HINDI ko alam kung anong ire-react ko o sasabihin ko sa mga pinagsasabi ni Aeious ngayon, pero hindi na ako natutuwa sa lumalabas na mga salita sa bibig niya. Napupuno ng kaba ang dibdib ko at pakiramdam ko ay may iba siyang pinaparating sa mga sinasabi niya ngayon sa akin.
"Mahal mo na ako, 'yan ba ang paraan mo para sabihing talo ka na?" tanong niya habang nakapaskil pa rin sa labi niya ang ngisi niya.
Kumalas ako sa hawak niya sa akin sa baywang ko at gumawa ng distansya sa pagitan namin. Maimtim ko siyang pinagmasdan at pakiramdam ko ay ibang Aeious ang kaharap ko ngayon.
Kakaiba ang lamig sa mga mata niya. Nakakakilabot naman ang ngisi sa labi niya.
"Ano bang nangyayari sa 'yo, Aeious? Hindi ko maintindihan ang sinasabi mo," usal ko.
Napailing si Aeious sa sinabi ko. "Hindi mo pa
