لاقيس

لاقيس البارت السادس والعشرون

لاقيس

البارت السادس والعشرون

بقلم / غادة سعيد

وهما ماشيين في الطريق فجأه العربيه وقفت في مكان ضلمه .. وما كانتش راضيه تدور خالص ..

هند : هنعمل ايه دلوقتي يا دكتور علي هي العربيه مالها ...

دكتور علي : والله ما انا عارف دي حتى العربيه لسه جديده و لسه عامل لها صيانه كامله ايه اللي حصل مش عارف ...

هند : اكيد الكتاب هو السبب احنا لازم ناخذ اي تا**ي ونركن العربيه دي في اي مكان ...

دكتور علي : انا لو سبت العربيه في المكان ده انا ممكن ارجع ما لقيهاش ... انا لسه ما دفعتش اول قسط منها حتى ...

هند : طب انا هاعمل ايه دلوقتي انا روحي متعلقه في الكتاب ده ولازم الاقيه ... خلاص اديني العنوان وانا هاروح اجيبه بنفسي ...

دكتور علي : مش هتعرفي تجيبي الكتاب لوحدك يا هند لازم اكون انا معاكي ...

هند : طيب والعمل دلوقتي انت مش راضي تسيب العربيه ولا تديني العنوان اجيب الكتاب .. هنعمل ايه في المشاكل اللي انا فيها دي ...

دكتور على : خلاص يا هند انا هاسيب العربيه هنا وامرى لله بس لو اتسرقت او حصل لها حاجه هازعل جدا ...

هند : طب ايه رايك تحاول تزقها كده يمكن تدور قعد يحاول دكتور على يزق العربيه لكن مش راضيه تدور ولا تمشي من مكانها .. والمكان ضلمه وما فيش اي عربيات حتى معديه ... دكتور علي قال لها طب احنا حتى لو سيبنا العربيه دي هنا هنركب ايه ده ما فيش اي عربيه خالص ... فجاه وهو بيتكلم عربيه نقل شكلها قديمه ومصديه كانت معديه وقفوها والراجل اللي فيها قال لهم : رايحين على فين في المكان ده ... دكتور علي وصف له المكان اللي رايح عليه .. قال لهم تعالوا اركبوا انا رايح نفس المكان ...

ركبوا معاه في العربيه بس دكتور علي ما كانش متطمن للراجل ده ... كان حاسس ان طريقه كلامه غريبه وهو شكله غريب اصلا ... دكتور علي قاعد يتكلم معاه ويسالوا انت منين كان بيقول كلام مش مفهوم خالص وكان ماشي بسرعه جنونيه ...

قال له : حاول تدوس على الفرامل شويه وتبطئ السرعه احنا كده هنتقلب الراجل بص للدكتور على وهو ماشي و ضحك ضحكه غريبه سنانه ما كانتش موجوده ... قرب رجله من الفرامل دكتور علي عشان يدوس عليها لان الراجل مش راضي يدوس على الفرامل خالص وكده العربيه ممكن تتقلب بهم جاي بيبص على رجل الراجل لقاها رجل حيوان مش رجل انسان ... بص للراجل وقال له : انت مين وبتعمل ايه هنا ... رد عليهم وقال لهم : انا خادم لاقيس وهي اللي باعته لي هنا عشان اساعدكم توصلوا الكتاب اللي انتم بتدوروا عليه ... فجاه الراجل ده اختفي والعربيه كانت ماشيه من غير سواق ... دكتور علي كان هيجراله حاجه من الصدمه وقعد مكانه على الكرسي وبقى هو اللي يسوق وقال لي هند : هو اختفى ازاي انا اول مره اشوف حاجه زي دي ... هند ردت عليه وقالت له : انا ما بقتش اتصدم من الحاجات دي خالص لان انا شوفت اكتر من كده وكنت حاسه انه تبعهم من اول ما ركبنا معاه العربيه انا باعرف هم من بعيد كده بس ما رضيتش اقول لك عشان ما خوفكش ...

دكتور علي : انتي حنينه قوي وما رضيتيش تقولي لي عشان متخوفنيش وسبتيني ادوس على الفرامل مكانه واشوف منظر رجله انا مش بس خائف يا هند انا هاموت من الرعب ... فجاه تليفون هند رن محمد كان بيتصل بيها ما رضيتش ترد عليه وكنسلت عشان مش عارفه لو ردت عليها هتقول له ايه لانها من الصبح بره وسايبه ايسل وساره في البيت لوحدهم ... قفل محمد التليفون وهو هيتجنن هي راحت فين كان مروح البيت و ايسل وساره لوحدهم .. وقعد يسال ساره هي ما قالتلكيش هي رايحه فين ... ساره ردت عليه وقالت له : والله ما اعرف حاجه انا سمعتها بتكلم احد وتتفق معاه انها هتقا**ه .. قعدت اسالها انتي بتكلمي مين وهتقابلي مين قالت لي : ملكيش دعوه وما رضيتش تقول لي ابدا ..

