لاقيس البارت الواحد و ثلاثون

1632 Words

لاقيس البارت الواحد والثلاثون بقلم / غادة سعيد هند ابتدت تفوق وتقولي دكتور علي انا فين وايه اللي حصل .... دكتور علي : ما تقلقيش يا هند انا جنبك مش عارف هي كانت عاوزه تعمل فيكي ايه بس انا انقذتك .... هند : شكلها كده عاوزه تموتني خلاص ومش هتقول لي على مهمه ثانيه وهي دي هتبقى نهايتي يا دكتور علي ما تتعبش نفسك انا كده كده ميته ومش هاقدر اعمل لنفسي حاجه تاني خلاص ... دكتور علي : انتي مش هتموتي يا هند و هتعيشي وانا اللي هحميكي بنفسي بس انا طالب منك تاخذي التليفون ده وتخليه معاكي عشان يبقى دليل على برائتك قدام جوزك بعد كده ... ‏هند : انا مش عاوزه حاجه ومش عاوزه ابرأ نفسي قدامه لاني ما بعملش حاجه غلط انا عاوزاها بس تبعد عني ومتقربش لبنتي ولا تقرب لي لكن محمد ده مش فارق معايا في اي حاجه بعد اللي عمله .... ‏دكتور علي : ما ينفعش تخسري بيتك يا هند ولا تهديه عشان واحده زي دي لازم تعرفي جوزك وتفهميه كل حاجه بالحرف الواحد و متخسريش بيتك وبنتك ... ‏ هند : طب والعمل دلوقتي انا كده مش هعرف انام خالص انا لو نمت هتيجيلي في الحلم وهتقول لي على الطلب الاخير اللي عاوزه تطلبه مني وانا مش عاوزه انفذ اي حاجه تاني مين اللي هي قالت لي عليها تساعدني في الموضوع ده انا من ساعه ما حصل لي كده و انت الوحيد اللي واقف جنبي وما بتسبنيش لحظه مع انك مش هتستفاد اي حاجه انا لو كان عندي اخ ما كانش هيعمل معايا كده مش عارفه ارد لك جميلك ده ازاي .... ‏دكتور علي : انا ما عملتش غير واجبي يا هند قومي يلا اغسلي وشك و تعالى نقعد تحت شويه قامت هند وغسلت وشها وبعد كده نزلت عشان تقعد تحت شويه في الهواء بعد اللي حصل لها فوق ده ... ‏ اول ما نزلت لقيت الدكتور علي قاعد مع المرضى قعدت معاهم عشان تفك عن نفسها شويه وتنسى اللي حصل بعد نص ساعه لقيت تليفونها بيرن بتبص تشوف مين لقت سارة .... دكتور علي : مين بيتصل بيكي محمد .... هند : لا مش هو دي ساره صاحبتي اللي انا حكيت لك عنها مش عارفه هي ازاي جابت الجراه انها تتصل بيا هي فاكره اني هاكلمها بعد اللي هي عملته معايا ده دي غريبه جدا ... دكتور علي : طيب ردي عليها شوفيها عاوزه ايه يمكن عاوزاكي في موضوع مهم هند ..... ‏ ارد على مين ارد اقول لها ايه اصلا مش عاوزه ارد عليها ولا اعرفها تاني .... ‏ دكتور علي : ردي بس وشوفيها عاوزه ايه ... ‏ رد ت هند على ساره زي ما دكتور علي قال لها هند : خير يا ساره بتتصلي بيا ليه وايه الجراه اللي انتي فيها دي ساره انا باتصل بيكي عشان اقول لك كلمه واحده بس على فكره انا لسه ما وافقتش على العرض بتاع محمد هو بيقول لي انا عاوزك معايا عشان تخلي بالك من ايسل وهو مش قادر يبعد عنها لان ايسل قاعده معايا كل ده انا قولتله لسه هافكر وهرد عليك انا باكلمك دلوقتي عشان اقول لك لو انت فعلا عاوزه ترجعي انت ومحمد لبعض انا هاتكلم معاه وارجعكم لبعض عشان ما تحسسنيش بتانيب ضمير و ان انا السبب في كل اللي حصل لك ده انتي يا هند اللي عملت في نفسك كل ده ازاي يعني بتكلمي واحد على جوزك وبتخرجي معاه نصف الليل احمدي ربنا ان نصيبك كده