لاقيس البارت الثلاثون

2135 Words

لاقيس البارت الثلاثون بقلم / غادة سعيد قعدت سارة تفكر في الكلام و قالتله سيبني دلوقتي و هرد عليك لما بس نشوف هند هتعمل ايه الاول و بعد كده نبقي نتفق ... محمد : انا فعلا يا سارة كنت غلطان انا مختارتكيش انتي ليه صحيح واحده في جمالك و ثقافتك ايه الي مانعني ساعتها اني اتجوزك عارفه ليه عشان كنت غ*ي و مكنتش ساعتها شايف قدامي لأن حب هند كان عاميني ومخليني مش شايف قدامي واحده زيك .. سارة : اقولك علي سر انا كمان كنت ساعتها بحبك جدا و متعلقه بيك لكن مقدرتش اقولك ساعتها انا لانك كنت بتحب صاحبة عمري ... مسألتش نفسك انا ليه ماتجوزتش لحد دلوقتي عشان طول الفترة دي وانا مفكرتش حتي اني اتجوز مع اني كان بيتقدملي عرسان كتير اوي كل ده عشان بحبك و مش عاوزه اخونك حتي لو كنت متجوز واحده تانيه و هي صاحبتي ... محمد : بقي كل ده شايلاه في قلبك و مخبياه وانا مش حاسس كل ده و حب هند كان عاميني انا فعلا كنت غلطان في حقك انا اسف يا سارة علي كل احساس سببتهولك غصب عني والله ما كنت اقصد بس اوعدك ان انا هعوضك عن كل حاجه وحشة بس انتي وافقي ... ساره ومحمد قعدوا يتكلموا شويه وبعد كده اخذوا ايسل عشان يودوها المراجيح وبعد كده محمد روح ساره وايسل وقال لساره هبقى استنى منك رد و متتاخريش عليا .... هند كانت قاعده متضايقه على الكلام اللي محمد قاله عليها وبتفكر هي فعلا كده اخذت القرار الصح ولا لا انها تنفصل عن محمد اهلها ما كانوش يعرفوا اي حاجه خالص بالمواضيع اللي بتحصل دي وهي ما كنتش عارفه تتصل ب مامتها تحكي لها ولا لا ... ‏ كانت خايفه عليها من الصدمه عشان لو عرفت ان كل ده حصل لبنتها ممكن يجري ليها اي حاجه وبعد الشر ممكن تموت لانها مريضه قلب قلبها ممكن يوقف خبر زي ده ممكن يسبب لها انتكاسه كبيره قررت انها تسكت خالص ومش هتحكي لمامتها اي حاجه و هتطلب من محمد انه مايحكيش لاهلها حاجه عشان ما يؤذيهمش ولو سالوها هتقول لهم انهم مش متفقين مع بعض وخلاص مسكت تليفونها واتصلت بمحمد وهو كان لسه بيوصل ساره وايسل لقي تليفونه بيرن هند بتتصل بيه ..... ‏ساره : مين اللي بيكلمك دلوقتي ... ‏ محمد : دي هند مش عارف عاوزه ايه في وقت زي ده مع ان انا ناهيت الكلام كله معاها ..... ‏ساره : طب رد عليها قدامي دلوقتي شوف هتقول لك ايه ..... ‏ محمد : طب اطلعي انتي وايسل وانا هابقى اكلمك احكيلك على المكالمه .... ‏ساره : وانا مش هطلع غير لما اسمع المكالمه بنفسي محمد استغرب جدا من رد فعل ساره وازاي هي عايزه تتطفل عليهم بالطريقه دي وهي لسه مرتبطتش بيه اي ارتباط رسمي خالص ...... ‏ رد على هند وهو مش عارف هي عايزه ايه .... ‏محمد : خير يا هند بتتصلي في وقت زي ده ليه هند : انا بس كنت عاوزه اطلب منك طلب عشان ما تتصرفش من دماغك اهلي ما يعرفوش اي حاجه ولا تقول لهم على اي كلام حصل ما بيننا ولا على الحاجات اللي بتحصل لي دي اهلي بعيد عن الموضوع خالص عشان انا مش عاوزه اخسرهم وانا ان كان عليا لو حد منهم سالني هاقول لهم اننا مش متفقين مع بعض وخلاص و هنسيب بعض عشان مفيش اي اتفاق ما بيننا وحياتنا بقت شبه مستحيله مع بعض .... ‏محمد : وانتي