انت لسه فاكر الموضوع ده انا كنت باتكلم معاك عادي ما كانش قصدي اي حاجه انت ليه اخذت الموضوع كده وقعدت تفكر فيه ده موضوع اتقفل وخلاص يا محمد .... ‏ ‏ لا الموضوع ده لسه ما تقفلش انا وهند اتطلقنا خلاص يا ساره وعاوز اتجوزك انتي موافقه ولا لا .... ‏ ‏ ساره : ايه ازاي يعني طلقتها امتى وازاي انت ازاي تعمل حاجه زي دي يا محمد مش شايف انك اتسرعت ..... ‏ ‏ محمد : هند بتخوني يا ساره والموضوع ده انا أتاكدت منه خلاص بنفسي وياريت ما تسالنيش اتاكدت ازاي لان انا واثق في الكلام اللي باقولهلك هند فعلا طلعت بتخوني ومش عارف ايه اللي وصلها انها تعمل كده بس خلاص كل اللي بيني وبينها انتهى ومش عاوز افتح موضوع هند تاني خلاص و هاروح اجيب لها ورقه طلاقها من الماذون انا بس دلوقتي بسالك سؤال محدد هتوافقي تتجوزيني يا ساره ونعيش انا وانت وايسل وتخلي بالك منها زي بنتك بالضبط ولا مش موافقه ...... ‏ ‏ ساره الحقيقه انت فاجئتني جدا بالموضوع ده بس انا لو وافقت هند هتقول عليا ايه ولو ماوفقتش هابقى حاسه بتانيب ضمير اتجاه ايسل ... ‏يتبع

Free reading for new users

Scan code to download app

App Store Google Play

Facebookexpand_more