SASHA ROSARIO'S POINT OF VIEW
Nagising ako dahil sa mabigat na kung ano sa dibdib ko. Para akong mamamatay dahil hindi ako makahinga kaya naman nagising talaga ako.
Agad akong napabangon habang habol ang hininga, akala ko ay may sumasakal na sa akin. Pero nang lingunin ko kung ano ang mabigat—bumungad sa akin ang braso ni Dallius na nakapatong sa dibdib ko.
Tila nawala ang antok ko't nanlaki ang mga mata ko nang makita na mahimbing siyang natutulog. Nakaramdam ako ng kilig at talagang kulang na lang ay manginig ang katawan ko dahil sa tuwa.
"H-Hala!" Kagat-labi ko pang saad habang nakatingin pa rin sa kaniya.
Natulog akong wala silang apat ng mga gunggong. Pero ngayon, nagising akong andito na siya.
Agad na nilibot ko ang paningin ko—wala ang tatlong gunggong kaya naman kumunot
