لاقيس

لاقيس البارت الرابع و ثلاثون

لاقيس

البارت الرابع و ثلاثون

بقلم : غادة سعيد

اول ما دخل من باب الاوضه لقي هند نايمه و قعد يصحيها مكنتش بتصحي خالص و مامتها كانت عالتليفون و خايف يعمل اي حاجه مامتها تقلق راح مسك التليفون شال منه البطارية كأنه فصل شحن عشان مامتها متسمعش اي صوت و هو بيتكلم

قعد يصحيها ويقولها : هند اصحي يا هند فوقي انتي لحقتي تنامي دانتي مكملتيش خمس دقايق بس ...

هند مكنتش بترد و ابتدي محمد يخاف و يقلق من عدم رد هند عليه ... ابتدي ينادي على الدكاتره و يقول لهم : مراتي مش بترد عليا عاوز دكتور بسرعه .. حد يجي هنا .. كلهم طلعوا يجروا على الاوضه وابتدوا يقيسولها النبض ما لقوش فى نبض لدرجه انهم افتكروها ماتت .. قعدوا يعملوا لها صعقات كهربائيه ثاني برده ما فيش اي استجابه .. بدأت تفتح عينيها وتقول لهم : انا فين هو في ايه ... الدكتور بدء يقيس النبض وهي مفتحه عينيها لكن برده ما كانش فيه نبض اتخض الدكتور وبص ل الدكتور الثاني اللي معاه وقاله : ما فيش نبض خالص هي بتتكلم ازاي !! الدكتور بص له قال له : انت شكلك مش عارف تقيسه كويس سيبني انا اقيس .. حط ايده علي ايديها وقاس النبض بالجهاز لقي برده ما فيش نبض .. وقال له : شكل الجهاز باظ ولا ايه المهم ان حضرتك كويسه عامله ايه دلوقت .. هو ايه اللي حصل ... هند بدات تتكلم وتقول انها بدات تغيب عن الوعي وانها كانت قاعده على السرير ما حستش بنفسها وجئت فتحت دلوقت لقيتكم حواليا فاتخضيت شويه .. بدأ الدكتور يقيس النبض من جهاز تاني ولقاه شغال راح قال للدكتور الثاني شكل الجهاز ده باظ خلاص ارميه.. قال له طب استنى كده لما نجرب منه ثاني جربوا منه وبالفعل النبض كان شغال يعني العيب مش من الجهاز وساعتها وقفوا الدكاتره يتوشوشوا ويتكلموا ومش عارفين اللي حصل ده ايه هو تفسيره بالضبط محمد : مالك يا هند ايه اللي جرالك كل شويه يغمى عليكي ليه مامتك كانت على التليفون وقفلت السكه بسرعه عشان ما تقلقش لان انا لما شفت منظرك اتخضيت جدا عليكي ... ايه اللي جرى لك بس يا هند ومخليكي يحصل لك كل ده ...

هند : والله ما انا عارفه يا محمد انا ببقى قاعده كده وفجاه بلاقي نفسي اغمى علي ومش بحس اصلا ايه اللي حصل لي ... المهم افتح التليفون بسرعه و طمن ماما عشان هي اكيد قلقت عشان قفلت تليفونك كده مسك محمد تليفونه وفتحوا لقي رساله جياله ان فيه حد حاول يتصل بيه كتير جدا فا قال انها اكيد مامت هند ..

محمد : مامتك شكلها اتصلت كثير قوي يا هند شكلها قلقانه وانا كمان ما قلتلهاش على اسم المستشفى انا هاتصل بها بسرعه .. اتصل محمد بيه مامت هند ..

الو .. مامت هند : ايه يا محمد كل ده التاخير ده كله تليفونك ايه اللي حصل له ... انا اتخضيت جدا هي بنتي جرالها ايه قل لي يا محمد البنت جرالها ايه ..

محمد :ما فيهاش اي حاجه زي الفل وخذي هي معاكي اخذت هند التليفون وكلمت مامتها ..

هند : ايوه يا ماما متقلقيش اطمني انا كويسه والله دي شويه دوخه بس والدكتور قال التحاليل كويسه وما فيش اي حاجه ..

مامت هند : يعني ما جيش المستشفى انا قلقانه عليك قوي وعلى ايسل هي ايسل فين وعامله ايه ومين اللي قاعد بها ...

هند : ما تقلقيش يا ماما محمد شايلها اهو وانا كويسه هاخلص بس واخذ العلاج وهامشي على طول وهاكلمك لما اروح البيت اطمئني وطمني بابا .. قفلت هند مع مامتها وقالت لمحمد كويس انك اتصرفت التصرف ده عشان ماما لو عرفت اني كان مغمى علي ما كنتش هتقدر تستحمل وانت عارف انها تعبانه يا محمد ... محمد : ايوه ما عشان كده انا قلت لك اني قفلت التليفون اول ما لقيتك مش بتردي على .. الحمد لله انه جاء في دماغي انا اتصرف كده عشان عارف ان مامتك تعبانه ومش هتقدر تستحمل فعلا اي حاجه عليكي ... فجاه الباب خبط والدكتور دخل : سلام عليكم يا جماعه ..