مين بقى اللي قالك اني هاروح اقول لاهلك لو كنت عاوز اعمل كده يبقى انا كده باقي عليكي وعاوز ارجعلك لكن انا مش عاوز ارجعلك مستحيل اروح اقول لهم على اي حاجه ما تقلقيش .... ‏ فجاه وهم بيتكلموا تليفون ساره رن وهند عارفه رنه ساره كويس قالت له هو انت ساره معاك في وقت متاخر زي ده ازاي ..... ‏ محمد : ابدا نزلت عشان اشوف ايسل واخرجها شويه وهي كتر خيرها جت معانا عشان تخلي بالها من البنت انا بقيت احس ان ساره هي مامتها مش انتي وانتي سايبه بنتك ورايحه دايره مع الدكتور بتاعك هو مش همك نفسيه البنت ولا اي حاجه اهم حاجه عندك مصلحتك وخلاص .... ‏ هند :انا مسمحلكش تتكلم عليا بالطريقه دي ابدا احترم نفسك دكتور علي ده انسان محترم وكل همه مصلحتي وانه يساعدني و يخرجني من اللي انا فيه وبيني وبينه كل احترام مش هيجي واحد زيك في الاخر ويقول عليا كلام زي ده انا حذرتك اخر تحذير بلاش تتكلم عليا بالطريقه دي ولا عليه وبعدين ساره من ساعه ما جيت هنا ما اتصلتش بيا خالص ولا كلمتني هي دي صاحبه عمري اللي انا كنت بحكيلها على كل حاجه عني انا بجد مصدومه فيها ..... ‏ محمد وفي خبر كده لازم اقول لك عليه عشان تعرفيه انا وساره شبه ارتبطنا وهنتخطب في اقرب وقت انا شايف انها مناسبه ليا وايسل بتحبها جدا هي دي الانسانه الوحيده اللي هاقدر اكمل معاها حياتي عشان انا حاسس انها بتحبني وبتحب بنتي من قلبها بجد وبتخاف عليها .... ‏ هند : ايه اللي انت بتقوله ده يا محمد هو انت بتتكلم بجد ولا بتهزر ... ‏ محمد : المواضيع دي ما فيهاش هزار يا هند انا وساره شبه ارتبطنا فعلا ودي حاجه ما تضايقيش انتي اخترتي حياتك وتسيبيني انا كمان اختار حياتي زي ما انا عاوز واظن انتي بتحبي ساره وهاتطمني علي بنتك معاها .... ‏هند : يعني هي بقت كده انتم الاثنين اتفقتوا عليا وفي الاخر ارتبطتوا ببعض هتتجوزها ..... ‏ انت ازاي اصلا تقول لها حاجه زي دي وهي ازاي توافق دي صاحبه عمري هتتجوز جوز صاحبتها ازاي عارف يا محمد انا كنت زعلانه عليك وكنت بحارب كل ده عشانك وعشان بيتنا ميتهدمش لكن انا من النهارده ولا زعلانه عليك ولا عاوزه اسمع صوتك تاني ولا انت ولا ساره ولوا تجوزت ان شاء الله لما اخف وابقى كويسه بنتي هتعيش معايا و هيبقى بيننا المحاكم بس اخف واقف على رجلي وانا هاخذ بنتي منك وابقى اشبع بقى بساره بتاعتك يلا اقفل بقى ومن غير سلام كمان .... ‏و قفلت السكه في وشه محمد قفل التليفون وساره قالت له هو انت رحت قلتلها ليه كده بس دلوقتي ما كانش وقته خالص الكلام ده يا محمد انت كده هتزعلها وهاتخليها تشيل مني لما كان الطلاق يتم رسمي وتخلصوا من كل حاجه كنت تقول لها كده هتطلع منظري انا وحش .... ‏ محمد : منظرك وحش في ايه يا ساره باقول لك انا اكتشفت انها بتخوني وأتاكدت من كده هي دي واحده يتزعل عليها اصلا اظن انتي ما ترديش لي اني اتخان وافضل واقف كده ساكت لازم ادوس عليها واحرق دمها واحسسها بنفس الاحساس اللي انا كنت حاسه لازم تتوجع نفس الوجع اللي انا اتوجعته وبعدين انتي كل اللي يهمك في الدنيا دلوقتي مش انا وايسل مالكيش دعوه بيها ولا تكلميها تاني يا ساره خلاص ... ‏ ساره : والله انت عندك