من غير اي مشاكل كان ممكن يعمل لك فضيحه لكن عشان محمد انسان محترم ما عملش كده واكتفي انه يسكت وخلاص ..... ‏ هند : انا ما بعملش حاجه غلط ولا عمري خنت محمد انتي مش مصدقاني في اي حاجه انا اقولها فعشان كده انا مش هاحكيلك حاجه ولو بتكلميني علشان تساليني توافقي ولا لا دي حاجه ترجعلك عاوزه توافقي وافقي انا كده كده مش هارجع لمحمد تاني اشبعي بيه انا مش عاوزاه انا كنت باعمل كل ده عشانه وهو ولا علي باله بس برده عاوزاك توصلي ليه رساله ان انا مش هاسيب له بنتي حتى لو اتجوزك مش ها خلي ايسل تعيش معاكم انا اخلص بس من اللي انا فيه و مش هخليه يشوف ايسل تاني بقى هو يعمل فيا كل ده انا بجد ندمانه على كل السنين اللي انا عشتها معاه ما كنتش اتوقع منه هو الوحيد كده .... ‏ وبعدين هو انا باقول لك الكلام ده ليه من النهارده يا ساره انا وانت ما بقيناش اصحاب وكل واحد فينا من طريق بعد ما فكرتي تدخلي بيتي وتدخلي بيني وبين جوزي و تخربي بيتي انا كنت بسمعك بوداني وانت بتتكلمي عليا معاه و كرهتيه فيا بدل ما تقوليله شوفها هي فيها ايه ما لها كنتي بتقوليله اني مجنونه واني باعمل كل ده عشان في حاجه ثانيه في دماغي انا هاقفل معاكي يا ساره ومش عاوزه اسمع صوتك تاني ..... ‏ساره : على العموم يا هند انا عملت اللي عليا معاكي وكنت باكلمك عشان اصلح بينكم بس انت شكلك دماغك ناشفه وفي حد غير محمد واخذ عقلك انا اللي زعلانه منك على فكره مش انت ما كنتش اتوقع انك تظني فيا الظن ده و تظلميني ... وتقولي عليا اني جيت عشان اخرب بيتك مع اني كنت جايه عشان اخلي بالي من ايسل ... في الاخر طلعت انا اللي خاربه بيتكو عامله فيكي كل ده مع انك انت اللي عملتي في نفسك كل ده يا هند ب اسلوبك وطريقتك مع محمد كنتي عايزاه يعمل ايه يعني لما يجي يسال عليكي في المستشفى ويقولوا له انك خرجتي مع الدكتور بتاعك نصف الليل .... هند : انا مش عاوزه اسمع كلام تاني لو سمحتي اقفلي وده اخر كلام عندي وو صلي لمحمد الكلام اللي انا قلتهولك ده .... قفلت هند معاها وهي متعصبه ومش عاوزه تسمع صوتها تاني مسحت رقمها من عندها عشان ما تشوفش رقمها ولا تفتكرها .... ‏دكتور علي : عملتي ايه يا هند معاها انا شايفك متعصبه اوي .... ‏ هند : انا مش عاوزه اكلمها تاني دي ما ينفعش يتقال عليها انها صاحبه اصلا انسي موضوع ساره ده يا دكتور علي انا دلوقتي عاوزه اعرف انا مصيري ايه هي خلاص خلصت كل اللي هي عاوزاه منى ودلوقتي بتخطط اني اموت ازاي اعمل ايه دلوقتي .... ‏ انا خايفه انام انا لو نمت هتموتني .... ‏ دكتور علي : ما تقلقيش لو في اي وقت عاوزه تنامي فيه قوليلي وانا هافضل قاعد جنبك عشان لو حصل اي حاجه انا اللي هتص*ر لها ومش هخليها تيجي جنبك مش هخليها تاذيكي خالص يا هند ما تخافيش ..... ‏ هند : هو انت بتعمل معايا كل ده ليه انا اول مره اشوف شخص زيك كده انا فعلا ما كنتش شايفه غير محمد قدامي بس انا عمري ما حد اهتم بيا زيك انت يا دكتور مش عارفه اقول لك ايه بجد ربنا يوقفلك كل حاجه حلوه في الدنيا عشان انت بجد انسان محترم وتستاهل كل خير انا هطلع فوق دلوقتي الاوضه بتاعتي عشان ارتاح شويه بس مش