NANUNOOD NG PALABAS sila Yvony sa sala nila. Kasama niya ang kasintahan at ang mga kapatid niya. Nasa kabilang upuan ang mga kapatid niya habang sila namang dalawa ni Dior sa isang upuan. Nakahiga siya sa hita nito habang minamasahe nito ang ulo at ang mga mga kamay niya. Hindi naman siya nahihiya na magpalambing sa kasintahan niya kahit kasama pa niya ang mga kapatid niya. Ang mahalaga sa kaniya, tanggap sila ng mga ito. Kahit ang mga magulang niya na nagdadalawang-isip kanina, tinanggap na lang din ang kung ano ang meron sila. Basta ang tugon ng mga ito sa kanila, ipaglaban nila kung ano man ang meron sila.
Ipinangako nila iyon sa mga magulang niya kaya nawala ang pag-aalala ng mga ito. Sa pagkakataong iyon, mas nabigyan siya ng lakas ng loob. Lalo na si Dior na ang buong akala ay hindi
