Galit
Gusto kong sigawan si Uno dahil sa pang-aakusa niya sa akin. Nangangati itong mga kamay kong ihagis ang dalang mga bote sa loob ng paperbag para makaganti ako sa ginawa niya noong pagmamanipula. Pero nang may narinig akong pamilyar na boses ay natauhan rin ako.
"Aly?" Tawag ni Lolo Dancio sakin. Hindi sigurado ang boses nito. Kung hindi ko ito nilingon ng buo at tinitigan niya ako ng ilang sigundo ay doon lamang siya nakasiguradong ako nga ito.
"Aly ikaw nga! Halos hindi na kita makilala! Ang laki mo na! Sabi ko na nga ba at mas lalo ka pang gaganda!" Lumiwanag ang mukha ni Lolo Dancio at manghang mangha sa ipinagbago ko. Hindi ko alam kung parte ba ito ng pagdadalaga ko o sadyang matagal lang talaga kaming hindi nagkikita ni lolo kaya pakiramdam niya ay ang laki nang nagbago sa a
