Distillirie Residence and Mansion
Bonifacio, Taguig
Matuling lumipas ang pitong araw at iyon din ang araw na darating si Lumina Jose Romano. Siya ang panganay na anak ni Mang Jose na matagal nang guwardiya ng kanilang mansiyon. Sabik na ring makita ni Rein ang dalaga dahil unang araw na nito bukas para alagaan ang kambal. Nasa living area si Rein nang mga oras na iyon nang mag-ring ang teleponong nakakonekta sa guard's post. Alam na ni Rein kung sino ang tumawag.
"Yes, Mang Jose?" masiglang tanong agad nito.
"Kilala na po ninyo agad ang boses ko Ma'am?" pabirong sagot naman ni Mang Jose sa kabilang linya.
"Siyempre naman. Ilang taon ka na bang namamalagi sa poder namin? Hindi puwedeng hindi ko makabisado ang tinig mo, Mang Jose," nakangiting sagot naman ni Rein dito.
"Oo nga pala. Tu