محمد : يعني ايه كانت بتكلم حد يعني كانت بتكلم واحد ولا واحده فهميني كده ...

ساره : بصراحه يا محمد هي كانت بتكلم واحد وانا واجهتها بالكلام وقلت لها انت بتكلمي واحد على محمد قالت لي ملكيش دعوه وانا مش هارد عليكي وانا عمري ما هاكلم واحد على محمد وما رضيتش تقول لي هي بتكلم مين بالضبط .. انا ما كنتش هاقول لك عشان متضايقش نفسك بس انت لازم تعرف كل حاجه انا ما اعرفش هند ايه اللي حصل لها ...

محمد : يعني هي عامله كل ده عشان بتكلم واحد وبتروح تقا**ه طب ما كانت تطلب الطلاق بهدوء بدل ما تعمل فضايح هانزل دلوقتي وادور عليها بس هاروح فين ولا ادور عليها فين ...

ساره : طيب ما تعمل لها تتبع على تليفونها ...

محمد : يعني ايه اعمل لها تتبع انا مش فاهم ...

ساره : اول ما تيجي تنزل برنامج كده على تليفونها بيعرفك هي فين بالضبط وتعرف طريقها وتروح تشوفها بتعمل ايه و بتقابل مين ...

محمد : والله فكره برده يا ساره انا هاعمل كده فعلا عشان اعرف هي بتقابل مين وبتروح فين يعني هي سايباكي من الصبح كده مع البنت لوحدك معلش يا ساره احنا تعبينك معانا بمشاكلنا .. انت بجد ما فيش زيك هي ما عندهاش اي تحمل المسؤوليه سايبه بنتها ونازلة تلف ما اعرفش بتروح فين وبتيجي منين انا لازم اقول لاهلها كل اللي هي بتعمله ده عشان انا زهقت من كثر الكلام معاها في الموضوع ده .. هتفضل عامله لي نفسها مجنونه لحد امتى انا خلاص جبت اخري و احنا لازم نقرر لو هنسيب بعض ...

ساره : ازاي بس يا محمد اللي انت بتقوله ده انت ما بينكم بنت لازم تتربى وسط باباها ومامتها ...

محمد : بس باسلوب هند ده مش هتتربى وسطينا تربيه سويه لازم اخذ منها البنت كمان ...

ساره : وانت هتاخد البنت انت وتربيها وهي تعمل اللي هي عايزاه لا طبعا سيبلها البنت وانت عيش حياتك و اتجوز وهي بقى مش هتعرف تعيش حياتها بالبنت وما فيش حد هيرضى يتجوزها ببنتها ..

محمد : تصدقي عندك حق فعلا يا يا ساره لما تجي لي بس واشوفها كانت فين ... انا هدخل دلوقت هغير هدومي وامشي لاني ما يصحش اقعد معاكي في شقه واحده وهند مش موجوده ...

ساره : لا طبعا خليكي انا اللي هامشي انت شكلك جاي تعبان هانزل اتمشى انا وايسل شويه ... ساره اخذت ايسل ونزلت تمشي بها شويه .. ومحمد كان قاعد يفكر في كلام ساره والتفكير كان هيموته وخلاص هو كده اتاكد ان هند بتكلم واحد غيره وعامله موضوع الحاجات اللي بتظهر لها والاصوات اللي بتسمعها دي حجه انها بتعمل فيها كده وهي اصلا ما فيهاش اي حاجه ... قعد يحاول يتصل بها لكن هي مش بترد ... هند كانت مع دكتور علي في العربيه الغريبه دي لحد ما وصلوا المكان اللي فيه الكتاب كان مكان بعيد عباره عن مخزن بتاع دكتور علي ... حاطط فيه كتب وحاجات كلها تخص الموضوع ده ...

هند : ايه المكان الغريب ده و حاطت فيه الحاجات دي كمان ده اي حد يدخل المكان ده يتحرق لوحده ...

محمد : والله نفسي اجي في يوم الاقيهم هادين المكان بالحاجات اللي فيه دي .. بس انا خايف احرقها يحصل لي انا حاجه ...

انا بقى لي كتير جدا ما جتش هنا لاني بطلت المواضيع دي من زمان بسبب الكتاب اللي انتي عاوزاه ده .. قريت منه صفحه وكان هيجرالي حاجه ... انا مش عارف ازاى انتي هتعملي اللي جواه .

هند : والله ولا انا اعرف هاعمل اللي جواه ازاي ... ربنا يستر بقى واقدر انفذ اللي جواه ... فين الكتاب يادكتور علي ادهوني يلا عشان نمشي ...

دكتور علي دخل جوه و جا**ها الكتاب وقالها : هو ده يا ستي الكتاب اللي انتي بتدوري عليه ... مسكته قرات الاسم لقيته هو فعلا اللي لاقيس قالتلها عليه ... مسكت الكتاب وقالت لدكتور على هي قالت لي افتح صفحه 75 وانا انفذ اللي فيها ... دكتور علي قال لها : طب يلا نروح دلوقتي وابقى افتحي الصفحه دي مع نفسك عشان انا بتشائم من الكتاب ده ...

