لاقيس

لاقيس البارت الثالث و ثلاثون

لاقيس

البارت الثالث و ثلاثون

بقلم / غادة سعيد

هند عاشت حياه مستقره فتره كبيره لحد ما في يوم كانت واقفه بتعمل الاكل وفجاه لقيت نفسها وقعت واغمى عليها من الواقعه ..... ايسل قعدت تعيط لما دخلت وشافت مامتها مرميه على الارض .. محمد دخل على صوت عياط ايسل لقى هند مرميه على الارض وعمال يفوق فيها مش بترد خالص ... اتصل بسرعه بالاسعاف وقال لهم : عاوزين اسعاف دلوقت حالا مجهزه مراتي مرميه على الارض ومش عارف فيها ايه . قعد يهدي في ايسل وهي بتعيط وهو كان بيحضن ايسل و يعيط ويقول لى هند : فوقي يا هند فوقي ايه اللي جرالك ما انتي كنتي واقفه كويسه ... جاءت الاسعاف ما كنش فيها اي نفس .. بداوا يعملوا لها صدمات كهربائيه في العربيه لحد ما نفسها رجع ... محمد وايسل كانوا راكبين معاها في العربيه من ورا ... محمد كان شايف هند بتتنفس بصعوبه جدا وهم مركبين لها جهاز التنفس ومش عارفه تتكلم خالص ولا عارفه هي فيها ايه .. كانت بتشاور له بس على ص*رها انه طابق عليها ومش قادره تاخذ نفسها خالص وهو كان ماسك ايديها وبيقول لها : ما تخافيش احنا رايحين المستشفى دلوقتي .. وشايل ايسل بالايد الثانيه ... وصلوا على المستشفى ودخلوها بسرعه على اوضه الانعاش عشان يعملوا لها صدمات كهربائيه ويدخلها نفس وا**جين ... كل الدكاتره ما كانوش عارفين هي عندها ايه ولا ايه اللي حصل لها ده ... لكن بعد ساعه ابتدت تفوق وكأن ما فيش اي حاجه .. دخل الدكتور عشان يكشف عليها ويعمل لها تحاليل كامله عشان يتاكد فيه ايه .. لكن ما لقاش عندها اي حاجه ولا يعرف اللي حصل لها ده كان ايه سببه .. قال الدكتور لمحمد : عشان بس نبقى كشفنا على كل حاجه انا طالب منك انك تعمل لها تحليل حمل ..

رد محمد وقال له : حمل ايه بس احنا مأجلين الحمل دلوقتي خالص لان ايسل لسه صغيره ...

رد الدكتور عليه وقال له : عشان نتاكد بس عادي في حالات نادره بتحصل وحتى لو بتاخذ اي وسائل منع الحمل ممكن يحصل حمل بسهوله جدا ما فيش حاجه بعيده عن ربنا ... محمد قال له : ماشي اللي تشوفه يا دكتور اعمل لها تحليل حمل وانا معك بس هي اكيد مش حامل لان كانت لسه عندها الدوره الشهريه اللي بتجيلها كل شهر و اظن ما فيش حمل هيحصل وهي عندها ... الدكتور رد عليه قال له : وانا قلت لك ان بيبقى في حالات نادره بيحصل فيها حمل اثناء وجود الدوره الشهريه .. احنا بس بنعمل روتين كده عشان نتاكد وما يكونش اللي حصل لها ده بسبب الحمل ... سحب الدكتور منها العينه بتاعه الدم عشان يعمل لها تحليل الحمل وقال له : استناني هنا ساعه اروح اوديها المعمل و لما النتيجه تطلع هاجي اقول لك ...

محمد : والله يا دكتور اللي انت بتعمله ده كله ما لوش اي لازمه لان انا متاكد انها مش حامل ازاي يعني واحده يجي لها الحمل اثناء وجود الدوره الشهريه انا اول مره اسمع الكلام ده بصراحه ...

الدكتور قال له : اهو روتين بنعمله عشان نتاكد بس .. دخل محمد عشان يقعد مع هند اللي فاقت وبقت كويسه ...

محمد : مالك بس يا هند ايه اللي حصل لك وقعتي فجاه كده ...

هند : والله يا محمد كنت واقفه وزي الفل باعمل الاكل وكويسه فجاه ما حستش بنفسي غير وانا في الاسعاف ومش قادره اخذ نفسي هو ايه اللي حصل ...

محمد : ابدا وقعتي من طولك فجاه ومش عارف ايه اللي عمل فيكي كده انتي شكلك ما بتاكليش كويس اليومين دول ومحتاجه فيتامينات ومقويات ..