حق في كل كلمه قلتها بس برده ما كانش ينفع تصدمها فجاه كده كنت هتلها الموضوع واحده واحده .... ‏محمد : طب يلا اطلعي بقى عشان البنت ماتاخدش برد وقلتلك تاني انا هاستنى منك رد بكره على الموضوع بتاعنا ساره من غير ما تستني انا موافقه يا محمد من غير ما افكر ... ‏ محمد مسك ايد ساره وبصلها وقال لها ربنا يخليكي يا رب انا حاسس انك هتعوضينى عن كل السنين الكذب اللي انا كنت عايشهم مع هند .... ‏ ساره ضحكتله وطلعت فوق هي وايسل وهو روح البيت اول ما دخل البيت حاسس انه مخنوق وذكرياته هو و هند كانت بتطارده كل ما يخش ركن في البيت يفتكر ذكرياتهم مع بعض وازاي البيت اتهد فجاه كده من غير اي مقدمات عمره ما كان يتوقع ان هند تفضل راجل تاني عليه ولا كان شاكك لحظه في اخلاصها ليه قاعد يفتكر ايام زمان وهو ازاي اتسرع وطلب ساره للجواز بالسهوله دي ونسى كل الحاجات اللي عاشها مع هند لكن هو كان تحت تاثير الصدمه بسبب انه راح المستشفى وسال على هند والدكتور اللي هناك قال له انها خرجت مع دكتور علي في وقت متاخر جدا واي راجل مكانه كان هيعمل كده واكتر بقى يقول في نفسه كويس اني معملتلهاش فضيحه ورحت قلتلها على كل حاجه عنها .... ‏ هند كانت قاعده في المستشفى منهاره من العياط مصدومه صدمتين اول صدمه صدمتها في محمد جوزها ابو بنتها اللي كانت فاكره انه اول واحد هيقف جنبها وهيساعدها في المحنه اللي هي فيها انها تعديها ويجيب لها حد يعالجها لكن هو عمل ع** كده تماما ومكنش مصدقها خالص والصدمه الثانيه هي صدمتها في صديقه عمرها ساره اللي كانت بتحكي لها كل تفاصيل حياتها وبتقول لها على كل حاجه بينها هي ومحمد كانت فاكرها بتخاف عليها بجد وبتنصح بجد اتاريها طلعت عينها على جوزها ومع اول مشكله ما بينهم خ*فته ليها وراحت مقاطعها ومبقتش تكلمها خالص وكمان وافقت على عرض الجواز اللي هو عرضه عليها لو كانت صاحبه بجد كانت مستحيل توافق .... ‏ قعدت تفتكر ايام زمان وذكرياتها مع محمد ومع ساره وازي وصل بيهم الحال كل ده وكان نفسها تحس انه كابوس و هتفوق منه وهي قاعده تعيط الباب خبط ودخل دكتور على لقاها منهارة وقاعدة تعيط عياط هستيري ... دكتور علي : في ايه يا هند ايه الي حصل انتي بتعيطي ليه دلوقتي .... هند : انا اتصدمت في اقرب اثنين ليا يا دكتور على ومش عارفه اعمل ايه دلوقتي مفيش اي حد مصدقني غيرك .... ‏ دكتور علي : ايه اللي حصل بس في حاجه حصلت تاني ولا ايه ... ‏ هند : تخيل كده يا دكتور علي جوزي واقرب صاحبه ليا هيتجوزوا وارتبطوا ونسيوني خالص ونسيوا كل اللي انا باعمله علشانهم انا بجد مصدومه وما بقتش عايزه اعيش خلاص ومش هنفذ اي حاجه تاني من اللي هتقولهالي ... ‏دكتور علي : والله يبقى اريحلك لانها هتبتدى تطلب منك طلبات انتي مش هتقدري تعمليها ولا هتقدري تستحمليها الاحسن منك انك تبعدي عن السكه دي وخلاص واللي عاوزه ربنا هيكون ... هند : طيب وايسل يا دكتور هي دلوقتي هتعمل ايه مع ايسل تفتكر ممكن تأذيها .... ‏ دكتور علي : الحافظ هو ربنا يا هند ما تقلقيش اكيد اللي عاوزه ربنا هيكون انا كنت جاي اقول لك على حاجه تانيه خالص انتي نسيتيني بصي انا معايا ايه على التليفون هند مسكت