لاقيس البارت الثاني

1035 Words

سمعت صوت ماما بتنادي عليا من برا بتقولي يلا يا هند الاكل جهز يلا علشان ما يبردتش وقفلت معاها وخرجت علشان اتغدا مع ماما وبابا _ تسلم ايدك يا ماما الاكل جميل اوي بقالي كتير حاسه اني مش باكل خالص _ فعلا باين عليكي يا حبيبتي انتي وشك بقي دبلان خالص ومبقتيش هند بتاعت زمان ال كانت الضحكه مكنتش بتفارقها وكنتي بملي البيت هزار وضحك وفرفشه مالك بس يا هند متغيره من فتره مش هند ال نعرفها = مفيش يا ماما بس إرهاق من السهر مع أيسل واجهاد من شغل البيت مش أكتر وجيت علشان اريح عندك يومين يا حبيبتي _ يا رب يا هند يكون هو ده السبب فعلا ومش حاجه انتي مخبياها علينا = يلا يا ماما بقي هدخل انام دلوقتي علشان تعبانه اوي ونفسي انام في سريري بتاع زمان دخلت وقعدت افتكر ايام الخطوبه واول ايام الجواز لما كان البيت كان كله بهجه وسعاده لقيت محمد بعتلي رساله علي الواتس اب وانا سرحانه في ايام زمان لقيته بيقولي احنا ايه وصلنا لكده لو في حاجه تعباكي قوليلي لو حاجه مديقاكي مني قولي وانا اصلحها انا مقدرش ابعد عنكم ولو لحظه البيت انهارده من غيركم كئب ومفيش حياه فيه ضحكتك وضحكت أيسل بتملي عليا الدنيا وحشتوني اوي ومش عارف اعيش من غيركم هترجعي امتي البيت يا حبيبتي وتنوري حياتي شوفت الرساله ومعرفتش ارد عليه باي كلام ومحتاره ارد اقول ايه وانا مش عارفه اني مخنوقه منه ومحتاره انا فيا ايه من ناحيه محمد مع ان محمد معملش معايا اي حاجه تزعلني ولا تأذيني وانا مش عارفه انا بعمل كده ازاي وليه ومردتش علي الرساله وقفلت التليفون خالص وعيني غفلت وانا ماسكه التليفون في أيدي وانا نايمه حلمت اني واقفه في مكان ضلمه وخايفه ولقيت واحده جايه من بعيد قعدة انادي عليها واستنجد بيها ارجوكي ساعديني ساعديني عايزه اخرج من هنا بداءت تقرب علي الصوت زمل لما تقرب جسمها بيكبر اكتر من الاول لحد ما وصلت عندي لقتها عباره عن خيال طويل وببص علي وشها لقيته عباره عن عضم من غير لحم وقعدة اقولها انتي مين انا عايزه اخرج من هنا ضحكت ضحكه غريبه وقالت لي انتي دخلتي خلاص ومش هتعرفي تطلعي مش هتخرجي من ال انتي في يا هند كل ال انتي في أوله ظلام وآخره هلاك فجأه صحيت علي صوت أيسل بتعيط وقعدة اقول بسم الله بسم الله وحسيت ان الحلم ده حقيقه وكنت خايفه ومقبوضه اوي ومردتش انادي علي ماما علشان متقلقش وحضت أيسل وقعدة اعيط واقول انا اكيد مش طبعيه انا اكيد فيا حاجه طبيعه يا تري كل ده من ايه ومين عايز ياذيني اوي كده ومسكت التليفون فتحته وبعت رسالة لساره علي الوتس اب وقولتها انتي اكيد نايمه بس اول ما تصحي وتشوفي رسالتي تعالي الصبح بدري ضروري علشان عايزاكي في موضوع مهم كانت ساره صاحيه وشافت الرساله في وقتها وقالتلي مالك يا حبيبتي فيكي ايه انا الصبح بدري هكون عندك متقلقيش قفلت التليفون تاني وخدت أيسل في حضني ونمت انا وهي وفجأه لقيت الباب بيفتح عليا ! ولقيت الست دي داخله عليا اللي كنت شايفاها في الحلم ما بقتش عارفه انا في حلم ولا في حقيقه ... _ انتي مين وعايزه مني ايه سيبيني في حالي انا عمري ما اذيت .....