HINDI ko inaakalang magiging big deal ang paglihim namin ni Aeious sa mga kapatid niya ng tungkol sa amin. Pero hindi pa namin puwedeng ipaalam kay Ninang Rhea ang tungkol sa amin ni Aeious. Hindi pa sa ngayon. Hindi pa ngayon na nagsisimula pa lang ang mga plano ko. Gusto kong malaman nina Ninang Rhea at ng mga magulang ko ang tungkol sa amin ni Aeious kapag may malaking kalokohan na nagawa si Aeious na siguradong ikakagalit ng mga magulang namin.
Kaya wala akong magawa kundi ang makaramdam ng guilt dahil sa naging alitan ng tatlong magkakapatid kagabi.
Umuwi na si Ninang Rhea dito sa bahay. Alas siyete pa lang ng umaga ay dumating na agad siya at siya na rin ang nag-asikaso ng breakfast namin. Ginising niya lang kami nang handa na ang lahat.
"Kumusta kayo kahapon dito?" tanong ni Nina
