لاقيس البارت العاشر

2210 Words

لاقيس البارت العاشر بقلم / غادة سعيد خرج دكتور علي من اوضه هند واخذ ب**ه المفتاح معاه وراح عشان يطلع عليه نسخه ثانيه وبالفعل طلع عليه نسخه ثانيه وبقى يدعي ربنا ان الب**ه تكون متخذه سليمه و المفتاح يفتح الباب فعلا .... راح على المستشفى بسرعه عشان ما حدش يحس انه خرج قبل ميعاد خروج الموظفين وصل المستشفى راح لهند الاوضه وطمنها ان كله تمام وان المفتاح معاه ... فرحت هند جدا انه قدر ينفذ الخطه وقالت له انهم هيتقا**ه تحت قدام اوضه مدير المستشفى 2:00 بالليل بعد ما يعطل السيستم بتاع الكاميرات ... وافق وقال لها اشوفك بالليل قدام الاوضه بتاعه المدير هند ما كانش جاي لها نوم طول اليوم ولا راضيه تاكل عشان متحمسه جدا وعاوزه تعرف هيقدروا يلاقوا الباب السري اللي بيودي على الاوضه ده ولا لا .... الساعه جت اثنين وهند فتحت الباب بشويش لان المستشفى كلهم نايمين العيانين والدكاتره نايمين والدنيا هوس وضلمه كانت خايفه جدا وهي بتفتح الباب بالراحه ومشيه على طراطيف صوابعها بهدوء وما كانتش لابسه جزمه في رجليها حتى عشان ما حدش يسمع اثار خطواتها اللي كان هيبقى مسموع جدا جوه المستشفى .... وصلت عند مكتب دكتور صلاح وكانت الدنيا ضلمه جدا و فضلت واقفه مستنيه دكتور علي عشان يجي وكانت خايفه جدا احسن احد يصحى من النوم ويشوفها فضلت واقفه حوالي 10 دقائق لوحدها وسمعت خطوات حد جاي من وراها افتكرته دكتور علي لكن لقيته واحد من الموظفين الثانيين قرب منها وقال لها : انت واقفه هنا تعملي ايه في وقت زي ده انت مين اصلا .... قررت انها تعمل نفسها مجنونه وتقول كلام مش مفهوم عشان يبعد عنها ويسيبها تمشي ... وبالفعل خطتها نجحت ومشيت استخبت بعيد لحد ما اطمئنت انه ماشي ... هو كان نازل عشان يدخل الحمام اللي كان اخر الطرقه بتاعت مكتب مدير المستشفى طلع على المبنى ثاني عشان يكمل نومه ... وهي فضلت واقفه بعيد مستنيه دكتور علي يظهر ... فقدت الامل لانه فات نصف ساعه و دكتور علي ما ظهرش خالص بس بعد نصف ساعه لقيته جاي عليها من بعيد قربت منه قالت له : انت اتاخرت كده ليه انا واقفه بقى لي كثير جدا وكان في واحد هيشوفني ويفتكر اني باعمل حاجه غلط ... دكتور علي : انا كنت بمسح الفيديوهات وانتي واقفه قدام مكتب دكتور صلاح عشان لما يرجعوا الكاميرات والحاجات القديمه ما يعرفوش انك ليكي علاقه بالموضوع انتي ازاي تقفي قدام المكتب كده ما هو كده لما يفرغ الكاميرات هيشوفوكب هند : انا فاكراك عطلت السيستم من الصبح بدري ما اعرفش انك كل ده قاعد تعطل الكاميرات ... دكتور علي : لو كنت عطلت السيستم من بدري زي ما بتقولي كان زمانهم جايبين الصيانه صلحوه في ساعتها وما كانش هينفع اعطله ثاني انا لازم اعطله لما الناس كلها تكون نائمه عشان ما حدش يحس بيه ولما يكشف الصبح يبقوا يجيبوا الصيانه الصبح بدري ... قالت له : فين المفتاح يلا عشان نجربه ونشوفه هيفتح ولا لا ... طلع المفتاح من جيبه وحاطه في الباب وقاعد يدعي ان المفتاح يشتغل بسرعه قبل ما احد يجي ويشوفهم وبالفعل المفتاح اشتغل والنسخه طلعت صحيحه فتحوا الباب بشويش وقفلوا وراهم وحط المفتاح من الباب من جوه عشان لو حد كان معاه نسخه من المفتاح وفكر يفتح ما يعرفش يفتح الباب وكأن الباب فيه عطل مثلا ... او ينطو من الشباك قبل