NANG NAHIMASMASAN SI Yvony sa halik ni Dior ay agad niya itong itinulak. Napahawak siya sa labi niya at hindi mapigilan na mapatulala. Ninakaw lang naman ng lalaking kinaiinisan niya ang unang halik niya na dapat ibigay lang sa lalaking magpapatibok ng puso niya.
Paglingon niya kina Hiro, Gael, at Brittany na nasa harapan niya ay nagpalakpakan lang ang mga ito. Tuwang-tuwa ang mga ito sa ginawa ni Dior sa kaniya. Pero nang may humawak sa kamay niya, agad niyang nilingon ito. Sa pagkakataong iyon, nakita niya ang pag-aalala sa mukha ni Freya.
“Okay ka lang, Ate?” tanong nito.
“Pwedeng samahan mo muna ako sa banyo?” hiling niya rito.
Napatango si Freya. “Tara, Ate.”
Pagkatayo niya sa kinauupuan niya, hinawakan ni Dior ang kamay niya. Nilingon niya ito sabay hawak sa kamay nito na nasa k