محمد : خير يا دكتور طمني ..

الدكتور : والله التحاليل كلها كويسه ما فيهاش اي حاجه ما تقلقش بس الي انا شاكك فيه طلع صح مراتك حامل في الشهر الثالث و انت كل ده مش حاسس انها حامل وان الدوخه اللي بتقولها دي بسبب الحمل وعادي جدا في حالات نادره بتحمل اثناء وجود الدوره الشهريه دي حاجه ما تخافش منها يعني ..

هند : انت بتقول ايه يا دكتور وحامل ازاي انا ما كنتش مخططه للحمل ده خالص بس الحمد لله على كل شيء كويس انك نبهتني عشان انا عندي اجهاد فظيع بقالي فتره ومش ب اريح نفسي خالص في شغل البيت الحمد لله على كل شيء يا دكتور جايز الحمل ده يعوضني عن الفتره الصعبه اللي عشتها الفتره اللي فاتت ..

الدكتور : طب يلا يا هند تعالى على السرير ده عشان نعمل سونار على الحمل ونشوف ايه وضع الحمل معاكي ...

طلعت هند على السرير والدكتور عامل لها سونار على بطنها وقال لها ان الحمل مستقر نوعا ما بس لازم ترتاح برده شويه وما تجهدش نفسها وتحاول ترتاح الفتره دي وتجيب حد يقعد معها او جوزها يخدمها لان الحمل ضعيف شويه بس طمئنها وكتب لها شويه ادويه ولو حصل لها حاله الاغماء دي عرف جوزها ازاي يعمل لها الاسعافات الاوليه وقال له اوعي تغيب عنك لحظه عشان ممكن لما الحاله دي تجيلها وانت مش موجود يجرالها اي حاجه ... محمد كان خايف جدا من كلام الدكتور الي قاله علي هند وبقي يقول طيب انا هاعمل ايه دلوقت في الشغل انا كده مش هاقدر اروح الشغل خالص ..

هند : لا طبعا لازم تروح ازاي يعني امال هنصرف منين انا هاكلم ماما خليها تيجي تقعد معي هي وبابا لان بابا حرام ما بيقدرش يقعد لوحده في البيت ولا اروح لهم انا ..

محمد : لا خليهم هم اللي يجوا عشان انا مش هتطمن عليكي وانت قاعده هناك لوحدك لازم اكون معك عشان لو حصل اي حاجه ليكي الحق اجري بيكي علي تحت انت شكلك تعبانه جدا والحمل ده جاي عليك باجهاد شديد .. ان شاء الله السته شهور دول يعدوا على خير وربنا يرزقنا باجمل ولد او بنت لسه مش عارفين بقى هنجيب ايه وكل اللي يجيبه ربنا كويس ... انت عارفه انا استغربت في الاول لكن فرحت جدا والله عشان كان نفسي نجيب لايسل اخ او اخت يملوا علينا الدنيا والحمد لله على كده ربنا تقريبا كان حاسس بي و حققلي الي انا عاوزه الف مب**ك يا حبيبتي ... و راح محمد حضن هند و هما الاتنين مبسوطين جدا انهم ربنا رزقهم ب حمل مكنوش مخططينله خالص و جه بالصدفه كده .. الدكتور كتبلهم علي خروج و روحوا علي البيت فتحوا باب الشقه واول ما دخلوا هند قعدت ترجع جامد و محمد قعد يقولها احنا ابتدينا ولا ايه لسه مكملناش ساعتين في المستشفي جاية ترجعي دلوقتي .. دخلت هند الحمام و قعدت ترجع جامد و هي بترجع لقت حاجه سوده خرجت من بوقها و قعدت تنادي علي محمد عشان يجي يشوفها لكن الحاجه الي خرجت من معدتها بمجرد ما نزلت الحمام اختفت علي طول و مبقتش موجوده خالص .. هند كانت مستغربة جدا و مش عارفه دا ممكن يكون ايه بالظبط و قالت انه جايز يكون بيتهيألها من التعب والإجهاد ...

خرجت هند بره ودخلت على اوضتها عشان ترتاح شويه ونامت لانها كانت تعبانه جدا و قالت لمحمد يخلي باله من ايسل لحد لما تنام شويه اول ما نامت حلمت ان في طفل صغير عمال يعيط جامد وهي كانت بتدور عليه ومش لاقياه خالص قعدت تدور عليه في كل مكان و ماشيه على الصوت بتاعه لحد ما لقت اوضه صغيره جاي منها الصوت قربت منها وفتحتها لقت طفل صغير مديها ظهره وعمال يعيط .. قربت عليه و قعدت تطبطب عليه و تقوله مالك انت بتعيط ليه ... طيب فين مامتك و سايباك هنا لوحدك كده ازاي يا حبيبي ... الطفل بدأ يلف وشه و هند كانت باصه عليه و اول ما بصلها راحت مصوته ... كان شكله طفل مش*ه اسنانه حاده ووشه مش باين منه اي ملامح كان شكله مرعب و قعدت تقوله : انت مين و جاي تعمل ايه هنا ... رد عليها و قالها ..

يتبع