لاقيس البارت الثامن

2007 Words

لاقيس البارت الثامن بقلم / غادة سعيد فجاه لقت نفسها نازله على سلم طويل تحت الارض ومش عارفه هي راحه على فين وصلت اوضه كبيره و كانت لاقيس ماشيه قدامها وبتقول لها : قربي يا هند تعالي ما تخافيش عاوزه اوريكي حاجه عمرك ما شوفتيها قبل كده .... هند كانت ماشيه وهي خايفه جدا وركبها بتخبط في بعضها .... وصلوا على الاوضه كانت ضلمه قوي بس لاقيي نورت فيها نور خافت و هند ما تعرفش ده جاي منين ... بصت حواليها لقيت حواليها ثلاجات كثير قوي مقفوله ... بدات لاقيس تقرب على الثلاجات وتفتحها لها وتقول لها تعالي شوفي انا هاقول لك ايه اللي بيحصل هنا في المستشفى بالضبط .... قربت هند تبص و صعقت من المنظر اللي شافته التلاجات كان كلها جثث متاخذ منها اعضائها من غير عينين ولا احشاء اتخضت وبعدت بعيد وقالت لها : انتي جايباني هنا ليه انا عمري ما شفت المنظر ده ... لاقيس : انا هحكي لك حكايه المستشفى دي انا جبتك هنا و خليت جوزك يتصل بالمستشفى دي ياخدوكي مش عشان انت مجنونه عشان دي الطلب الثاني اللي هطلبه منك المستشفى دي كلها ناس عندهم مشاكل نفسيه و بيعانوا من الاضطرابات واهل الناس بيجيبوهم هنا ومش بيسالوا عليهم بعد كده .... صاحب المستشفى دي شغال في تجاره الاعضاء بياخذ الناس اللي عندهم مشاكل نفسيه ولما يتاكد ان اهلهم مش هيسالو عليهم بينزلهم الاوضه دي وياخذ اعضائهم ولو حد سال عليهم بيقول انه هرب من المستشفى وما يعرفش حاجه عنه وكده كده ما فيش حد بيزعل عليه عشان هم ما كانوش عاوزينهم من الاساس .. هند : طب وانا ما لي بالموضوع ده كله ايه المطلوب مني يعني لاقيس : مطلوب منك انك تكشفي سر الاوضه دي لان الاوضه دي ملعونه وفي حارس تبعها جواها ومش عارف يخرج مش هيتحرك غير لما الاوضه دي يتكشف سرها وتتفتح والجثث تخرج منها ... هند : وانا هكشف سر الاوضه دي ازاي يعني هو انا عارفه طريقها ده انت فتحت لي باب من الحيطه من دخلتيني فيها انا هاعرف طريق الاوضه دي منين ... لاقيس : اتصرفي بقى ما هي دي المهمه بتاعتك الثانيه لازم تلاقي الممر اللي بيدخل على الاوضه دي هم عاملين في المستشفى ممر سري يدخل على الاوضه لازم تلاقيه و تكشفي سر الاوضه دي ... هند : بس دي مهمه صعبه جدا ومش هعرف اعملها على طول كده زي ما انت فاكره ... لاقيس : خذي وقتك انت معاكي وقت كبير مش هتخرجي من المستشفى دي غير بامر مني انا اول لما تلاقي الاوضه اخرجك من المستشفى على طول ... هند : طيب انا احاول اتصرف بس انت دخلتيني في الاوضه دي وهتخرجيني منها وانا شوفت الاوضه اللي انا فيها كاميرات كثير ... كده ممكن يشوفوا اللي انا عملته ده و اني دخلت في الحيطه .. لاقيس : هيشوفوك ازاي يعني وانت نائمه انتي دلوقت يا هند و اخده الابره المهدئه و نايمه انا طلعت لك في الحلم يعني انت بالنسبه لهم نائمه على السرير وروحك هي اللي بتتعامل معايا ما حدش هيقدر يشوف اللي احنا عملناه ده كله بس انتي عشان تصحى لازم ارجعك في الاوضه ثاني وروحك ترجع في جسمك وساعتها هتصحي و هتفتكري كل اللي احنا عملناه ده دلوقت ... لكن جسمك مش هيتحرك من مكانه