ما حد يفتح عليهم .... الاوضه كانت ضلمه خالص وما كانش ينفع يولعوا النور لان اوضه المدير لو ولع فيها النور كل المستشفى هيعرفوا ان في حد جوه ويشكو فيهم ... هند : الدنيا ضلمه خالص انا مش عارفه اشوف اي حاجه هنعمل ايه دلوقتي ... دكتور علي : ما تقلقيش يا هند انا عامل حسابي على كل حاجه وجايب كشافين واحد لي وواحد لك بس نوري بسيط عشان ما حدش ياخذ باله ان في حد في الاوضه ... هند : هنعمل ايه دلوقت انا حاسه ان الباب السري هنا في الاوضه دي هندور فين الاوضه كلها صغيره خالص دكتور علي : عندك حق فعلا يا هند اكيد الباب السري هنا ما هو اكيد مش هيعمل اوضه زي اللي انت بتحكي عليها دي هتكون في حته غير في مكتبه عشان يبقى مطمئن انه قاعد جنبها طول الوقت وما حدش ياخذ باله منها غيره احنا هندور وهنعمل اللي علينا وان شاء الله هنلاقيها .... هند : ايه المكتبه دي وايه الكتب دي كلها تعالي نشيل الكتب دي يمكن نلاقي حاجه وراها او حاجه جواها ... قعدوا يشيلوا في الكتب كثير قوي كانت كتب كثيره جدا بس المكتبه ما كانش فيها اي حاجه ولا في حاجه وراها زقوا المكتبه نفسها وراها حيطه ما فيش فيها اي معالم مكان اوضه فيها ... رجعوا المكتبه مكانها والكتب كلها عشان ما حدش يحس بحاجه لو دخل وقعد دكتور علي يقلب في المكتب بتاع دكتور صلاح عشان يلاقي اي اوراق ومستندات تساعدهم في الموضوع ده .... فتح الكمبيوتر بتاعه وقعد يقلب فيه نده على هند وقال لها : الحقي يا هند تعالي شوفي لقيت ايه في الكمبيوتر ... هند : ايه لقيت حاجه توصلنا للاوضه ولا ايه ... دكتور علي : لا لقيت ملفات ومستندات تودي دكتور صلاح في 60 داهيه ده طلع بيتعامل مع الديب ويب من خلالهم يتعامل مع عصابات لتجاره الاعضاء و هم دول اللي بيشتروا منه الاعضاء اللي بياخدها من الجثث يعني كلامك كله يا هند طلع صح وما طلعتيش مجنونه ولا بتخرفي زي ما جوزك كان فاكر وجه قال كده قدامنا كلنا انك مجنونه ..... انا هاعمل كوبي لي كل الملفات دي و اخذها عندي عشان لما نبلغ عن دكتور صلاح يبقى معنا دليل قاطع انه بيشتغل في تجاره الاعضاء عشان هو ممكن يطلع نفسه من المشكله دى باي طريقه ويقول انه ما يعرفش اى حاجه عن الكلام ده انا هاخذ كوبي من محادثاته كلها ... كلام مع عصابات تجاره الاعضاء هنقلها عندي على الفلاشه كده احنا بقى معنا دليل من الادله بس لازم نلاقي الاوضه دي اللي بيرتكبوا فيها كل الجرائم بتاعتهم عشان نوديهم في 60 داهيه ... انا حاسس انا كمان الاوضه دي باب بابها السري موجود هنا بس ازاي مش عارف هيكون في باب فين يعني .... قعدوا يدوروا في الاوضه كلها حيطان وما فيش اي حيطه فيها باب سري ولا حاجه ... فجأه الكشاف وقع من يد هند وقال لها : وطي صوتك هتفضحينا والناس هتسمع بينا ... هند : هشششش انت سمعت الصوت اللي انا سمعته ده ولا لا .... دكتور علي : صوت ايه انا ما سمعتش اي حاجه انت وقعتي الكشاف على الارض قصدك صوت ايه ... هند : وقعه الكشاف على الارض ما كانتش طبيعيه الصوت ده مش طبيعي خالص في تحت الارض هنا حاجه ... رنه جامد وده بيدل ان في حاجه محفوره تحت الارض والباب تحت السجاده انا واثقه من اللي باقول لك عليه ده ... الرنه دي مش رنة كشاف وقع على الارض الرنه دي رنه كشاف وقع على حاجه خشب .... شال السجاده بسرعه ولقى منظر السيراميك مش طبيعي