هند : انا مش باكل كويس ده انا ناقص اكل ايسل واكلك انت كمان .. انا الفتره دي باكل بكميه اكل ماهوله انت مش شايف انا تخنت ازاي .. مقويات ايه اللي انت بتقولها .. اكيد السبب مش الاكل اكيد في حاجه ثانيه طب الدكتور قال لك ايه والتحاليل طلعت عامله ايه محمد : التحاليل كلها كويسه يا هند ما فيهاش اي حاجه .. بس هو **م انه يعمل لك تحليل حمل مش عارف ليه وانا اكدت له انك مش حامل لكن هو **م هند : انا متاكده اني مش حامل حامل ازاي يعني لا حلم ناخذ وسائل قد كده لمنع الحمل ....

كريم : والله قلت له الكلام ده كله هو عاوز يتاكد عشان يبقى مطمئن لأنه اكيد عاوز يد*كي ادويه وكده و لازم يعمل الروتين ده عشان لو طلعتي حامل بتبقى الادويه دي م***عه هو ده قصدي يعني ... المهم دلوقتي تقومي بالسلامه وتبقي كويسه .. شايفه ايسل مخضوضه عليكي ازاي انتي وقعتي والبنت قعدت يا حبيبتي تعيط قد كده .. الف سلامه عليكي يا هند وربنا يقومك بالسلامه .. احنا من غيرك ولا حاجه ..

هند : وانا كمان من غيركم ولا حاجه يا حبيبي مش كفايه الايام الصعبه اللي فاتت اللي كنت عايشه فيها هو انا اطلع من حاجه ادخل في حاجه ثانيه على طول ما بستريحش ابدا ..

محمد : قولي الحمد لله احنا احسن من غيرنا بكثير هند : الحمد لله طبعا على اي حاجه تحصل بس انا قلقانه جدا على ايسل وخايفه يجرالي اي حاجه هتعمل ايه لوحدك معاها ..

محمد : ايه اللي انتي بتقوليه ده يا هند ده يادوبك شويه دوخه اللي حصلت لك ما حصلش حاجه جامده يعني .. بطلي الكلام اللي انتي بتقوليه ده عشان بيضايقني وان شاء الله هتبقى حاجه خفيفه مش جامده يعني .. الدكتور دلوقت هيجي يطمئنا ويقول لنا ان ما فيش اي حاجه .. عدي ساعه والدكتور ما جاش لكن محمد طلع عمال يسال على الدكتور قالوا له انه لسه في معمل التحاليل ولما يخلص هيبقى يجي .. راح هو يدور على الدكتور عشان كان قلقان احسن التحاليل يطلع فيها حاجه وحشه ولا حاجه لا قدر الله وصل عند باب معمل التحاليل و سال على الدكتور ندوهوله الدكتور قال له : خير يا دكتور حضرتك اتاخرت قوي هو في حاجه ولا ايه رد عليه الدكتور وقال له : ايوه يا استاذ محمد انا بس بتاكد من حاجه عشان شكل التحاليل فيها غلطه هتاكد وهاقول لك ..

محمد : طمني يا دكتور هي كويسه طيب .. رد عليه الدكتور وقال له : ما تقلقش التحاليل ما فيهاش حاجه وحشه ده بس اجراء كده بنعمله هاخلص وارجع لك ثاني .. طلع محمد من الاوضه بتاعه التحاليل وفضل واقف مستني بره وهو قلقان على هند فجاه تليفونه رن مامه هند بتتصل بيه رد عليها ..

محمد : الو ازيك يا طنط عامله ايه ..

مامت هند : ازيك يا محمد عامل ايه انا باتصل ب هند مش بترد من بدري هي فيها حاجه ولا ايه انا قلقت عليها جدا ...

محمد : لا ما تقلقيش هي داخت بس واخذتها على المستشفى عشان اشوفها ما لها ...

مامت هند : ازاي تاخدها على المستشفى وما تكلمنيش تقول لي انتم في مستشفي ايه .. انا جاي لها دلوقتي حالا ...

محمد : ما لوش لزوم يا طنط هي الحمد لله بقت احسن ما لوش لزوم انك تيجى تشوفيها احنا شويه وخارجين الدكتور بس بيجيب نتيجه التحاليل وهنخرج على طول ..

مامت هند : تحاليل كمان ! دي شكلها تعبانه قوي بقي طمني عليها متسبنيش قلقانه كده .. بنتي فيها ايه يا محمد ..

محمد : انا قولتلك متقلقيش والله خليكي معايا هد*كي تكلميها وتطمني عليها بنفسك كمان خليكي معايا عالتليفون ...

مامت هند : طيب و ايسل فين مجبتهاش عندي ليه انت رحت بيها المستشفي ...

محمد : ايوة ايسل معايا اهي متقلقيش خالص ...

راح محمد علي الاوضه بتاعه هند عشان يخليها تكلم مامتها و اول ما دخل من بابا الاوضه لقي هند ...

يتبع ..