HAPON NA AT nasa gymnasium si Yvony para manood ng basketball. Maglalaro sila Dior at ang mga kaklase nito. Sa pagkakaalam niya, nagpustahan ang mga ito. Ginawa ng mga ito iyon na isang sugal.
Nasa tabi niya si Hiro at mukhang walang balak itong sumali. Sasamahan lang daw siya nito. Hinihintay niya rin na dumating sina Dessa at Geno. Ang sabi sa kaniya ni Dessa, hahabol lang ang mga ito. May binili lang ang mga ito sa cafeteria.
Sa totoo lang, halos mababaliw na si Yvony sa tuwing kasama niya si Hiro. Mas nararamdaman niya ang pagmamahal nito sa kaniya. Kung paano siya nito alagaan, masasabi niya na iba talaga. Iyon nga lang, naiilang siya sa tuwing pinipisil nito ang braso niya. May nararamdaman lang siyang kakaiba. Dahil gusto niya ang tao, binabalewala niya lang iyon. Inilagay na lan