تليفون دكتور علي واتصدمت من اللي شافته الوقت اللي لاقيس ظهرت لها فيه وهم راجعين كانت بتتكلم معاها وتكلمها دكتور علي ماسك تليفونه ساعتها وصورهم صوت وصوره وكل حاجه ظاهره في الفيديو قالها بصي انا صورتها ازاي كده انت معاكي دليل براحتك مش جوزك كان بيقول لك انت خارجه مع دكتور علي في نصف الليل تعملي ايه و رحتوا فين ابقى وريله الفيديو ده عشان يعرف كويس انتي كنتي فين .... ‏ هند : مش عايزه اوريله اي حاجه ولا عاوزه اعرفه في حاجه هو اللي اختار دلوقتي انه يبعد عني ومالوش لزوم انه يعرف اللي بامر بيه لانه اصلا مش فارق معايا ملوش لزوم الفيديو ده يا دكتور علي ممكن تمسحه عادي .... ‏دكتور علي : لا طبعا مش همسحه هو انا ممكن اشوف اللي في الفيديو ده تاني انا ممكن اوصل للعالميه بالفيديو اللي انا مصوره ده انزله على اليوتيوب واكتب تحته عندما يتحدث الانسان مع الشيطان وشوفي بقى كام واحد هيدخل على الفيديو وهيعمل لي فيو قد ايه .... هند : بس الفيديو ده ممكن يعملك مشاكل كبيره قوي وهي كده مش هتسيبك في حالك .... دكتور علي : انا ما فيش حد يقدر يقف قصادي ولو هي تقدر فعلا تعمل حاجه تظهر و توريني نفسها فجاه باب الاوضه اتقفل واترزع جامد قوي هند ودكتور على اترعبوا .... ‏دكتور علي : هو في ايه ايه اللي قفل الباب جامد كده حتى ما فيش هوا .... ‏ هند : يعني انت مش عارف ايه اللي قفل الباب مش انت اللي عمال تقول توريني نفسها وتظهر لي وانا هواجها شوف بقى هتعمل فينا ايه دلوقتي الشباك قعد يخبط جامد وصوت البرق والرعد كم هيتسبب لهم انهم ميسمعوش تاني ابدا ..... ‏ هند : هو ايه اللي بيحصل بالضبط انت شكلك كده جبت لنا مصيبه كبيره ومش هنعرف نخرج منها ... ‏ دكتور علي : طلع المصحف من جيبه وبدا يقرا فيه ويقول لها لو كنتي انتي قويه فانا معايا ربنا اللي اكبر من اي حد لو تقدري تظهري وتواجهيني وانا في ايدي كتاب ربنا اظهري لكن انا عارف انك ضعيفه ومستحيل في ظهري وانا معايا سلاح ممكن يحرقك وعارف دلوقتي انك ضعيفه وخايفه مننا جدا وهند مش هتعمل اي حاجه تاني هتطلبيها منها ... ‏فجاه هند شورت ناحيه الشباك وقالتله اهي واقفه على الشباك يا دكتور انت شايفها زي ما انا شايفاها دكتور علي : انا مش شايف اي حاجه هي اكيد ما عندهاش الجرأه تظهر ليا قربت من هند و مسكت ايديها واخذتها معاها ناحيه الشباك .... ‏ هند : كانت ظاهرة لدكتور على انها طايره عند الشباك لوحدها وما فيش حد معاها ومكنش يعرف اني لاقيس ماسكاها وعاوزه ترميها من الشباك دكتور علي ماسك المصحف في ايده وشد هند بالايد الثانيه وهو بيقرا القران كانت هند بتتشد من ايده بطريقه فظيعه وكان حاسس انها هتقع من الشباك خلاص لكن هو اتمسك بيها بإيده الاثنين وفي نفس الوقت كان بيقرا القران قعد يشد فيها حوالي خمس دقائق لحد ما وقعت على الارض واغمى عليها .... ‏ ابتدي يفوقها وهي ما كانتش بترد عليه ويرش على وشها ميه بيقول لها فوقي يا هند اصحى خلاص هي مشيت وسابتك ما تخافيش مش هتقدر تعمل فيكي حاجه طول ما انا موجود يتبع ....

Free reading for new users

Scan code to download app

App Store Google Play

Facebookexpand_more