كانه مخلوع من مكانه بدا يشيل هو و هند السيراميك مع بعض لحد ما لقى تحت السيراميك باب خشب وفتحوا وقال لها : انت دماغك دي اول مره اشوف احد بيفكر التفكير ده كله وقال بيقولوا عليكي ان انت اللي مجنونه ده انا اللي مجنون والله مش انت شاطره يا هند انت ذكيه جدا ومحتاجه تشتغلي في المخابرات ... هند : ههه ههه ههه تصدق فعلا يا دكتور علي كان نفسي من زمان اني اشتغل محققه بس اتجوزت عشان استقر بحياتي و اتجوز اللي بحبه وفي الاخر بقى يتقال عليا ان انا مجنونه مش ده موضوعنا دلوقت مين اللي هينزل الاوضه دي تحت الاول المكان تحت مرعب جدا ... دكتور علي : اكيد انتي اللي هتنزلي الاول لانك دخلتي الاوضه دي قبل كده و عارفه ايه اللي فيها بالضبط لكن انا عمري في حياتي ما دخلتها ولو نزلت تحت ممكن يجرالى حاجه ... هند : ومين قال لك اني كنت ببص على اللي جواها انا كنت مرعوبه مع اني كنت باحلم كنت خايفه ابص على اي حاجه .... طب انزل انت الاول وانا هانزل وراك على طول ما تقلقش ... احنا هنقعد نعزم على بعض مين اللي هينزل الاول وفي الاخر هيفتحوا علينا و مش هنقدر ننزل تحت خالص يلا بقى انت الراجل يعني انت اللي تنزل الاول .... وانا هاجي وراك ... نزل دكتور على الاوضه وكان مرعوب وهو نازل والدنيا كانت ظلمه كحل كان ماسك الكشاف وهند نزلت وراه ونور لها النور .... فتح الكشاف في الاوضه و اتصدم من كميه الثلاجات اللي محطوطه في الاوضه .... فتح الثلاجات ولقى كميه جثث كبيره فوق بعضهم من غير اعضاء مرميين كانهم كلاب مش بني ادمين طبعا هما حاطينهم فوق بعضهم لان هم مش عارفين يتخلصوا منهم ازاي ولا عارفين مكان يدفنوا فيهم من غير ما احد يحس بيهم ... حطيناهم مشغلين عليهم الثلاجات عشان ما يطلعوش ريحه والسر بتاعهم ينكشف .... فتح دكتور على تليفونه وبدا يصور المكان كله حاجه حاجه ويفتح ثلاجه ثلاجه يصورها عشان يبقى معه دليل قاطع على البلاغ اللي هيقدموا وهند قالت له انا كان مطلوب مني ان انا اللي اكشف سر الاوضه دي انت كده اللي هتكشفه يعني ممكن الطلب يبقى انت اللي نفذته مش انا وساعتها لاقيس ممكن تأذي اهلي .... على العموم هي اكيد هتظهر لي النهارده وهتقول لي هل اللي انا عملته ده صح ولا غلط هابقى ارد عليك واقول لك تروح انت تبلغ عنهم ولا لا ... دكتور علي : اكيد هاستناكي تقولي لي انا مش عاوز لك الاذى انا كان كل غرضي اخوض التجربه دي لحب الاستطلاع لكن لو الكلام ده هيأذيكي مش هاعمله اكيد ... هند : طيب يلا خلص تصوير و يلا نطلع فوق عشان نرجع كل حاجه مكانها واروح انام بسرعه وهاقول لك بكره الصبح هنعمل ايه .... خلصوا تصوير وقفلوا كل حاجه وطلع فوق ثاني وقفل الباب الخشب وحطوا البلاط مكانه وشالوا شويه التراب دول عشان ما يبانش ان في اي حاجه تحركت من مكانها وفرش السجاده ثاني كأن هم ما عملوش اي حاجه .... قفلوا الكشافات ودكتور على قال له هند : خليكي بعيد عشان هافتح الباب بالراحه احسن احد يشوفك معايا هنا ويفهمو حاجه غلط ولا حاجه عشان الناس هنا دماغها فاضيه ... هند : ماشي راقب الجو عشان نخرج بسرعه ... فتح الباب بالراحه وبص يمين وشمال ما لقاش في اي احد شاور لي هند عشان تخرج بسرعه وهو خرج وراها ومشيوا لغايه اخر الطرقه اللي بتطلع هم على اوضه هند .... في اخر الطرقه وقفهم الدكتور اللي شافها من شويه وقال