هند : كده يا دكتور علي مش هتساعدني يعني اني افتح الصفحه خلاص انا هافتح ها دلوقت حالا .. مسكت الكتاب وقعدت تقلب في الصفحات وجاءت عند صفحه 75 وقفت وقالت له هي دي الصفحه يا دكتور على .. بدا تقرا في الصفحه كان فيها كلام مش مفهوم قالت يا دكتور علي انا مش فاهمه اي حاجه يعني معناها ايه الصفحه .. دي مكتوب اني امسك مرايه واعمل حاجه انا مش فاهمه معناها

و ايه الكلام ده ممكن تفهمني معناه انا هعمل كل حاجه ...

دكتور علي : انا قلت لك انا ما ليش علاقه بالموضوع ده خالص انتي بتدخليني في مواضيع انا مش قدها بس انا خلاص هترجم لك الكلام ده لاني بفهم اللهجات اللي في الكتاب ... مطلوب منك انك تروحي سلم عالي ويكون ضلمه خالص وتمسكي مرايا وتنزليه بالع** وتمسكي شمعه و تقعدي تكرري جملة واحده و هي ( ماري الد**ية انا قتلت اطفالك ) هتظهرلك في المرايا و هتقولك رساله توصليها لشخص معين بس هو ده الي مكتوب فالصفحه دي ... يعني مهمتك واضحه اهي ...

هند : ايه الخرافات دي و بعدين مين ماري الد**ية دي .

دكتور علي : اسكتي اوعي بتتكلمي عليها بالطريقه دي ثاني عشان انت ما تعرفيش هي خطيره قد ايه و أذت ناس قد ايه .. في ناس كثير جدا ماتو بسببها فياريت ما تجيبش سيرتها خالص انا قلت لك اللي مطلوب منك و عملت اللي عليا ... يلا بينا عشان نروح وسيبي الكتاب هنا ما لوش لازمه انك تاخديه معاكي بلاش تحطيه في بيتك عشان الكتاب ده خطير جدا ... هند مسكت الكتاب وقطعت منه الصفحه وقالت له انا هاخذ الصفحه دي معايا احسن انسى اي حاجه ...

دكتور علي : انت مجنونه ازاي تقطعي اي صفحه من صفحات الكتاب انت كده هتجيبي لنا الاذى لحد عندنا هند : الاذى موجود يا دكتور من غير ما يجي اللي انا فيه ده كله ... هاعمل ايه يعني انا اكيد هنسى لازم اخذ الصفحه عشان اقرا التعويذه كويس ... اخذت هند الصفحه وراحت هي ودكتور على ركبه العربيه الخرده اللي بره .. دكتور علي كان ماشي بسرعه وكان خايف على عربيته جدا انه ما يلاقيهاش .. وصلوا على المكان اللي ساب فيه العربيه و كانت موجوده وقعد يقول ل هند : مش عارف هعمل ايه دلوقتي لو العربيه مدارتش ايه الي ممكن اعمله في مكان مقطوع زي ده ...

هند : بسيطه هنروح بالعربيه دي مفيش مشكله ...

دكتور علي : لا طبعا ماينفعش اصلا هي في العربيه ...

فجأه هند بتبص وراها لقت العربيه اختفت كانت مذهوله و قالتله طيب يلا نحاول و نشوف العربيه هتدور ولا لا ... ركبوا العربيه و دارت فعلا و كأنها مكانتش عطلانه خالص قعد يض*ب كف علي كف وقال لهند : طيب هما استفادوا ايه لما خلونا رحنا بالعربيه دي مش بتاعتي ليه خلوني قلقان علي عربيتي و عطلوها ...

هند : اكيد مكانوش عاوزينك تغرم حق البنزين اصل المشوار كبير اوي بصراحه ...

دكتور علي : حتي فالظروف الي انتي فيها دي بتهزري يا هند والله انتي شكلك دمك خفيف بس الظروف الزفت الي انتي فيها هي الي حطيتك فالموقف ده ...

هند : عارف يا دكتور الي واجع قلبي اكتر من الظروف الي انا فيها محمد جوزي الي مش مصدقني في ولا كلمه ووصلت بيه الجرأه انه يتهمني اني بعمل كده عشان عاوزه اتطلق منه و احنا كنا عايشين اسعد ايام حياتنا هعمل كده ليه يعني ...

دكتور علي : هتعملي ايه لما تروحي عالبيت و هتقوليله كنت فين .. الوقت اتأخر اوي ده ممكن يعمل فيكي حاجه ...

هند : والله مانا عارفه زي ما تيجي تيجي بقي ...

دكتور علي وصل هند لحد البيت و اول ما دخلت البيت

يتبع