"ANO ka ba, Laurent? Pinayagan ko kayong mag-inom kagabi para magsaya, pero hindi ko sinabing maglasing ka," sermon ni Ninang Rhea habang nasa harap kami ng hapagkainan.
Wala akong naging tugon sa sinabi niya. Hawak-hawak ko lang ang ulo ko habang ang siko ko ay nakapatong sa lamesa.
"Kulang na lang ay magsuka ka kagabi dahil sa kalasingan mo," dagdag ni Ninang Rhea.
Malalim akong bumuntong hininga at mariin na ipinikit ang mga mata ko. Masyado akong nagpakalasing kagabi at dahil doon ay nakatanggap ako ng sermon ngayong umaga. Mas sumasakit tuloy ang ulo ko dahil sa nakakarinding boses ni Ninang Rhea.
Kahit masakit ang ulo ko ay napilitan akong bumangon para sumabay kina Ninang Rhea sa pag-almusal. Walang sinabi ang hangover ko sa rules ni Ninang Rhea dito sa bahay.
"Ngayon ay may ha
