PUMASOK ako ng bahay habang nanginginig ang kalamnan sa panggigigil. Halo-halong emosyon ang nararamdaman ko. Napupuno ako ng galit, sakit, at mga katanungan.
Naguguluhan ako kung tama ba talaga ang hinala kong may ibang babae si Aeious, pero imposible namang kasi sa lalaki niya sinabi ang salitang 'I love you'. At kanino naman niya sasabihin 'yon? Sa mga kaibigan niya? Ang sweet naman niya!
Pero ngayong iniisip ko pa lang na baka nga tama ang hinala kong may ibang babae si Aeious, nadudurog na agad ang puso ko. Ang babaeng 'yon ba ang dahilan kung bakit hindi ako kayang seryosohin ni Aeious? Mahal niya ba ang babaeng 'yon? Anong meron sa babaeng 'yon na wala ako? Mas maganda ba siya kaysa sa akin? Mas mabait ba siya kaysa sa akin? Tangina, ngayon ay napupuno ako ng insecurities dahil sa