حد = مش هينفع اسيبك في حالك لازم ادمرلك حياتك ... _ طب انا عمري ما دمرت حياه حد مين اللي عايز يدمر حياتي ..... = مش هينفع اقول لك بس انتي هتشوفيني كتير الفتره الجايه قوي ... فجاه سمعت صوت ماما بتصحيني ... _ ما لك يا هند ما لك انت بتعيطي وانت نايمه وبعدين انتي نايمه كده ليه وانتي قاعده على السرير واخده البنت في حضنك و نايمه ..... نامي حلو يا بنتي انتي ما بقتش طبيعيه خالص يا هند .... = حلمت حلم وحش قوي يا ماما حلمت كتابه بحاجه فظيعه ... _ مش عارفه ايه اللي بيحصل ده يا بنتي لو في اي حاجه هاساعدك انا امك برده .... = لا يا ماما ما فيش اي حاجه انا بس اللي نومي مش متظبط عشان كده باحلم باحلام غريبه .... _ طيب يا هند براحتك اعملي اللي انتي عايزاه ... خرجت ماما بره و نيمت ايسل على السرير قعدت افتكر منظر الست اللي ظهرت لي مرتين دي وانا مش عارفه هي جت لي ليه و عايزه مني ايه ... نمت شويه وصحيت بدري لقيت ساره جايه لي من الصبح بدري ... _قلقتيني عليكي يا هند مالك .. = انا يا ساره بقى لي فتره كبيره قوي بحلم بكوابيس فظيعه مش عارفه اعمل ايه في اللي انا فيه ده وايه هي نهايته بيحصل لي حاجات غريبه ومش طايقه البيت ولا طايقه محمد ومش عارفه ايه السبب ايه اللي بيخليني كارها البيت وكارهه محمد بالطريقه دي ... _ يمكن انتي محسوده يا هند ... = مين اللي هيحسدني بس يا ساره انا ما عنديش اي عداوه مع حد _ طب جربتي تروحي لشيخ تسأليه ..... = لا ما جربتش اروح في اي مكان انا معايا البنت مش عارفه اتحرك .... _ خلاص يا هند انا هاساعدك واقعد لك بايسل وهاجي معاكي في كل مكان ما تقلقيش انا معاكي وفي ضهرك =بس يا ساره انا مش عايزه اعرف ماما اي حاجه من اللي بتحصل لي كفاية اللي هي فيه اي حاجه هنعملها انا وانتي هتبقى سر بيننا اوعي تقولي لاي حد حاجه .. طمنيني انتي عليكي يا ساره عامله ايه عامله ايه مع احمد خطيبك ... _ انا الحمد لله كويسه ما تشغليش بالك بيا اهم حاجه دلوقتي نتطمن عليكي ونعرف مالك ... انتي بقى لك قد ايه في الموضوع ده = بقى لي اكتر من شهر وساكته وما بتكلمش مش عايزه اشيل حد همي .... _ يا حبيبتي وانتي ازاي ساكته على نفسك كل ده المفروض تتعالجي او تشوفي انتي فيكي ايه انتي شكلك عندك اكتئاب ... هو محمد مزعلك في حاجه = ابدا والله يا ساره مش مزعلني في اي حاجه خالص انا اللي لقيت نفسي فجاه ما بقتش طايقاه ولا طايقه حد ولا طايقه البيت و كل اللي عليا اني باقول له عايزه اتطلق .... فضل يسالني ماما او سلفتي زعلوكي في حاجه قلت له لا ما فيش حاجه ... اخد بيت بعيد عنهم من غير ما يعملوا لي اي حاجه و برده نفس اللي انا فيه .... _ لا ده كده الموضوع كبير وما تسكتيش عليه اوعى تسكتي على نفسك تعالى طيب سيبي ايسل مع مامتك وننزل نتمشى تحت شويه نتكلم اهو نتكلم تحت احسن عشان نتكلم براحتنا بدل ما مامتك تتدخل وتسمع اي حاجه .... يتبع لاقيس البارت الثاني بقلم / غادة سعيد

Free reading for new users

Scan code to download app

App Store Google Play

Facebookexpand_more