لاقيس البارت الثالث

1011 Words

= ماشي عندك حق انا هطلع دلوقتي اقول لماما .. طلعت بره عشان اقول لماما اني هانزل اتمشي شويه اشم هوا لقيتها قاعده هي وبابا بيلعبوا مع ايسل _ معلش يا ماما انا هانزل ساعه كده ولا ساعتين مع ساره هتمشي شويه عشان زهقانه خلي بالك من ايسل وانا مش هتاخر ... =زهقانه من ايه هند مش انا قلت لك لو في اي حاجه قولي لي ... _ ابدا والله بقى لي كتير ما نزلتش انا وساره قلت اما انزل عشان اشم شوية هوا .... هيبقى تغيير جو بالنسبه لي = ماشي يا حبيبتي انزلي وما تقلقيش خالص على ايسل احنا قاعدين نلعب احنا مع بعض .... _ ماشي يا ماما شكرا يا حبيبتي وربنا يخليكي ليا .... نزلت هند هي و سارة تحت قعدوا يتمشوا و راحوا يقعدوا علي كافيه يتكلموا شويه ..... سارة : احكيلي بقي بالتفصيل يا هند الموضوع من اول اللي حصل لك ايه اللي حصل بالظبط .... هند : الموضوع بدا من حوالي شهر ونص صحيت من النوم لقيت نفسي مخنوقه ومش طايقه ابص في وش جوزي ولا اهله حسيت بخنقه فظيعه قلت له انا عاوزه اطلق قالي ليه ايه اللي حصل انا عملت حاجه تزعلك ما بقتش عارفه اقول له ايه لان ما فيش حاجه واهله كانوا مستغربين اخر ما غلب معايا راح اخدلي شقه بعيد عن اهله ..... المشكله دلوقت ان انا بحلم بكوابيس غريبه وكل شوية تظهرلي ست شكلها غريب اوي وببقي خايفه منها ومش عارفه ابص في وشها خالص وبتكلمني وبكلمها وبتهددني ..... سارة : يالهوي يا هند بتهددك ازاي يعني .... هند : بتقولي اني هموت كده كده .... بيبقي شكلها وحش اوي يا سارة انا متأكده انه مش مجرد حلم و خلاص لا الست دي عاوزه توصلي رساله غير مباشرة بتقولي كلام غريب و شكلها وحش اوي انا مهما اوصفلك مش هتصدقي والله الي بشوفه ده كله سارة : دي اكيد خرافات .... بسبب الحاله النفسية الي انتي فيها دي ..... انتي بتصلي يا هند ... هند : اه طبعا يا سارة مانتي عارفه اني مش بسيب فرض بس بدأت اقطع فالصلاه من ساعه الموضوع ده و انا حاسه اني مش طبيعية خالص .... ساره : خلاص يا هند تعالي نروح انا وانتي على الشيخ بتاع الجامع اللي جنب البيت ده وتحكيله وتشوفيه هيقول لك ايه ... صلاه العصر هتبدا دلوقتي اول ما يخلص ندخل و نطلب انا نقا**ه ... هند : يعني ده رايك طيب ماشي لما نشوف خلينا قاعدين لحد ما صلاه العصر تخلص وبعد كده نروح نقا**ه ... خلصت صلاه العصر و راحوا على الجامع لقوا واحد هناك وقفوا يكلموه قالوا له يدخل يكلم لهم الشيخ ويقوله ان في اتنين عاوزين يقابلوه بره في موضوع ضروري ... وافق الشيخ وممانعش خالص ودخلوا له على الجامع ... الشيخ : اتفضلوا خير يا بنتي انتي وهي في حاجه ساره : احنا جايين بخصوص صاحبتي هند بقى لها شهر ونص في حاجات كتير بتحصل لها مش طبيعيه احنا جايين نسال حضرتك ممكن يكون معمول لها حاجه ولا ايه الشيخ : ا تفضلي يا بنتي قولي ايه اللي بيحصل لك بالظبط ومن امتى ... هند : الموضوع بدأ من شهر ونص صحيت من النوم لقيت نفسي مخنوقه و حاسه ان في حاجه غريبه ما بقتش