خالص ... هند : انا ابتديت اخاف من اللي انا باعمله ده ومش عارفه هو نهايته ايه حتى انا مش عارفه انا واقفه قدامك كده ازاي وانت شكلك عامل كده ... انا خايفه جدا بس مضطره اعمل كده عشان ايسل ... لاقيس : ولو ما عملتيش كده انت عارفه ايه اللي هيحصل انتي لازم تنفذي كل اللي باقول لك عليه يلا بقى تعالى ورايا عشان ارجعلك ثاني الاوضه بتاعتك خرجوا من الاوضه و ضلمت ثاني لوحدها وفضلوا طالعين على السلم الكبير لحد ما وصلوا الباب اللي في الحيطه دخلت الاوضه تاني ولقت نفسها نايمه على السرير لسه .. كانت شايفه نفسها وهي كانت عباره عن خيال مش باين واقف في الاوضه ... رجعت على سريرها وكانت حاسه انها ميته واول ما نامت روحها ردت تاني لجسمها .... بعد نص ساعه كده صحيت وكانت فاكره كل اللي حصل بالحرف الواحد و قعدت تفكر هي هتتصرف ازاي لازم تحط خطه تمشي عليها عشان تعرف تنفذ الشرط وتخلص ... النهار طلع و الباب اتفتح عليها و دخلها دكتور .... _ صباح الخير يا هند يا ترا عاملة ايه النهاردة ... = الحمد لله يا دكتور انا كويسه ... هو انا ممكن انزل تحت اتمشي شوية و اتعرف عالناس الي هنا ... _ اه طبعا ينفع انا دلوقتي هاخدك و اعرفك علي زمايلك احنا كل يوم بنقعد مع بعض ونتكلم شوية .... خدها الدكتور و قعدوا مع بعض تحت فالجنينه و كان فيه ناس كتير شكلهم حالتهم النفسيه مش مستقرة لكن كان فيه هناك واحد هند حست انه عاقل و هو قعد يتكلم معاهم و قالهم لازم كلكم تسمعو حكايتي ... انا بشوف الي هيحصل بكرة ومش عاوز حد يتريق عليا ولا يكذبني في اي كلمه هقولها..... انا فارس عندي ٢٨ سنه حكايتي بدأت لما كان عندي ١٠ سنين كنت بحس نفسي مختلف عن اي حد وشايف في نفسي ميزات محدش شايفها فيا حتي اهلي مكنوش مقتنعين اني مختلف الاول كنت بحس بالحاجه قبل ما تحصل وبعدها الموضوع اتطور معايا وبقيت بشوفها كمان مش هنسي لما كنت قاعد في اوضتي لوحدي وشفت بابا العربيه بتتقلب بيه وميت.... حاولت اقنعه انه ميسافرش بس هو كان واخد كلامي ب ضحك كان فاكرني مش عايزه يسافر عشان كان واعدني انه هيخرجني اليوم ده لكن هو جاله سفر مهم للشغل وجهز شنطته وقبل ما يمشي اترجيته كتير عشان ميسبناش ويمشي قولتله سافر بكرة بس خليك معانا النهارده.... _ والله يا فارس لما اجي هخرجك.... _ انا مش عايز اخرج انا عاوزك متسافرش النهارده.... مهتمش بكلامي وسابنا ومشي اعدت علي اعصابي وامي مستغربة .... _ مالك يا فارس مش علي بعضك ليه _ مفيش يا ماما تعبان شويه.... عدا ساعتين بظبط و تليفون البيت رن كنت متأكد الي بيتصل هيقول ايه .... امي ردت واعدت تصوط وتلطم ابويا مات في حادثه ومسمعش كلامي ومشي مكنش مصدقني مع اني شفت كل حاجه هتحصله ...... امي كانت ملهيه فالعزا والصدمة الي كانت فيها نسيت حتي تسألني انت ليه كنت بتمنع بابا من السفر ولا حتي جه في دماغها اني فيا حاجه مش طبيعيه بس انا قررت اسكت ومحكيش لحد اي حاجه تانيه بشوفها..... عدا اسبوعين علي موت بابا وماما قالتلي انا واختي .... انتو لازم ترجعو للمدرسه تاني انتو كده فاتكم دروس كتير .... رحت المدرسه عشان اطلع من الي انا فيه