NATUTULALA pa rin ako kahit na maayos na ang lagay ni Aeious, pero dahil nag-aalala pa rin si Ninang Rhea sa kalagayan ni Aeious ay hinatiran na lang niya ito ng pagkain sa kwarto nito. Kaya nang ipagpatuloy na namin nina Ninang Rhea, Cillian at Hraevne ang pagkain ng tanghalian ay hindi namin nakasabay si Aeious.
Nang matapos sa pagkain ay nagpaalam agad sa aming tatlo nina Cillian at Hraevne si Ninang Rhea na sisilipin muna si Aeious para tingnan ang kalagayan nito. Kaya sa amin naiwan ang gawain dito sa kusina.
"Bakit kaya biglang inatake si Kuya Aeious ng hika niya?" tanong ni Hraevne habang inililigpit ang mga plato at inilagay 'yon sa lababo kung nasaan si Cillian na kasalukuyang naghuhugas ng plato. Ako naman ay inililigpit ang mga baso at ibinigay rin kay Cillian.
"Hindi kaya sa