هانام لو في اي حاجه هابقى اكلمك ... طلعت هند فوق عشان كانت مخنوقه جدا من كلام ساره وساره هي كمان اتعصبت من طريقه كلام هند معاها راحت اتصلت بمحمد عشان تتكلم معاه شويه .... ‏محمد : عملتي ايه يا ساره فكرت في اللي قلتلك عليه ولا لسه .... ‏ساره : والله يا محمد انا كان نفسي اني اصلح بينك انت وهند بس هي شكلها كده منشفه دماغها ومش موافقه .... ‏محمد : ومين قال لك بقى اني عاوز اتصالح انا وهند بعد اللي هي عملته ده مش هتفضل على ذمتي يوم واحد كمان .... ‏ ساره :والله انا قلت اصلح بينكم عشان انتم بينكم ايسل ما كنتش حابه اني ادخل بينكم خالص ولا يتقال عليا اني جايه عشان اخ*فك منها بس لما كلمتها حسيت فعلا انها مش عاوزاك بكامل ارادتها و انك مش فارق معها خالص .... محمد : وانتي مين قال لك بقى ان انا حتى لو هي وافقت وجت اعتذرتلي هارجع لها انتي شايفاني ما بحسش ولا ايه ومش راجل باقول لك ايه يا ساره ما تجيبليش سيره هند دي تاني انا خلاص ما بقتش طايق سيرتها ولا عاوز اسمع صوتها وبعدين ماردتيش عليا في اللي انا قولتلك عليه انا عاوز اسمع رد دلوقتي حالا عشان عاوز اعرف انا هعمل ايه .... ‏ ساره : والله يا محمد مش عارفه اقول لك ايه خايفه اوافق اكون انا اللي خربت بيتكم وخايفه موافقتش اندم طول حياتي ..... محمد : سمعيني ردك دلوقتي يا ساره انتي موافقه انك تتجوزيني ولا لا .... ساره : طبعا انا موافقه من غير ما افكر يا محمد بس اوعى تيجي في يوم وتقول لي اني بعدتك عن هند انت عامل كده انت وهي وانتم الاثنين بكامل ايرادتكم انا ماليش دخل في كل اللي حصل .... محمد : انتي لولا وقفتك جنبي ما كنتش هعرف انا هاعمل ايه .... ‏قعدوا يتكلمو شويه وهند كانت قاعده على السرير تفتكر كلام ساره وكلام محمد معاها فجأه وهي قاعده النوم غلبها لانها بقالها يومين ما نمتش اول ما عينيها غمضت لقيت باب الاوضه بيتفتح عليها ولقت لاقيس داخلة عليها كانت عينيها حمراء جدا وكان نار جهنم في وشها ما بقاش في لحم خالص والعظم باين منه وايديها كانت عباره عن صوابع طويله جدا والضوافر كانت طولها مترين .... بدات تقرب منى وانا كنت نايمه ومش عارفه اصحى ولا انادي حد ..... قربت مني و حطت ايديها على رقبتي وابتدت انها تخنقني وانا مش قادره اتنفس وقعدت اقول لها سيبيني انا ما عملتش في اي حد حاجه وحشه عمري هو انتم ليه عاوزين تؤذونى ردت عليها وقالتلها الكلام ده ما تقولهوليش انا قوليه للي عملت فيكي كده .... ‏ هند : ومين اللي عملت فيا كده انا من اول ما ظهرتيلي وانا بسالك مين اللي عملت فيا كده وانتي مش راضيه تقوليلي .... ‏ردت عليها وقالت لها مش هينفع اقول لك مين اللي عمل كده انا بنفذ كل اللي يطلب مني سيبيني بقى اخلص المهمه دي وانهيها عشان المهمه دي طويله جدا معايا ولازم اخلص منك النهارده .... هند : استني انا مش عاوزه اموت غير لما اشوف بنتي الاول حرام عليكي ما تحرمنيش من اخر نظره علي بنتي .... ‏ لاقيس : الوقت خلص خلاص يا هند انتي لازم تموتي دلوقت حالا ... يتبع ...

Free reading for new users

Scan code to download app

App Store Google Play

Facebookexpand_more