شوية ..... اعدت مع اصحابي وفالبريك كنت قاعد لوحدي كلهم نزلو يلعبو تحت وانا قعدت لوحدي فالفصل .... كنت قاعد سرحان وفي عز مانا سرحان شفت كارثه هتحصل بكرة.... شفت سليم اقرب اصدقائي بيموت موته ب*عه ... بيتهم كان بيولع وهو مات جواه .... خلصت البريك ولقيت كل اصحابي طالعين ... عرضت علي سليم يجي يقضي معايا اليوم النهارده استغرب جدا من طلبي خصوصا انه عمره ما جالي البيت... وقالي ان مامته مش هتوافق لانها مانعه انه يروح عند حد بيته.... رجعت البيت وانا مهموم وخايف علي سليم يحصله اي حاجه امي دخلت عليا لاقتني قاعد مش بتكلم وسرحان.... _ مالك يا فارس في حد دايقك فالمدرسة _ لا خالص يا ماما انا بس افتكرت بابا والي حصله... _ ادعيلو يافارس ربنا يرحمه _ ماما انا ممكن اتكلم فالتليفون... _ هتكلم مين _ سليم صاحبي _ ماشي ياحبيبي روح كلمه.... اتصلت بيه ومامته ردت .... وادتهوني.... _ ازيك ياسليم عامل ايه... _ الحمد لله يا فارس في حاجه ولا ايه.... _ لا بس بتطمن عليك.... _ انت مالك يا فارس النهارده غريب اوي ليه بتطلب اني اروح معاك البيت وبتكلمني انت متغير اوي.... وفجأه وهو بيتكلم سمعت صوت زعيق جامد وساب التليفون ..... قفلت السكه بسرعه وانا عارف ايه الي حصل انا كنت عايز بس اودعه وابقي اخر حد يكلمه.... قفلت معاه ومحكتش لحد اي حاجه ولا حتي لامي .... دخلت اوضتي واعدت اعيط لحد ما نمت .... تاني يوم صحيت عشان اروح المدرسه امي لاحظت ان عيني فيها حاجه من كتر العياط... _ مال عينك يا فارس..... _ مفيش يا ماما دا شويه برد.... رحت المدرسه وكنت قاعد مستنيه بس مجاش والمدرسين جالهم خبر وفاته .... لقيت الميس بتقولنا... _ ادعوا لزميلكم سليم اتوفي امبارح .... وطبعا مقالتش اتوفي ازاي لاننا اطفال مينفعش تقول الموته الب*عه الي ماتها..... كلهم اتصدمو ماعادا انا.... انا عارف من امبارح هو هيموت ازاي...... رجعت البيت وحكيت ل ماما ان سليم صديقي اتوفي... زعلت اوي عليه خصوصا اني كنت لسه بكلمه من قبلها بيوم... طلبت مني اني ادخل اخد دش عشان شكلي مرهق.... دخلت جوة الحمام واعدت اعيط كتير اوي علي سليم وبابا عشان انا كنت عارف الي هيحصلهم بس مقدرتش اساعدهم ب اي حاجه وسبتهم يموتو.... خدت دش وخرجت اعدت احاول اذاكر شويه تفكيري كله في سليم وبابا..... عدت الايام والشهور والسنين لحد ما بقي عندي ١٥ سنه .... بس الحاله دي مجاتليش طول السنين دي كلها .... انا دلوقتي عرفت الحاله دي مش بتجيلي غير لما حد قريب مني يكون هيحصله حاجه.... بس يارب متتكررش تاني....... عشت حياتي عادي مع الوقت ابتديت انسي الي حصل مع سليم وبابا..... لحد ما في يوم حصل الي خلاص كنت نسيته وافتكرته مش هيحصل معايا تاني.... جالي انهيار عصبي بعد ما شفت اقرب واحده ليا وهي............ شفت اختي دينا وهي بتقع من البلكونه وبتموت قدام عيني ..... قمت جريت زي المجنون بنده عليها... ديناااااااا يا دينا.... _ في ايه يا فارس مالك..... _ ايه الي مسكاه دا... _ دا الغسيل داخله انشره فالبلكونه... _ لا مش هتنشري الغسيل سيبيه عشان انا عاوزك.... _ في ايه يافارس قلقتني.... _ دينا انا بترجاكي اوعي تدخلي البلكونه تاني _ ليه يا فارس .... _ من غير ما تسألي .... لو دخلتي البلكونه هتموتي.... _ ايه الي بتقولو ده انت اتجننت ..... منا طول عمري بدخل البلكونه اشمعنا هموت دلوقتي يعني... _ دينا انا بشوف كل حاجه بتحصل من قبلها _ ايه يعني ايه الي بتقوله _ انا شفت بابا قبل ميموت وسليم صاحبي كنت عارف انه هيموت من قبلها... _ فارس هو انا ع**طه عشان اصدق الكلام دا دا اسمه جنان.... _ ارجوكي اسمعي كلامي .... _ وانا مش مجنونه عشان اسمع كلام واحد مجنون زيك.... وهدخل وهنشر الغسيل ومش هسمع كلامك..... ونفذت الي في دماغها وحصل كل حاجه شفتها ..... راحت دينا كمان مني وانا مش عارف اعمل ايه ولا اتصرف ازاي ..... انا حاولت انصحها بس هي مسمعتش كلامي ...... انا كان نفسي اغير قدرها بس هي مصدقتنيش.... بس يا دكتور هي دي كل الحكايه ...... _ يووووووووه انت هنا بقالك تسع سنين كل يوم تحكيلي نفس الموضوع وتطلب تقابلني عشان في موضوع مهم وانا افتكرك عقلت لكن الي في دماغك في دماغك...... _ انا مش مجنون يا دكتووور انت الي مش مصدقني.... _ لو مكنتش مجنون كان زمانك اتعدمت من زمان.... _ اتعدم اتعدم ليه.... _ تاني هنعيد نفس الكلام الي بقالنا ٩ سنين بنعيد فيه وانت برضه مش راضي تقتنع انك مريض نفسي...... باباك مات مسموم مامتش في حادثه ساعتها انت رحت اشتريت سم حطيتهولو في كوبايه العصير عشان مرضاش يخرجك تتفسح ومفيش حد جه في دماغه خالص انك عملت كده لانك كنت طفل .... وتقريبا الموضوع عجبك بعدها سليم صاحبك مامتش في حريقه ولا حاجه .... انتو كنتو بتلعبو فالفصل بتاعكم ..... وواقفين عالديسكات .... رحت انت زقيتو رميتو من الشباك .... مات في ساعتها وطبعا دا بشهادة اصحابك..... وطبعا محدش شك لحظه انك كنت قاصد تعمل كده خصوصا انكم اصحاب جدا كلهم قالو انك مكنتش تقصد ترميه من الشباك... واخيرا اختك الي انت فاكر انها ماتت واقعه من البلكونه .... اختك انت خنقتها بعد ما عرفت انها رايحه تاخد دش... فتحت انبوبه الغاز بتاعة السخان وشيلتها من وصلة السخان عشان الغاز يخنقها وقفلت عليها بلمفتاح اول ما دخلت .... واعدت تحاول تفتح لكن انت عملت نفسك مش سامع.... ومامتك جت لقيتك اعد قدام الحمام وبتعيط ... وطلبت الشرطه والشرطه اكتشفت ان الباب اتقفل من برة مش من جوه وعرفو كل الي انت عملته... ولما خدوك وكشفو عليك اتضح انك مريض نفسي.... وحولوك علي مستشفي الامراض ال*قليه عشان كده انت هنا بقالك تسع سنين.... هاا فهمت ولا اعيد تاني..... _ تعيد تاني ايه هو انت قلت حاجه.... _ ايوة امال انا بحكي في ايه بقالي تسع سنين.... _ دكتور انا جايلك في موضوع اهم دلوقتي... _ ايه تاني.... _ موضوع في غاية الاهميه وعاوزك تركز معايا _ معاك اهو اخلص واتكلم _ انا بشوف كل حاجه بتحصل من قبلها ومش عاوزك تاخد كلامي ب هزار.... _ يووووووه ق*فتني ياشيخ وطلعت عيني .... يا مجنون يابن المجانين .... اطلع بره ياض ومتجيش هنا تاني.... يتبع

Free reading for new users

Scan code to download app

App Store Google Play

Facebookexpand_more