طايقه البيت ولا جوزي كل ما اشوفه قدامي اتعصب واحس اني مش عايزه اشوف وشه حتى بنتي بقيت اتعامل معاها بالعافيه بس باحاول اتقبلها بيحصل لي كل يوم كوابيس وبشوف واحده شكلها غريب وبتكلمني و باكلمها وعاوزه توصل لي رساله وتقول لي ان انا كده كده هاموت و انها مش هتسبني غير لما تدمر حياتي ... الشيخ : طب وبالنسبه للصلاه ايه الاخبار معاكي ... ملتزمه كويس ولا لا هند : والله يا عم الشيخ انا ما كنتش بسيب فرض بس من ساعه اللي حصل ده بقيت بقطع في الصلاه ما بقتش ملتزمه زي الاول خالص ... الشيخ : اكيد هو ده اللي عامل فيكي كده انك بعدتي عن ربنا فجاه قربي من ربنا وهتبقى كويسه ومش هيحصل لك كده ابدا وسوره البقره دي ما تقطعش من البيت خالص ... هند : بس انا حاسه ان في حد عمل لي حاجه حاسه ان فيا حاجه غريبه مخنوقه على طول ومش طايقه حد الشيخ : طب انتي عندك عداوه مع حد مثلا في حد بيكرهك او عاوز يأذيكي هند : ابدا والله يا شيخ ده حتى اهل جوزي بيحبوني جدا وعمري ما شوفت منهم حاجه وحشه مين اللي هيأذيني انا كنت ساكنه في بيت عيله وجوزي واهله ناس كويسين جدا عمرهم ماذوني ولا حسيت من ناحيتهم انهم بيكرهوني ... الشيخ : طيب يا بنتي اكيد اللي انتي فيه ده حسد عليكي بسوره البقره ما تقطعهاش من البيت وخليكي محافظه على الصلاه والاذكار وان شاء الله هتجي لي كمان اسبوع وانتي كويسه وما فيش كوابيس ولا اي حاجه من الحاجات دي بتحصل .. هند : انا متاكده ان في حاجه فيا انا مش طبيعيه خالص يا سيدنا الشيخ الشيخ : خلاص اعملي اللي انا قلت لك عليه يا بنتي وان شاء الله اشوفك كمان اسبوع و تقولي لي ايه اللي حصل ... ساره اخذت هند وطلعوا بره يتمشوا شويه ويتكلموا .... سارة : ايه يا هند حاسه ب ايه دلوقتي ... هند : حاسه اني لسه مش مرتاحه خالص يا سارة هعمل الي قالي عليه وهبقي اشوف ايه الي هيحصل بعد كده . معلش يا سارة انا هروح عشان تعبانة اوي و اكيد ايسل زمانها بتسأل عليا ... سارة : ماشي يا حبيبتي ابقي طمنيني عليكي و لو احتاجتي اي حاجه ابقي كلميني علي طول ... روحت هند عالبيت بتاع مامتها و لما دخلت لقيتهم بيلاعبوا ايسل استأذنت منهم عشان تدخل تنام عشان تعبانه اوي بقالها كام يوم مش بتنام ... دخلت الاوضه غيرت هدومها كان يادوب لسه الليل داخل فتحت الشباك تبص منه شوية وتشم هوا ... بتبص لقت حد واقف بعيد اوي ملامحه مش باينه عمال يشاورلها قعدت تبص حواليها مفيش ناس غيرها ولا حتي حد فالشارع وهي متأكده ان الحد ده بيشاورلها .... قعدت متابعه لقيت الشخص ده عمال يقرب بس برضوا ملامحه مش باينه خالص .. بتبص علي رجله لقيته ماشي عالهوا ايوة هي متأكده انه ماشي من غير رجل اتخضت و قفلت الشباك بسرعه و قالت اعوذ بالله من الشيطان الرجيم ... شغلت تليفونها علي سورة البقرة و حطيته جنبها عشان تعرف تنام قامت الاول تغير هدومها و لسه بتفتح الدولاب لقت ....

Free reading for new users

Scan code to download app

App Store Google Play

Facebookexpand_more