HUMIHINGAL akong tumigil sa pagtakbo at napahawak sa magkabilaang tuhod ko. Sunod-sunod ang pagbaba at taas ng dibdib ko dala ng pagod sa halos isang oras kong pagtakbo mula pa kanina.
Nang mahabol ko na ang hininga ko ay tumayo na ako ng tuwid at nakangiting iginala ang tingin sa paligid. Tulad ng ipinangako sa akin ni Aeious noong nakaraang araw ay muli niya akong dinala sa overlooking na pinagdalhan niya sa akin noong gabing tumakas kami.
Napatingin ako sa tabi ko nang maramdaman kong may tumabi sa akin, si Aeious.
"Here, drink this," utos ni Aeious at inabot sa akin ang bottled water na hawak niya.
Nakangiti ko pa ring tinanggap 'yon at ininom hanggang sa mangalahati saka ibinalik kay Aeious. Nangunot ang noo ko nang buksan niya ang bottled water at ininom ang tinira kong tubig. N