له : في ايه يا دكتور على هي البنت دي كل شويه تطلع من مكان .... دكتور علي : مش عارف انا كمان لقيتها عماله تقول كلام غريب وماشيه هنا اخذتها عشان اوصلها لحد اوضتها دي المريضه الجديده اللي لسه جايه من يومين رد عليه وقال له : ربنا يعينك ويقويك يا دكتور على الناس هنا عقلها فك خالص ربنا يعينا ويقوينا على الشخصيات اللي بنتعامل معاهم .... هند ما كانتش طايقاه وكانت نفسها ترد عليه او تض*به بالقلم على وشه بس سكتت عشان امرهم ما ينكشفش و عملت نفسها فعلا مجنونه .... اخذها دكتور علي وصلها لحد اوضتها وقال لها : ما تزعليش يا هند على الكلام اللي لسه قائله عليكي بس انا كان لازم اقول كده عشان ما حدش يشك فينا بحاجه ... هند : ولا يهمك يا دكتوره علي انا متفهمه كل الي انت بتعمله والمساعده اللي انت قدمتها لي برغم انك اول مره تعرفني وتشوفني ... دكتور علي : ما تقوليش اي حاجه ده واجبي اتجاه اي احد محتاج مساعده وانا من اول ما شفتك وانا حاسس انك مش مجنونه وحاسس انك وراكي حاجه ومحتاجه حد يساعدك اهم حاجه دلوقت حاولي تنامي كويس عشان تشوفي هتظهر لك وتقول لك ايه و هينفع انا اللي اقدم البلاغ ولا لا ... شكرته وقفلت الباب و لاول مره تروح تنام وهي مش خايفه انها تشوف لاقيس ... راحت تنام واول ما نامت لقت لاقيس بتصحيها وتقول لها : برافو عليكي يا هند قدرتي توصلي للاوضه في وقت قياسي بس انا مش قلت لك انك تعملي كده بنفسك اشمعنا خليت ادحد يساعدك .... هند : انا ما كنتش اعرف اعمل كده لوحدي خالص وانت عارفه كده كويس كان لازم حد من المستشفى يساعدني عشان يقدر يطلع نسخه المفتاح من مكتب المدير اكيد ده ما فيهوش مشكله انا كنت عاوزه اشوفك النهارده عشان اقول لك انه هيروح يعمل البلاغ بكره لان مش هاقدر اطلع من المستشفى واعمل البلاغ بنفسي فهل كده انا خلفت الشرط اللي طلبتيه مني .... لاقيس : هو انت لو كنت تعاملتي مع واحد ثاني غير دكتور على كنت ها ارفض هاقول لك انك خالفتي الشرط لكن بما انك اتعاملتي مع دكتور علي اللي حابب يدخل في العالم بتاعنا ويعرف عنه وبيقرا كثير علينا فا عادي انا احسب لك انك عملتي الشرط بجداره بس اهم حاجه دلوقت انك تخليه يروح يبلغ ويكشف سر الاوضه في اقرب وقت عشان الحارس بتاعنا يتحرر والمهمه تكون تمت بنجاح .... هند : طيب انا عايزه شرط منك انا كمان انا بنفذ لك كل اللي انت بتقوله لي بالحرف الواحد وانت ما عملتليش اي حاجه من ساعه ما عرفتك انا شرطي الوحيد دلوقتي انك تقولي لي مين اللي عمل فيا كده ومين اللي عاوز يأذيني وانا مش هاجيب سيره لاي حد بصتلها لاقيس وقالت لها بصوت حاد : برده م**مه تعرفي حاجات ما ينفعش تعرفيها وحاجات متخصكيش مش هاقول لك و هتعملي كل اللي هطلبه منك عشان تخافي علي عيلتك وبنتك بالاخص ... هند : طيب انا عاوزه اعرف بنتي عامله ايه من غيري دلوقتي ونفسي اشوفها قوي ... لاقيس : انا هاعمل فيك خدمه العمر يا هند و هاوريكي هي عامله ايه ... فجاه ايديها اتحولت لبلوره وكان باين فيها ايسل وهي قاعده بتلعب مع ساره و نايمه جنبها على السرير ساعتها هند اتطمنت جدا انها مع ساره صديقه عمرها وما بقتش خايفه عليها وقالت لها ان هي تعبت من الشروط بتاعتها لانها صعبه وتتمنى ان ده يكون اخر شرط ليها .. يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more