DAHIL umaga pa lang ay puro kahihiyan na agad ang natamo ko dahil sa labi ko, nagkulong na lang ako sa kwarto ko. Lumabas lang ako ng kwarto ko nang sumapit na ang tanghalian.
Gaya kaninang umaga, tahimik akong kumakain habang nakatuon lang ang tingin sa plato ko. Kapag kasi nag-angat ako ng tingin ay may tatlong nakakaasar na lalaki ang sasalubong sa akin. Sa harapan ko ay si Aeious na ngumingisi sa tuwing magtatama ang tingin namin. At sina Cillian at Hraevne na titingnan ako ng parang nang-aakusa. Kaya mas okay na sa plato ko na lang itinuon ang tingin ko.
"Boys, may sasabihin pala ako," biglang sambit ni Ninang Rhea sa gitna ng pagkain namin.
"What is it, Mom?" Boses 'yon ni Aeious.
"Pupuntahan ko ang Dad nyo pagkatapos kong kumain. May naiwan siyang blueprint sa office niya at nga
