Napangiti si Demitrica. “Ang corny mo, Kuya. Kung ako si Ate? Hindi rin kita magugustuhan, ’no? Kaming babae, mas prefer naming magkagusto sa katulad nina Kuya Kambal at Ylo. Tahimik.”
Napalingon si Yvony kay Demitrica nang sinabi nito ang salitang kambal. Napangiti siya na kahit ito ay may kamalayan na may hawig si Hiro sa kanilang mga Consunji. Matagal na niyang napapansin na parang babaeng bersiyon ni Hiro si Demitrica kung pagbabasehan ang mukha. Hindi niya talaga mapaliwanag kung bakit. Natatawa na lang siya kung bakit mas kamukha pa ni Hiro ang pamilya ni Dior kumpara rito. May kunting bahagi kasi ng mukha ni Dior ang nakuha sa ina nito kaya mas masasabi niyang mas kamukha ni Hiro ang ama at lolo ng amo niya.
“Ate, agree ka ba sa sinabi ko?” tanong ni Demitrica.
“Super,” sagot ni
